Tólf handteknir í kynþáttaóeirðum

Tólf unglingar voru handteknir í miklum kynþáttaóeirðum í Sidney í Ástralíu í gær. Þúsundir hvítra unglinga söfnuðust saman í strandhverfum borgarinnar og gerðu aðsúg að hópi ungmenna af arabískum uppruna og létu öllum illum látum.

Atkvæðagreiðslan hafin

Atkvæðagreiðsla í sögulegum þingkosningum í Írak hefst í dag. Stjórnvöld í Írak hafa gripið til víðtækra öryggisaðgerða í aðdraganda kosninganna, þar sem óttast er að uppreisnarmenn geri fjölmargar árásir.

Pólverjar rannsaka leynifangelsi

Pólsk stjórnvöld hafa ákveðið að hefja formlega rannsókn á því hvort leynifangelsi á vegum CIA hafi verið rekin í landinu. Stjórnvöld í Póllandi hafa alltaf harðneitað sögusögnum um leynifangelsin, en segja að málið verði að rannsaka, því annars gæti það skaðað orðstýr landsins.

Þingmaður myrtur

Líbanskur þingmaður var ráðinn af dögum í Beirút í morgun. Aðrir þingmenn ásaka Sýrlendinga um að bera ábyrgð á morðinu. Þingmaðurinn Gebran tueni lést ásamt þrem öðrum þegar bílsprengja sprakk nærri bifreið hans. Tíu manns slösuðust í sprengingunni, sem var mjög öflug og skemmdi nærliggjandi byggingar töluvert.

Þjóðverjar fá einir þjóða að reka herstöð í Úsbekistan

Þjóðverjar fá að halda áfram rekstri herstöðvar sinnar í Úsbekistan, ólíkt öðrum NATO-þjóðum. Á dögunum lýstu stjórnvöld í Úsbekistan því yfir við fjölmörg þeirra ríkja sem eru með hersveitir í landinu að þau fengju ekki áframhaldandi leyfi fyrir slíku, en Úsbekistan hefur meðal annars landamæri að Afganistan.

Jón Páll í mestum metum

Aflraunagarpurinn Jón Páll Sigmarsson er í mestum metum yfir afreksíþróttamenn hér á landi, samkvæmt skoðanakönnun sem Gallup gerði fyrir Visa Europe og Morgunblaðið britir í dag. Jón Páll, sem lést fyrir um þrettán árum, hefur nokkra yfirburði í könnuninni.

Innbrotsþjófar handsamaðir í Breiðholti

Húsráðendur í einbýlishúsi í Breiðholti vöknuðu við þann vonda draum í nótt að einhverjir ókunnugir voru í húsinu. Styggð kom á innbrotsþjófana, sem voru tveir, þegar þeir urðu húsráðenda varir. Þeir lögðu á flótta en lögreglumenn gripu þá glóðvolga skömmu síðar.

Sjö fíkniefnamál í Hafnarfirði

Sjö fíkniefnamál komu til kasta lögreglunnar í Hafnarfirði um helgina sem er óvenju mikið. Flest málanna komu upp við venjulegt umferðareftirlit.

Sjónhimnuígræðslur í heila Parkinsons-sjúklinga lofa góðu

Sex sjúklingar sem þjást af Parkinsons sjúkdómnum hafa sýnt miklar framfarir eftir að skurðlæknar græddu frumur úr innra lagi sjónhimna í heila þeirra. Ári eftir ígræðslunar mældust sjúklingarnir 48% hærra á prófum sem mæla hreyfingu þeirra og samhæfingu og tveimur árum síðar höfðu þeir ekki glatað þeirri getu.

Banaslys á Svalbarðsstrandarvegi í morgun

Banaslys varð þegar bíll valt út af Svalbarðsstrandarvegi við Eyjafjörð upp úr klukkan fimm í morgun og varð alelda. Vegfarandi tilkynnti um slysið og voru lögregla og slökkvilið þegar send á vettvang en þá var maðurinn, sem var einn í bílnum, látinn. Lögreglan á Akureyri rannsakar tildrög slyssins.

Öflug sprengja í pósthúsi í Aþenu

Öflug sprengja varð í pósthúsi í miðborg Aþenu í Grikklandi í morgun. Töluverðar skemmdir urðu á byggingunni og gler úr rúðum dreifðist yfir stórt svæði. Ekki liggur enn fyrir hvort fólk hafi slasast í sprengingunni.

