Snuprar Ríkislögreglustjóra

Umboðsmaður Alþingis gerir athugasemdir við vinnubrögð Ríkislögreglustjórans í tveimur aðskildum málum. Umboðsmaður telur að kröfum stjórnsýslulaga hafi ekki verið fullnægt.  

Stofnandi Daewoo handtekinn

Maðurinn sem stofnaði Daewoo-samsteypuna í Suður-Kóreu var handtekinn þegar hann kom aftur til heimalands síns eftir að hafa verið landflótta síðan árið 1999. Kim Woo-Choong, sem nú er sextíu og níu ára gamall, var dýrkaður í Suður-Kóreu fyrir að byggja upp stærsta fjölskyldufyrirtæki landsins.

Samið um leigu Hótel Valhallar

Forsætisráðuneytið hefur samið við Kristbjörgu Kristinsdóttur til fimm ára um leigu á Hótel Valhöll á Þingvöllum. Hótel Valhöll verður opnuð á ný á þjóðhátíðardaginn eftir gagngerar breytingar. Síðustu þrjú árin hefur Kristbjörg verið hótel- og framkvæmdastjóri Hótels Borgar.

Slettu á ráðstefnugesti

Lögreglan í Reykjavík handtók þrjá mótmælendur, tvo karlmenn og eina konu, eftir hádegið sem ruddust inn á alþjóðlega álráðstefnu sem nú fer fram á Nordica-hóteli í Reykjavík og slettu því sem líktist grænni súrmjólk á ráðstefnugesti. Tveir mótmælendanna, karl og kona, eru íslensk en annar karlmannanna er enskur.

Kaupa auglýsingu fyrir viðtal

Athafnakona í Reykjavík fékk símtal frá <em>Frjálsri verslun</em> fyrir skemmstu þar sem henni var boðið í heilsíðuviðtal. Sá bögull fylgdi skammrifi að skilyrði fyrir viðtalinu var að konan keypti heilsíðuauglýsingu fyrir fyrirtæki sitt.

Lögfræðiálit kemur til greina

Forystumenn stjórnarandstöðunnar sitja nú á fundi og ræða viðbrögð við niðurstöðu Ríkisendurskoðunar um að forsætisráðherra hafi verið hæfur til að koma að einkavæðingu ríkisbankanna þrátt fyrir tengsl sín við fyrirtækið Skinney Þinganes. Til greina kemur að stjórnarandstaðan sammælist um að kalla eftir sérstöku lögfræðiáliti í málinu.

Vararíkissaksóknari skipaður

Dóms- og kirkjumálaráðherra hefur skipað Ragnheiði Harðardóttur saksóknara í embætti vararíkissaksóknara frá og með 1. júlí nk. Þá hefur dóms- og kirkjumálaráðherra skipað Óskar Bjartmarz, varðstjóra og rannsóknarlögreglumann, í embætti yfirlögregluþjóns hjá Sýslumanninum á Seyðisfirði frá og með 1. ágúst nk.

Menningarauki í miðborginni

Forsvarsmenn Listaháskólans vilja að nýtt hús skólans rísi við gömlu höfnina í Reykjavík. Það yrði um ellefu þúsund fermetrar og er kostnaður áætlaður á þriðja milljarð króna. </font /></b />

Ríkisendurskoðandi krafinn svara

Forystumenn stjórnarandstöðunnar voru að ljúka fundi þar sem rædd voru viðbrögð við niðurstöðu Ríkisendurskoðunar um að forsætisráðherra hafi verið hæfur til að koma að einkavæðingu ríkisbankanna þrátt fyrir tengsl sín við fyrirtækið Skinney Þinganes. Ákveðið var á að spyrja Ríkisendurskoðanda ýmissa spurninga sem enn væri ósvarað á fundi fjárlaganefndar á fimmtudaginn.

Kærir nauðgun í Keflavík

Stúlka um tvítugt hefur lagt fram kæru vegna nauðgunar sem átti sér stað fyrir hádegi á sunnudaginn var í Keflavík. Rannsókn málsins er á frumstigi en farið verður með það sem misneytingarmál þar sem konan hafi ekki getað spornað við verknaðinum sökum ölvunar.

Býsnast yfir klæðaburði kvenna

Guðbjörg Sigurðardóttir er ósátt við klæðaburð kynsystra sinna: </font /></b />

HÍ útskrift í Egilshöll

Útskrift Háskóla Íslands fer fram í Egilshöll í Grafarvogi þetta sumarið. Verður hún laugardaginn 25. júní og hefst klukkan 13. Er áætlað að hún standi í tvær og hálfa klukkustund.

Ölvun ekki aukist

Vínbúð opnaði á Reyðarfirði fyrir tólf dögum og hafa bæjarbúar, margir hverjir, tekið henni fegins hendi. Sýnileg ölvun hefur þó ekki aukist í bænum, að sögn lögreglu.

