Íslendingar með lægstu fjárframlög Norðurlandanna

Íslendingar eru ekki einu sinni hálfdrættingar á við hinar Norðurlandaþjóðirnar þegar kemur að fjárframlögum til aðstoðar fórnarlömbum jarðskjálftans í Kasmír.

Fyrirtæki flýja land

Framkvæmdastjóri Samtaka iðnaðarins hefur verulegar áhyggjur af flótta íslenskra fyrirtækja til útlanda. Hann segir fjarri því að alltaf sé hægt að tala um jákvæða útrás því fjöldi starfa hafi tapast hér á landi vegna hennar á undanförnum árum.

Íslendingar eru trúaðir

Íslendingar fara með Faðir vorið að meðaltali þrisvar í viku. Barnatrúin er sterk og þeir eru duglegir að biðja bænirnar með börnunum. Kirkjusókn hefur aukist lítillega síðustu árin en þó sinnir landinn einkum trú sinni í gegnum barna- og æskulýðsstarf kirkjunnar.

Vopnahlé Ísraels og Paletínu í uppnámi

Minnst fimm týndu lífi og um þrjátíu særðust í sjálfsmorðsprengjuárás í strandbænum Hadera í Ísrael í dag. Íslömsku samtökin Jíhad hafa lýst verknaðinum á hendur sér.

Fjárhagslega háð sambýlismanni sínum

Í gær sagði Stöð 2 frá fólki sem hefur rétt yfir 100 þúsund krónur í mánaðarlaun. Í dag hitti fréttastofan starfskonu á leikskóla sem segist háð sambýlismanni sínum vegna lágra launa. Þegar hún var ein átti hún enga möguleika á að kaupa sér íbúð og varð að selja bílinn.

Undirstrika sterk tengsl þjóðanna

Norska konungsfjölskyldan kom í sína fyrstu opinberu heimsókn til Bretlands í gær. Elísabet Bretlandsdrottning segir heimsóknina undirstrika sterk tengsl þjóðanna.

Annan skorar á þjóðir heims til aðstoðar

Hundruð þúsunda þeirra sem þegar eiga um sárt að binda eftir hamfarirnar í Pakistan, kunna að farast á næstu vikum, ef frekari aðstoð berst ekki áður en harður vetur skellur á. Kofi Annan, framkvæmdastjóri Sameinuðu þjóðanna, skorar á þjóðir heims að láta ekki sitt eftir liggja.

Verðstríð háð milli Byko og Húsasmiðjunnar

Byko og Húsasmiðjan há nú mikið verð- og auglýsingastríð. Nokkrar algengar vörutegundir sem fréttastofan kannaði verð á í dag voru í öllum tilfellum ódýrari í Byko.

Eldur kviknaði og hjólbarði sprakk í lendingu

Rúmlega tvö hundruð og fimmtíu farþegum um borð í vél tælenska flugfélagsins Thai Airways brá heldur betur í brún þegar vélin lenti á flugvellinum í Melbourne í Ástralíu í morgun. Vélin lenti svo harkalega að einn hjólbarði sprakk og annar búnaður laskaðist, með þeim afleiðingum að eldur kviknaði á nokkrum stöðum í vélinni.

Samiðn kærir

Samiðn, samtök iðnfélaga, hafa kært sex fyrirtæki sem nýta sér krafta starfsmanna á vegum starfsmannaleigunnar 2B. Ekkert fyrirtækjanna gat lagt fram atvinnuleyfi fyrir starfsmennina og því voru fyrirtækin kærð.

Auknar líkur á lokun herstöðvar í Keflavík

Líkurnar á að Keflavíkurstöðinni verði lokað stórjukust í dag þegar bandaríska utanríkisráðuneytið baðst undan því að koma að varnarviðræðum við Íslendinga. Þjóðaröryggisráðgjafi Bandaríkjanna mun framvegis fara með forræði í málinu, sem þykir benda til þess að varnarmálaráðuneytið fái sínu framgengt.