Meðalverð íbúðarhúsnæðis lækkaði

Meðalverð íbúðarhúsnæðis á höfuðborgarsvæðinu og víðast hvar annars staðar í þéttbýli lækkaði í síðustu viku í samanburði við meðalverð síðastliðinna tólf vikna. Samkvæmt þinglýstum kaupsamningum lækkaði það um þréttán hundruð þúsund á höfuðborgarsvæðinu, um fjórar milljónir á Akureyri og um þrjár og hálfa milljón á Árborgarsvæðinu.

Fann sprautur á bílastæði

Hún var heldur ófögur sjónin sem blasti við Daða Hreinssyni þegar hann lagði bílnum sínum á bílastæði við húsnæði sem eitt sinn hýsti veitingastaðinn Glóðina í Keflavík um tvö leytið á föstudaginn. Sprautur og áhöld, sem notuð eru við fíkniefnaneyslu, smokkar og sleipiefni lágu þar fyrir allra augum.

Töluverður eldur logar enn

Töluverður eldur logar enn í einni stærstu olíubirgðastöð í Bretlandi þar sem miklar sprengingar urðu í gær. Reykmökkurinn frá stöðinni nær mörg hundruð metra upp í loftið. Talið er að erfitt verði að komast að orsökum sprenginganna þar sem flestallar vísbendingar hafi brunnið.

Brottfluttir eru kosningabærir

Fjölmargir Írakar sem eru búsettir utan heimalands síns fá á þriðjudag að kjósa í þingkosningum landsins. Kosningarnar fara fram í Írak á fimmtudag en atkvæði verða greidd erlendis á þriðjudag og miðvikudag.

Genginn til liðs við Sharon

Shaul Mofaz, varnarmálaráðherra Ísraels, hefur sagt skilið við Likud-flokkinn og gengið til liðs við miðflokk Ariels Sharon forsætisráðherra. Mofaz segir að hægri öfgamenn hafi rænt Likud-flokknum og því hefði hann ekki getað unað. Mofaz var einn öflugasti leiðtogi Likud-flokksins.

Maður og barn sluppu ómeidd

Bílvelta varð norðan við vegasjoppuna Baulu rétt fyrir klukkan þrjú í gær. Ökumann og barn sem var í bílnum sakaði ekki en bifreiðin er talin vera ónýt. Vegurinn á þessum slóðum er mjög illa farinn og þá var einnig mikil hálka þegar slysið varð.

Hraðahindrun flutt úr stað

Hann var nokkuð ­bí­ræfinn­ náunginn sem stal hraðahindrun í Búðardal aðfaranótt laugardags en henni var síðan raðað upp á graskant fyrir framan stjórnsýsluhús bæjarins.

Skuldir aukist um 30 milljarða

Skuldir sveitarfélaganna í landinu fyrir skuldbindingar hafa aukist um tæpa 30 milljarða króna frá árinu 1997 samkvæmt tölum Sambands íslenskra sveitarfélaga. Hluti vandans felst í að margar stofnanir sveitarfélaga sem eiga sjálfar að standa undir skuldum sínum með gjöldum eða öðrum tekjum gera það ekki og verða því mörg sveitarfélög sjálf að axla þá bagga og nota til þess skattfé.

Stjórnvöld höfðu ekki lagaheimildir

Umboðsmaður alþingis telur að íslenska ríkið hafi ekki haft lagalega heimild til þess að setja komubann á iðkendur Falung Gong sumarið 2002. Hann segir það íslenskra dómstóla að skera úr um hvort ríkið hafi bakað sér skaðabótaskyldu.

Húnavatnshreppur orðinn til

Nýju sveitar­félagi í Austur-Húnavatnssýslu á að gefa nafnið Húnavatnshreppur, sam­kvæmt niðurstöðu sveitar­stjórnar­kosninga sem fram fóru á laugar­dag, en þá var kos­ið um nýtt nafn á hrepp­inn.

Kynjakvóti í stjórnum

Lög sem skylda skráð hlutafélög til að hafa að minnsta kosti fjóra af hverjum tíu stjórnarmönnum konur ganga í gildi um áramótin í Noregi. Félögin fá tvö ár til að auka hlutfallið þannig að í ársbyrjun 2008 eiga konur að sitja í öðru hverju stjórnarsæti, annars geta félögin misst starfsleyfi.

