Fimmtán í framboði

Fimmtán taka þátt í prófkjöri Sjálfstæðismanna í Kópavogi fyrir komandi bæjarstjórnarkosningar en kjörstaðir opnuðu klukkan níu. Gunnar I. Birgisson bæjarstjóri gefur einn kost á sér í fyrsta sætið en fjögur keppa um annað sætið á listanum.

Kosið um sameiningu fjögurra sveitarfélaga

Íbúar Húsavíkur, Kelduneshrepps, Öxarfjarðarhrepps og Raufarhafnarhrepps kjósa í dag um sameiningu sveitarfélaganna. Íbúar þessara fjögurra sveitarfélaga samþykktu sameiningu sjö sveitarfélaga í Þingeyjarsýslum síðasta haust en þá var sameiningu hafnað í þremur sveitarfélögum og því féll tillagan.

Hálka um allt land

Ökumenn um allt land eru varaðir við hálku eða hálkublettum á vegum úti. Vegagerðin varar sérstaklega við því að flughált er í uppsveitum Árnessýslu, um Bröttubrekku, á öllum Vestfjörðum og í nágrenni hvort tveggja Sauðárkróks og Kirkjubæjarklausturs.

Bæjarstarfsmannafélög lýsa yfir vonbrigðum með Launamálaráðstefnu

Samflot bæjarstarfsmannafélaga hefur sent frá sér fréttatilkynningu þar sem lýst er yfir miklum vonbrigðum með að ekki hafi verið gefin skýr skilaboð eftir launamálaráðstefnu sveitarfélaga um hvernig leysa eigi þann hnút sem launamál sveitarfélaganna eru í.

Akureyringar vilja Hagkaup í stað knattspyrnuvallar

Drjúgur meirihluti Akureyringa vill leggja niður Akureyrarvöll, aðal knattspyrnuvöll bæjarins. Ríflega helmingi bæjarbúa líst vel á að þar rísi Hagkaupsverslun og þorri þeirra vill að hluti svæðisins fari undir almenningsgarð.

Samstarf um upplýsingamiðlun úr ökutækjaskrá

Samstarf hefur verið tekið upp á milli Umferðarstofu og ríkisskattstjóra um upplýsingamiðlun úr ökutækjaskrá Umferðarstofu á vefsíðu ríkisskattstjóra.

Verðmæti Avion Group jókst um 12,7 milljarða

Verðmæti Avion Group jókst um 12,7 milljarða króna á fyrsta degi félagsins í kauphöll Íslands í dag. Fyrirtækið er það stærsta sem skráð hefur verið í Kauphöllina og segir forstjóri hennar að skráningin styrki hana í samkeppni við aðrar kauphallir.

Fækkar plánetunum um eina?

Reikistjörnur sólkerfisins eru níu, eða svo var að minnsta kosti talið. Leiðangur bandarísku geimferðastofnunarinnar NASA alla leið til Plútó gæti hins vegar breytt skilningi á plánetunum og jafnvel orðið til þess að þeim fækki um eina.

Krefjast þess að gögnin verði gerð opinber

Eftirlitsstofnun EFTA aflétti í dag trúnaði af skjölum sem varða umfjöllun stofnunarinnar um frumvarp sem menntamálaráðherra lagið fram um ríkisútvarpið á vorþingi 2005. Stjórnarandstaðan krafðist þess að gögnin yrðu gerð opinber.

Það er þrengt að hestamönnum í höfuðborginni segir formaður LH

Jón Albert Sigurbjörnsson formaður Landssambands hestamanna hefur áhyggjur af því hversu þrengt er að hestamönnum á höfuðborgarsvæðinu og segir hann að sveitarfélög verði að taka harðar á þessum málum annars stefni í óefni.

Vill sjá skólabúninga víðar

Björn Ingi Hrafnsson, aðstoðarmaður forsætisráðherra og formaður fjölskyldunefndar, er hlynntur því að skólabúningar verði teknir upp hér á landi.

53 fórust í rútuslysi í Kasmír-héraði

Að minnsta kosti fimmtíu og þrír biðu bana þegar rúta fór út af fjallvegi í Kasmír-héraði í dag. Bílstjóri rútunnar var að taka krappa beygju í fjalllendi nærri bænum Sainganji í indverska hluta Kasmírs þegar hann missti stjórn á rútunni, með þeim afleiðingum að hún hrapaði um 120 metra niður í gljúfur.