Varaforseti S-Afríku rekinn

Mbeki, forseti Suður-Afríku, rak Jacob Zuma, varaforseta sinn, úr embætti í dag vegna spillingarmála. Nelson Mandela harmaði að til þessa þyrfti að koma en lýsti jafnframt yfir stuðningi við ákvörðun forsetans.

Lætur af starfi bæjarstjóra

Gunnar Valur Gíslason, bæjarstjóri á Álftanesi, hefur óskað eftir að láta að störfum af persónulegum ástæðum.Gunnar Valur var ráðinn sveitastjóri Bessastaðahrepps árið 1992 og hefur gegnt starfi bæjarstjóra um eins árs skeið.

Fengu skilorðsbundna dóma

Héraðsdómur Reykjaness dæmdi í dag tvo rúmlega tvítuga menn í skilorðsbundið fangelsi fyrir þjófnað og önnur minniháttar brot gegn lögum um ávana- og fíkniefni. Annar maðurinn fékk þriggja mánaða dóm en hinn tveggja mánaða. Ákvörður refsingar þriðja mannsins var frestað, haldi hann almennt skilorð.

Bensínhækkun hjá öllum félögum

Öll olíufélögin hafa nú hækkað verð á eldsneyti síðustu tvo dagana en Esso reið á vaðið í gærmorgun og hækkaði verð á bensíni og dísilolíu um eina krónu.

Fleiri en 350 gæludýr á heimilinu

Dýraeftirlitið í Bretlandi greindi frá því í dag það hafi aðvarað tvo húseigendur í Norfolk-héraði fyrir að hafa fleiri en 350 gæludýr á heimili sínu. Á meðal þeirra dýra sem fólkið hélt var 131 hundur, 48 kettir, 80 kanínur og 86 naggrísir.

Hlutfallslega færri úti í nám

Hlutfallslega færri Íslendingar fara nú erlendis í nám og þeir sem fara flykkjast til Norðurlandanna á kostnað Bandaríkjanna. Verslunarráð Íslands vill skoða hvernig fjölga megi íslenskum námsmönnum erlendis, einkum í Asíu og Bandaríkjunum.

Nýr forstjóri Samkeppniseftirlits

Páll Gunnar Pálsson, lögfræðingur, hefur verið ráðinn forstjóri Samkeppniseftirlitsins. Páll Gunnar starfar nú sem forstjóri Fjármálaeftirlitsins en tekur við sínu nýja starfi 1. júlí þegar stofunin tekur til starfa. Þetta kemur fram í fréttatilkynningu frá stjórn Samkeppniseftirlitsins.

Nautgripum fækkaði

Nautgripum á Íslandi fækkaði um 2,1 prósent á síðasta ári eða um tæplega fjórtánhundruð. Í árslok 2004 voru 64.639 nautgripir á landinu miðað við 66.033 árið áður. Þetta kemur fram í nýrri samantekt sem unnin var af Bændasamtökum Íslands fyrir Landssamband kúabænda.

Sóttur á Reykjaneshrygg

Landhelgisgæslan sótti slasaðan sjómann í togarann Ostrovet frá Dóminíku í fyrrinótt. Sjómaðurinn, sem var rússneskur, hafði að sögn áhafnar hlotið stungusár á kvið við fiskvinnslu um borð. Þegar tilkynnt var um slysið var togarinn 268 sjómílur frá landi.<font face="Helv"></font>

Fallið hátt og skellurinn harður

"Tímasetning skattalækkana ríkisstjórnarinnar er kolröng. Menn vissu að það væri von á ofhitnun í hagkerfinu og það að lækka skatta kallar á niðurskurð í ríkisútgjöldum. Þetta hafa Alþjóðagjaldeyrissjóðurinn, Seðlabankinn og OECD sagt," segir Ólafur Darri Andrason hagfræðingur Alþýðusambandsins.

Rétt staðið að ráðningum

Umboðsmaður Alþingis hefur nú úrskurðað í máli tveggja umsækjanda sem töldu sig hlunnfarna við ráðningar í stöður hjá lögreglustjóranum í Reykjavík. Samkvæmt úrskurðinum telur umboðsmaður ólíklegt að þeir annmarkar, sem þó hafi verið á undirbúningi málsins, ættu að leiða til ógildingar á ráðningu þeirra sem störfin hlutu.

28 látnir í dag - 24 lík finnast

Að minnsta kosti 28 manns hafa látist í árásum Írak í dag. Auk þess fundust 24 lík rétt fyrir utan Bagdadborg. Þrettán aðrir menn sem teknir höfðu verið af lífi fundust í gærkvöldi.