Skuldabréfa útgáfa erlendis í íslenskum krónum nálgast þolmörk

Útgáfa skuldabréfa í íslenskum krónum erlendis er komin nálægt þolmörkum íslenska hagkerfisins að sögn Tryggvs Þórs Herbertsson, forstöðumanns Hagfræðistofnunar. Útgáfan er nú komin í eitt hundrað milljarða króna eða sem nemur einum þriðja af fjárlögum íslenska ríkisins.

Hafa engin samskipti við dómstólinn

Lögmenn Saddams Husseins segjast ekki munu hafa nein samskipti við dómstólinn sem réttar í máli hans þar til réttarhöldunum verður framhaldið í lok nóvember. Þeir vilji nefnilega ekki tefla lífi sínu í hættu en í síðustu viku var lögmaður eins af fyrrverandi samverkamönnum Saddams myrtur eftir að hafa verið rænt af skrifstofu sinni.

Sala á framleiðslu jókst um 45%

Sala á framleiðslu Össurar hf. jókst um fjörtíu og fimm prósent í Bandaríkjadölum samkvæmt uppgjöri þriðja ársfjórðungs.

Eiga kost á störfum erlendis

Þeim 40 starfsmönnum sem sagt hefur verið upp störfum hjá Flögu Medcare munu fá aðstoð við að leita sér að nýrri vinnu. Starfsmannastjóri fyrirtækisins útilokar ekki að sumir muni eiga þess kost að vinna hjá höfðuðstöðvum fyrirtækisins erlendis.

Gengi hlutabréfa Flögu Group hf. hefur hríðfallið

Gengi hlutabréfa Flögu Group hf. hafa hríðfallið, eða um nær helming á síðasta árið og náðu hlutabréfin lágmarki fyrr í mánuðinum. Afkoma fyrirtækisins hefur farið versnandi á síðustu árum og áætlanir um bætta afkomu hafa ekki gengið eftir.

Áhersla á vinnustaðatengda íslenskukennslu

Alþjóðahúsið er byrjað að bjóða upp á íslenskukennslu fyrir innflytjendur. Megináherslan verður lögð á svokallaða ,,vinnustaðatengda" íslenskukennslu þar sem námsefnið er sérhannað fyrir hvern vinnustað og tekur mið af daglegum veruleika starfsmanna.

Sjúkraliðar látnir sitja á hakanum

Sjúkraliðar hafa vísað launadeilu sinni við launanefnd sveitarfélaga til Ríkissáttasemjara. Formaður Sjúkraliðafélags Íslands segir ástæðuna þá að launanefndin hafi ekki gefið sér tíma til að funda með sjúkraliðum.

Gott fólk íhugar að kæra

Verðstríð virðist skollið á á byggingar- og heimilisvörumarkaði á milli Húsasmiðjunnar og BYKO. Fyrirtækin bjóða nú bæði verðvernd fyrir viðskiptavini en auglýsingastofa BYKO sakar Húsasmiðjuna um að hafa stolið hugmyndinni.

Hryggð í bland við feginleika

Minningarnar brjótast fram á Flateyri segir Vigdís Finnbogadóttir fyrrum forseti Íslands sem er komin þangað vegna minningarathafnar um að tíu ár eru liðin síðan snjóflóð féll á Flateyri og varð tuttugu íbúum að bana.

Mál Auðar gegn Hannesi upp í desember

Máli Auðar Laxness, ekkju Halldórs Laxness, gegn Hannesi Hólmsteini Gissurarsyni prófessor var frestað til 19. desember næstkomandi við fyrirtöku í Héraðdsómi Reykjavíkur í morgun. Auður höfðaði málið vegna meintra brota á höfundarrétti í bók Hannesar um Nóbelskáldið, Halldór.

SFLÍ vísar kjaradeilu til ríkissáttasemjara

Sjúkraliðafélag Íslands vísaði í gær kjaradeilum sínum við Launanefnd sveitarfélaga til ríkissáttasemjara. Fyrsti fundurinn hjá honum haldinn var síðdegis í gær þar sem fulltrúar launanefndar lögðu fram nýjar tillögur að kjarasamningi.