Hátt verð á raforku og hátt gengi krónunnar orsakar lokun Sæsilfurs

Samherji á Akureyri hefur ákveðið að loka laxeldistöð sinni í Mjóafirði árið 2008, eða þegar búið verður að slátra þeim laxi sem þar er í uppeldi.

Samstaða náðist á launamálaráðstefnu sveitarfélaganna um að hækka allra lægstu launin verulega

Eftir launamálaráðstefnu sveitarfélaganna í dag stendur ekki til að opna kjarasamninga heldur er lagt upp með að sveitarfélögum verði heimilt að greiða laun umfram kjarasamninga. Samstaða náðist um að hækka allra lægstu launin verulega. Um eitthundrað leikskólakennarar mættu við upphaf ráðstefnunnar til að minna á slök launakjör sín.

Fá bílastæði ráðgerð við nýja stúdentagarða

Háskólastúdentar, sem vilja búa á nýjum stúdentagörðum sem eru að rísa í miðborg Reykjavíkur, eiga að taka strætó í skólann. Það er að minnsta kosti vilji borgaryfirvalda, sem gera ráð fyrir fáum, sem engum, bílastæðum við nýju stúdentagarðana. Þeir sem eiga bíl verða að leggja í bílastæðahúsum og greiða fyrir það fullu verði.

Úrskurður Kjaradóms felldur úr gildi

Alþingi samþykkti í dag frumvarp til laga sem fellir úr gildi úrskurð Kjaradóms frá 19. desember síðastliðnum um launahækkanir til æðstu stjórnenda ríkisins. Stjórnarandstaðan stóð gegn frumvarpinu og vildi fara aðra leið. Fulltrúar hennar telja að frumvarpið geti brotið í bága við stjórnarskrá.

Mannæta í Svíþjóð

Morð, mannát og blóðdrykkja er á meðal þess sem 29 ára gamall geðsjúkur Svíi er sakaður um að hafa stundað. Hann hefur viðurkennt að hafa banað tveimur konum til að öðlast krafta þeirra.

Gera þarf rannsóknir á stærð loðnustofnsins áður en talað er um hrun

Aðalsteinn Helgason, framkvæmdastjóri Síldarvinnslunnar í Neskaupstað, þar sem fyrstu loðnu ársins þar í bæ var landað í dag, segir að gera þurfi rannsóknir á áhrifum flotveiða og stærð loðnustofnsins áður en sleggjudómar um hrun stofnsins séu settir fram.

Lögregla og sýslumaður banna Klámkvöld á Traffic

Lögregla og sýslumaður í Reykjanesbæ hafa bannað skemmtistaðnum Traffic að halda klámkvöld sem vera átti annað kvöld. Skipuleggjendur kvöldsins harma bannið og segja ekkert ólöglegt eiga sér stað á klámkvöldinu. Þeir eru þó ekki af baki dottnir og hafa í hyggju að halda samskonar kvöld á öðrum skemmtistað í bænum.

Aldrei fleiri ferðamenn til landsins

Aldrei hafa jafn margir ferðamenn komið til landsins á einu ári og í fyrra eða tæplega 370.000 ferðamenn. Ferðamönnum til landsins hefur fjölgað jafnt og þétt hin síðari ár en á síðustu þremur árum hefur ferðamönnum fjölgað um 30%.

Lögregla skaut á mannfjölda í Addis Ababa

Lögreglan í Addis Ababa í Eþíópíu skaut að fólki sem safnast hafði saman í borginni í dag í tilefni af degi heilags Mikjáls. Að sögn vitna höfðu einhverjir tekið upp á því að loka götum og ögra lögreglu og sinnt í engu tilmælum lögreglumanna, sem varð til þess að þeir gripu til vopna sinna.

Trúnaði aflétt af skjölum ESA um RÚV-frumvarpið

Trúnaði hefur verið aflétt af skjölum sem tengjast umfjöllun Eftirlitsstofnunar EFTA, ESA, um frumvarp sem menntamálaráðherra lagði fram á Alþingi um Ríkisútvarpið á síðasta vorþingi.