Pyntingar verði bannaðar

Öldungadeild Bandaríkjaþings og Hvíta húsið munu á næstunni samþykkja tillögu um að banna pyntingar til að fá mikilvægar upplýsingar hjá grunuðum hryðjuverkamönnum. Þessu heldur Bill Frist, leiðtogi repúblikana í öldungadeildinni, fram.

Ekkert vitað um afdrif gísla

Yfirvöld í Írak segjast ekki hafa neinar upplýsingar um þá sjö vestrænu gísla sem hafa verið í haldi í landinu undanfarið. Í síðasta mánuði var þýskum fornleifafræðingi rænt í Bagdad og nokkrum dögum síðar var fjórum kristnum friðarsinnum rænt í borginni.

Tólf handteknir

Þúsundir hvítra ungmenna efndu til mótmæla í Sydney í Ástralíu í gær og þurfti lögreglan að hafa hendur í hári þó nokkurra ólátabelga. Mótmælin áttu sér stað á ströndinni Cronulla og höfðu mótmælendurnir flestir áfengi um hönd.

Afurðir virðast meiri en í fyrra

Fyrstu tölur benda til að afurðir sláturtíðarinnar í haust séu talsvert meiri en í fyrra. Fyrstu yfirlitstöflur um niðurstöður úr fjárræktar­fél­ög­un­um haustið 2005 eru nú að­gengi­leg­ar á vef Bænda­sam­tak­anna, www.bondi.is. Þar kemur fram að upp­gjöri sé lokið fyrir rúmlega 66 þúsund ær frá haustinu.

Landi og þjóð til sóma

Þegar ljós urðu úrslit í keppninni Ungfrú heimur sendu forsetahjónin Ólafur Ragnar Grímsson og Dorrit Moussaieff nýkrýndri fegurðardrottingu eftirfarandi heillaóskir: "Ungfrú heimur, Unnur Birna Vilhjálmsdóttir, Sanya, Kína. Við óskum þér til hamingju með glæsilegan árangur. Þú ert landi og þjóð til sóma. Heillaóskir til fjölskyldunnar."

Stunda sjóböð á hverjum sunnudagsmorgni

Tilhugsunin um að stinga sér til sunds við strendur Íslands gefur mörgum hroll. Því er þó ekki svo farið með meðlimi í sjósundsfélaginu "Skítkalt" sem mæta stundvíslega klukkan ellefu á hverjum sunnudagsmorgni til að stinga sér til sunds við Gróttu.

Tugþúsundir manna sýna Gotovina stuðning

Tugþúsundir manna hafa safnast saman á götum úti í Króatíu til þess að sína meinta stríðsglæpamanninum Ante Gotovina stuðning. Hann var í gærmorgun fluttur með spænskri herflugvél áleiðis til stríðsglæpadómstólsins í Haag.

Andi jólanna í hættu

Andi jólanna er í hættu vegna gegndarlausrar efnishyggju víða um heim. Þetta sagði Benedikt páfi í vikulegri blessum sinni á Péturstorginu í Róm. Páfinn sagði að jólin liðu fyrir auglýsingaeitrun, sem tröllriði öllu í hinum vestræna heimi á þessum árstíma.

Steingrímur talar mest

Þrátt fyrir að þing sé nú einungis hálfnað hefur sá þingmanna sem lengst hefur staðið í ræðustól, talað í rúman hálfan sólarhring. Það kemur ef til vill fáum á óvart að formaður Vinstri Grænna, Steingrímur J Sigfússon, skuli fara þar fremstur í flokki. Birgir Ármannsson, þingmaður Sjálfstæðisflokksins, talaði hins vegar minnst.

Öflugur skjálfti á Nýju Gíneu

Jarðskjálfti upp á sex komma átta á Richter skók Nýju Gíneu á þriðja tímanum í dag. Skjálftinn varð í þeim hluta landsins sem liggur norður af Ástralíu og austur af Indónesíu. Ekki er vitað til þess að neinn hafi slasast í skjálftanum.

Pryor látinn

Grínleikarinn frægi Richard Pryor lést í gærkveldi. Hjartaáfall varð honum að fjörtjóni að sögn eftirlifandi eiginkonu hans. Richard Pryor var sextíu og fimm ára að aldri og hafði glímt við MS sjúkdóminn í um tvo áratugi.