Menningarstofnunum og -nefndum fækkað um níu

Níu af tuttugu nefndum og stofnunum í menningarsamstarfinu verða lagðar niður, en starfsemi þeirra verður þó haldið áfram með ýmsu móti. Norrænu menningarmálaráðherrarnir ákváðu einróma á fundi sínum í dag að breyta skipulagi á menningarsamstarfi norrænu þjóðanna og gera það sveigjanlegra.

Fylkingar súnníta saman í framboð

Nú þegar ný stjórnarskrá hefur verið samþykkt í Írak hafa þrjár stjórnmálafylkingar súnníta tekið höndum saman og ætla að bjóða fram undir sömu merkjum í þingkosningum í landinu í desember. Í tilkynningu frá fylkingunum þremur eru súnnítar hvattir til að taka þátt í kosningunum, en þátttaka þeirra í kosningunum í janúar var afar dræm.

Greiddu 682 milljónir fyrir ráðgjöf

Morgan Stanley fjárfestingabankinn fékk greiddar 682 milljónir króna fyrir ráðgjöf sína vegna sölu Símans. Tíu milljónir af söluandvirði Símans fóru til framkvæmdanefndar um einkavæðingu vegna nefndarlauna og ferðakostnaðar.

Bjart og fagurt veður á Flateyri

Flateyringar minnast þess í dag að tíu ár eru liðin frá snjóflóðinu mikla sem kostaði tuttugu manns lífið. Bjart og fagurt veður er á Flateyri í dag og fátt sem minnir á ógnaratburðinn fyrir tíu árum. Hann er þó ofarlega í hugum manna og hans er minnst á margvíslegan hátt í dagskrá sem stendur í allan dag og lýkur með samkomu í kirkjunni sem hefst klukkan átta í kvöld.

Ná ekki samkomulagi um reykingabann

Breska ríkisstjórnin nær ekki að koma sér saman um lög gegn reykingum, sem átti að kynna í gær. Nokkra ráðherra greinir á um hvort bannið eigi að ná til allra opinberra staða eða hvort undanskilja eigi veitingastaði sem ekki selja mat.

Tvö þúsund Bandaríkjamenn fallnir í Írak

Tvö þúsund Bandaríkjamenn hafa fallið í Írak síðan innrásin í landið hófst í mars 2003.

Starfsemi Medcare færð úr landi

Stefnt er að því að færa starfsemi Medcare-Flögu úr landi og styrkja starfsemi félagsins í Bandaríkjunum og á Evrópumarkaði. Hátt í 40 starfsmönnum hér á landi verður sagt upp störfum um næstu mánaðamót og hefur það verið tilkynnt á starfsmannafundum.

Máli vegna meintra atvinnréttindabrota vísað frá

Héraðsdómur Reykjaness hefur vísað frá dómi máli ákæruvaldsins gegn fyrirsvarsmanni SK Smáverka ehf. og Perlunnar ehf. um að hafa brotið lög um atvinnuréttindi útlendinga með því að ráða í vinnu til sín sex Litháa.

Minningar brjótast fram vegna snjóflóðs

Vigdís Finnbogadóttir, fyrrverandi forseti Íslands, segir miklar minningar brjótast fram þegar hún heimsæki Flateyri aftur, en hún er þar stödd til að minnast þess að tíu ár eru síðan snjóflóð féll á bæinn þar sem 20 manns létust.

Banvænn stofn flensu greinist í Króatíu

H5N1-stofninn af fuglaflensu hefur greinst í Króatíu. Þetta var staðfest í morgun. Fuglaflensa hefur enn á ný greinst í Kína, að þessu sinni í rúmlega fimm hundruð öndum og kjúklingum í Hunan-héraði.

Segist hafa fengið margar fyrirspurnir

Flugfélagið Iceland Express er komið á söluskrá og hefur fyrirtækjasviði Kaupþings banka verið falið að annast söluna. Annar eigenda félagsins segist hafa fengið margar fyrirspurnir um félagið.

Aldrei í vafa að Flateyri yrði endurbyggð

Tuttugu létust og stór hluti byggðarinnar þurrkaðist út þegar snjóflóðið féll. Þrátt fyrir það voru flestir heimamenn á því að Flateyri skyldi endurreist. Fyrir tíu árum vaknaði Magnea við að snjóflóð hafði fallið. Hún segir tilfinninguna hafa verið óraunverulega, en skelfilega.