Björg Jónsdóttir ÞH 321 landaði í dag fyrstu loðnu ársins í Neskaupstað

Í morgun kom Björg Jónsdóttir ÞH 321 með fyrstu loðnu ársins til Neskaupstaðar en Björg hafði verið á veiðum á loðnumiðunum norður af Langanesi. Þar hefur góð veiði verið síðustu daga en skipstjórar segja töluverða loðnu vera á miðunum.

Stefnubreyting frá dómvenju í máli konu er rann í hálku gegn ACO Tæknivali

Kona vann í dag í Héraðsdómi Reykjavíkur mál gegn ACO Tæknivali og er um að ræða skýra stefnubreytingu frá dómvenju þar sem fyrirtækið var dæmt fyrir saknæma vanrækslu á því að hindra hálkumyndun fyrir utan verslun BT í Skeifunni.

Kjaradómslögin samþykkt

Kjaradómslögin voru samþykkt á Alþingi fyrir stundu. Tuttugu og sex greiddu atkvæði með lögunum en sautján sátu hjá. Með lögunum er úrskurður Kjaradóms frá því rétt fyrir áramót felldur úr gildi og laun þingmanna þannig hækkuð um 2,5 prósent, en ekki 8 prósent eins og Kjaradómur ákvað.

Fíkniefnaneytandi dæmdur í 12 mánaða fangelsi

24 ára karlmaður var í dag dæmdur í 12 mánaða fangelsi, þar af tíu mánuði skilorðsbundna, í Héraðsdómi Reykjaness fyrir að hafa í vörslu sinni rúmlega 300 grömm af hassi, eignaspjöll á umferðarljósum og þjófnað úr lyfjakistu í báti. Maðurinn hefur áður gerst brotlegur við lög og braut fyrra skilorð. Hann hefur átt við áfengis- og fíkniefnavanda að stríða.

Úrslit þingkosninganna í Írak tilkynnt í dag

Úrslit þingkosninganna í Írak, sem fóru fram þann 15. desember síðastliðinn, voru tilkynnt í dag. Bandalag sjía-múslíma vann flest sæti, 128 sæti af 275.

Um hundrað leikskólakennarar minna sig

Um eitt hundrað leikskólakennarar voru mættir við upphaf launamálaráðstefnu sveitarfélaganna um klukkan eitt til að leggja áherslu á kröfur sínar um bætt launakjör.

Andanefja synti upp Thamesá

Vegfarendur við breska þinghúsið geta þessa stundina virt fyrir sér andanefju sem hefur synt upp ánna Thames og er nú kominn til Lundúna. Hundruð manna hafa safnast saman á árbökkunum til að fylgjast með andarnefjunni enda er þetta í fyrsta skipti svo vitað sé til sem slíkt dýr hefur synt alla leið upp til Lundúna.

Hegningarlagabrotum snarfækkar

Hegningarlagabrotum hefur fækkað um 55 prósent í Hafnarfirði frá því í ársbyrjun 2003 þegar lögreglan þar setti sér fyrst stefnu og markmið. Þetta kemur fram í afbrotatölfræði sem Lögreglan í Hafnarfirði hefur birt.

Krydd innkallað

Tvær kryddtegundir hafa verið innkallaðar eftir að í ljós kom að ólöglegt litarefni var að finna í þeim. Um er að ræða Rajah Mild Madras Curry Poweder og Rajah Hot Madras Curry Powder í hundrað gramma dósum.

Tugir leikskólakennara mættir

Fjöldi leikskólakennarar er mættur í hús Orkuveitu Reykjavíkur þar sem launaráðstefna sveitarfélaganna er í þann mund að hefjast. Með nærveru sinni vilja leikskólakennarar þrýsta á um að kjör þeirra verði bætt.

Öllu laxeldi hætt í Mjóafirði

Dótturfélag Samherja og Síldarvinnslunnar í Neskaupstað hefur ákveðið að hætta öllu laxeldi í Mjóafirði, en þar er nú yfir helmingur alls laxeldis í landinu. Vísbendingar eru um að laxeldið sé að taka aðra kollsteypu.

Hörð samkeppni Íslendinga erlendis

Allt stefnir í harða samkeppni íslenskra fyrirtækja á fasteignamarkaðnum á meginlandi Evrópu þar sem Baugur og Straumur-Burðarás munu takast á.