Flugöryggi gagnrýnt

Flugöryggi í Nígeríu er nú harðlega gagnrýnt eftir enn eitt stóra flugslysið í landinu í gær, þar sem yfir eitt hundrað manns fórust.

36 manns særðust í sprengingu í olíubirgðastöði í nágrenni London

Nú er ljóst að 36 manns særðust og þarf af tveir alvarlega í gríðarlegri sprengingu sem varð í olíubirgðastöð í bænum Buncefield skammt frá London klukkan sex í morgun. Mikill eldur breyddist út við sprenginguna og steig reykur marga tugi metra upp í himininn.

Hálka á Hellisheiði

Opið í Hlíðarfjalli í dag

Hlíðarfjall er opið í dag og skíða- og brettafæri er mjög gott. Það voru margir sem mættu snemma til að nýta sér færið þrátt fyrir óspennandi veðurspá. Allar helstu lyftur eru í gangi og opið verður í Hlíðarfjalli til klukkan fimm í dag.

Róleg nótt hjá lögreglu víða um land

Nóttin var tíðindalítil hjá lögreglunni víða um land. Brotist var inn í bensínstöðina í Garðinum og nokkrum sígarettupökkum stolið. Lögreglan hafði afskipti af tveimur unglingspiltum síðar um nóttina sem viðurkenndu að hafa brotist inn ásamt þremur öðrum strákum.

Kemur af fjöllum

Oddur Friðriksson er yfirtrúnaðarmaður verkalýðsfélaganna á Kárahnjúkum og ber þann stóra titil með sóma. Maðurinn ber það með sér að vera fastur fyrir og fylginn sér; þreklega vaxinn og snöfurmannlegur í framkomu. Hann er ljós yfirlitum og útitekinn, enda kemur maðurinn af fjöllum.

Munar allt að 400 þúsundum á ári

"Það eru ansi margir í mínu félagi sem hrista hausinn yfir þessu og skilja hvorki upp né niður," segir Björg Bjarnadóttir, formaður Félags leikskóla­kennara. Nýafstaðnir samningar Reykja­­víkurborgar við Eflingu og Starfs­mannafélag borgarinnar þýða að ófaglærðir deildarstjórar á leikskólum hafa mun hærri mánaðarlaun en faglært fólk innan Félags leikskólakennara.

Kemur heim með kórónu í farteskinu

Unnur Birna Vilhjálmsdóttir er ungfrú heimur. Hún átti alls ekki von á að ná svo langt í keppninni. Hún hafði skrifað á netið að hún kæmi ekki með kórónuna heim. Heiðar Jónsson snyrtir segist hafa verið viss um að hún ynni.

Klippa þurfti farþega út úr bíl

Alvarlegur árekstur varð á Suðurlandsvegi í gær þegar þrír jeppar lentu saman og þurfti að loka veginum í hátt á þriðja tíma. Áreksturinn varð klukkan 15.30 til móts við Þórustaði í Ölfusi. Klippa þurfti ökumann einnar bifreiðarinnar út úr bílnum. Fimm manns þurfti að flytja á sjúkrahús, þar af tvo alvarlega slasaða.

Eins og að fylgjast með bikarleik

"Ég er bara ekki alveg búinn að átta mig á þessu," sagði Vilhjálmur Skúlason, faðir Unnar Birnu, eftir að hún hafði verið krýnd Ungfrú heimur. "Ég fylltist auðvitað gríðarlegu stolti yfir þessu öllu saman en þó eru tilfinningarnar blendnar. Ég var búinn að hlakka til að fara út á flugvöll á mánudaginn og sækja hana en nú verður ekkert af því og allt er óvíst með heimkomuna," segir Vilhjámur sem fylgdist spenntur með keppninni ásamt syni sínum.

Sjö lifðu en hundrað létust

Sjö manns björguðust en 103 fórust þegar nígerísk farþegaþota hrapaði til jarðar í gær. Vélin var aðflugi að flugvelli í borginni Port Harcourt, sem er sunnantil í Nígeríu.

Fimmtíu ára Nóbelsafmæli

Þess var minnst í Þjóðmenningarhúsinu í gær að fimmtíu ár eru liðin frá því að Halldór Laxness fékk bókmenntaverðlaun Nóbels. Fjöldi fólks fylgdist með fjölskrúðugri hátíðardagskrá sem hófst klukkan ellefu og stóð fram á kvöld.