Aukin spurn eftir gæðahúsnæði hækkar vísitölu

Aukin spurn eftir gæðahúseignum hefur hækkað húsnæðisvísitöluna talsvert umfram raunverulega hækkun og þar með skrúfað verðbólgu og neysluvísitölu óeðlilega mikið upp að mati Ásdísar Kristjánsdóttur hagfræðings.

HR býður upp á meistaranám í tækni- og verkfræði

Háskólinn í Reykjavík hyggst bjóða upp á meistaranám í tækni- og verkfræði frá og með næstu önn sem hefst í janúar, eftir því sem fram kemur í tilkynningu frá skólanum.

Frestur Atlantsolíu til framkvæmda að renna út

Frestur Atlantsolíu til að hefja byggingarframkvæmdir við bensínstöð á lóð, sem félagið fékk úthlutað á Skeiði á Ísafirði í fyrra, rennur út í byrjun nóvember en þau skilyrði voru sett við úthlutun lóðarinnar að framkvæmdir þyrftu að hefjast innan árs.

Sýrlendingar vilja rannsaka morðið á Hariri

Sýrlensk stjórnvöld segjast reiðubúin að hefja eigin rannsókn á morðinu á Rafik Hariri, fyrrverandi forsætisráðherra Líbanons. Hins vegar hafna þau rannsókn Sameinuðu þjóðanna á morðinu og segja hana ekki hlutlausa.

Ekki verði auglýst í ljósvakamiðlum

Stjórn Varðar, sem er fulltrúaráð sjálfstæðisfélaganna í Reykjavík, samþykkti á fundi sínum að skora á frambjóðendurna í prófkjöri flokksins fyrir borgarstjórnarkosningarnar að auglýsa ekki í ljósvakamiðlum.

Selur í höfninni í Þórshöfn

Selur svamlaði í höfninni í Þórshöfn um helgina. Selurinn var mjög forvitinn og gerði margar tilraunir til að komast upp á bryggjuna en tókst ekki. Sjómenn töldu selinn tæplega fullvaxinn en vel á sig kominn og pattaralegan.

Ný bygging á horni Lækjargötu og Vonarstrætis

Fyrirhugað er að reisa fimm hæð banka- og skrifstofubyggingu á horni Lækjargötu og Vonarstrætis þar sem nú er meðal annars skrifstofubygging Íslandsbanka, Foreldrahús og bílastæði. Að sögn Morgunblaðsins er það Eignarhaldsfélagið Fasteign hf. sem hyggst reisa stórhýsið sem verður tæplega ellefu þúsund fermetrar að stærð.

Fyrirtaka í máli Auðar gegn Hannesi

Nú klukkan tíu verður fyrirtaka í Héraðsdómi Reykjavíkur í máli Auðar Laxness, ekkju Halldórs Laxness, gegn Hannesi Hólmsteini Gissurarsyni prófessor vegna meintra brota á höfundarrétti í bók Hannesar um Nóbelskáldið, Halldór.

Skera upp herör gegn grimmilegri meðferð á dýrum

Yfirvöld í Róm á Ítalíu hafa skorið upp herör gegn kærulausum gæludýraeigendum og -seljendum og hafa sett margs konar reglur til þess að koma í veg fyrir grimmilega meðferð á dýrum.

Kostnaður vegna Símasölu hátt í 800 milljónir

Tíu milljónir af söluandvirði Símans fóru til framkvæmdanefndar um einkavæðingu vegna nefndarlauna og ferðakostnaðar. Auk þess fékk Morgan Stanley-fjárfestingabankinn greiddar 682 milljónir króna fyrir ráðgjöf sína.

40 starfsmönnum Medcare sagt upp

Stefnt er að því að færa starfsemi Medcare utan og verður hátt í 40 starfsmönnum hér á landi sagt upp. Búið er að tilkynna um yfirvofandi uppsagnir á starfsmannafundum.