Sammála um að hætta viðræðum

Iðnaðarráðherra, fjármálaráðherra, borgarstjórinn í Reykjavík og bæjarstjórinn á Akureyri hafa sent frá sér sameiginlega yfirlýsingu um að ekki séu lengur forsendur fyrir frekari viðræðum um kaup ríkisins á hlut Reykjavíkur og Akureyrar í Landsvirkjun.

Lést í bílslysi

Stúlkan sem lést þegar bíll hennar fór út af Hnífsdalsvegi og hafnaði úti í sjó í gærdag hét Þórey Guðmundsdóttir. Þórey var fædd árið 1988 og hefði hún orðið átján ára í mars. Þórey var til heimilis að Garðavegi í Hnífsdal. Lögreglan á Ísafirði rannsakar tildrög slyssins.

Flugbanni aflétt vegna hátíðahalda

Tæplega sextíu ára flugbanni á milli Taívans og Kína hefur verið aflétt til að auðvelda þeim Taívönum sem búa í Kína að skreppa heim yfir hátíðirnar, en Kínverjar fagna nýju ári um þessar mundir.

Íslensk stúlka hætt komin

Íslensk stúlka var hætt komin þegar henni var haldið í gíslingu í Naíróbí í Keníu í um tvær klukkustundir. Fimm menn réðust inn á heimilið sem hún bjó á, vopnaðir byssum og ógnuðu heimilisfólki.

Safnast saman fyrir utan launamálaráðstefnu

Leikskólakennarar á höfuðborgarsvæðinu ætla að safnast saman fyrir utan hús Orkuveitu Reykjavíkur eftir hádegi í dag, við upphaf launamálaráðstefnu sveitarfélaganna, til að leggja áherslu á kröfur sínar um bætt launakjör. Miklar vonir eru bundnar við að á ráðstefnunni náist samkomulag um laun leikskólakennara og ófaglærðra starfsmanna leikskólanna.

Mikil hækkun á Avion við skráningu

Verðmæti Avion Group jókst um tæpa tuttugu milljarða króna á fyrstu mínútunum eftir opnun Kauphallar Íslands í morgun. Avion er lang stærsta fyrirtækið sem skráð hefur verið í Kauphöllina en skráning þess hófst þar í morgun.

Mál Bubba gegn 365 tekið fyrir

Mál Bubba Morthens gegn 365 prentmiðlum og Garðari Erni Úlfarssyni vegna umfjöllunar tímaritsins Hér og nú um Bubba var tekið fyrir í Héraðsdómi Reykjavíkur í morgun. Lögmenn lögðu fram gögn í morgun og þeim gefst frekari tími til að afla gagna áður en málsmeðferð hefst.

Skoða hvernig efla megi starfsnám

Menntamálaráðherra hefur skipað átta manna nefnd sem á að skoða leiðir til að efla starfsnám. Meðal þess sem á að skoða er hvernig stuðla megi að aukinni aðsókn í starfsnám og tryggja fjölbreytt námsframboð. Formaður nefndarinnar er Jón B. Stefánsson, skólameistari Fjöltækniskóla Íslands.

Vill veiðibann á loðnuna

Loðnuveiðar á að stöðva og setja á veiðibann strax, sagði Magnús Þór Hafsteinsson, varaformaður Frjálslynda flokksins, við upphaf þingfundar. Hann sagði ástand loðnustofnsins grafalvarlegt og vildi að hætt yrði að veiða það litla sem finndist við loðnuleit.

Félagsráðgjafar felldu samning

Félagsráðgjafar felldu nýgerðan kjarasamning sinn við Reykjavíkurborg með miklum meirihluta í atkvæðagreiðslu sem lauk nú í vikunni. Kosningaþátttaka var um 90 prósent og greiddu nær allir atkvæði gegn samningnum.

Mótmæla trúnaðarkvöð

Stjórnarandstæðingar mótmæltu því á fundi menntamálanefndar Alþingis í morgun að þeir yrðu að heita trúnaði gegn því að fá afhent afrit af bréfaskiptum mennta- og fjármálaráðuneytisins við Eftirlitsstofnunar EFTA vegna athugunar stofnunarinnar á Ríkisútvarpinu.