Davíð á ráðsfundi EES

Davíð Oddsson utanríkisráðherra sat í dag ráðsfund Evrópska efnahagssvæðisins í Lúxemborg. Ráðið er samráðsvettvangur EFTA-ríkjanna og Evrópusambandsins.

Árás umhverfissinna olli uppnámi

Uppnám varð á ráðstefnu um álmál í dag þegar róttækir umhverfissinnar skvettu grænleitum vökva yfir fundargesti. Um var að ræða herskáa náttúruverndarsinna, fólk sem nýlega skipulagði einskonar námskeið í borgaralegri óhlýðni.

Veruleg kostnaðarlækkun

Vegna fréttatilkynningar sem Póst- og fjarskiptastofnun sendi frá sér í dag vill Síminn m.a. koma á framfæri þeim athugasemdum að fyrirtækið kynnti nýverið nýjar sparnaðarleiðir og tilboð sem munu hafa í för með sér fjölgun valkosta fyrir viðskiptavini og geta jafnframt þýtt verulega kostnaðarlækkun fyrir þá.

Barnakláms leitað hjá Íslendingi

Tölvubúnaður, disklingar og myndbönd eru nú til rannsóknar hjá lögreglunni í Reykjavík vegna gruns um að þar sé að finna barnaklám. Eigandinn, 32 ára karlmaður, var handtekinn í gær og yfirheyrður. Europol stýrði aðgerðum gegn barnaklámhring í 13 löndum.

Guantanamo skaðar ekki ímyndina

Dick Cheney, varaforseti Bandaríkjanna, telur ekki að fangabúðirnar við Guantanamo-flóa á Kúbu skaði ímynd Bandaríkjanna. Hann segir fangana fá betri meðferð þar en þeir fengju nokkurs staðar annars staðar.

Búast við frystingu fullgildingar

Forsætisráðherrar Svíþjóðar og Danmerkur sögðu báðir í gær að þeim þætti koma til greina að hætta við áformaðar þjóðaratkvæðagreiðslur í löndum sínum um staðfestingu stjórnarskrársáttmála Evrópusambandsins.

Þrír ungir menn fengu skilorð

Þrír ungir menn á aldrinum 23 til 25 ára fengu skilorðsbundna dóma í Héraðsdómi Reykjaness í gær fyrir margvísleg þjófnar-, umferðarlaga-, og fíkniefnalagabrot.

Gunnar Valur hættir í haust

Guðmundur G. Gunnarsson, forseti bæjarstjónar Álftaness, verður ráðinn í stöðu bæjarstjóra bæjarfélagsins frá og með 1. september næstkomandi. Ákvörðun um þetta var tekin á fundi bæjarstjórnar síðdegis í gær.

Ríkið ekki bótaskylt vegna eymsla

Héraðsdómur Reykjavíkur sýknaði í gær íslenska ríkið af kröfum fyrrum starfsmanns varnarliðsins um bætur vegna vinnuslyss sem hann lenti í árið 1993. Maðurinn klemmdist milli lyftara og kassa þegar verið var að tæma gám í einni af birgðastöðvum Bandaríkjahers á Keflavíkurflugvelli.

Slettu grænu sulli á gesti

Yfirheyrslur yfir fólki sem sletti grænlitaðri súrmjólk yfir fjölda manns á álráðstefnu á Hótel Nordica í hádeginu í gær stóðu fram á kvöld. Fólkið, breskur karlmaður og Íslendingar, karl og kona, var handtekið á staðnum og gisti fangageymslur í nótt.

Hamfarir í Chile

Stjórnvöld í Chile reyndu í gær allt sem í þeirra valdi stóð til að hindra frekari hörmungar og hlú að þeim sem um sárt eiga að binda eftir að öflugur jarðskjálfti, 7,9 á Richter, skók dreifbýlt hérað í Andesfjöllum í norðurhluta landsins í fyrrinótt. Skjálftinn varð að minnsta kosti tíu manns að fjörtjóni og olli miklu tjóni á mannvirkjum.

Síminn hættur sekúndumælingum

Póst- og fjarskiptastofnun vakti í gær athygli á breytingum sem Síminn hefur gert á tímamælingu símtala. Annan júní hætti fyrirtækið að innheimta gjöld samkvæmt sekúndumælingu í einstaklingsáskriftum farsíma.

Heim eftir fjörutíu ár

Charles Jenkins, sem gerðist liðhlaupi úr bandaríska hernum fyrir fjörutíu árum og ílentist í Norður-Kóreu, kom í gær til Bandaríkjanna í fyrsta sinn síðan hann hvarf úr herdeild sinni á markalínu Suður- og Norður-Kóreu. Erindi Jenkins er að heimsækja háaldraða móður sína. Með honum í för eru japönsk eiginkona hans og dætur þeirra tvær.

Enn stál í stál í fjármálum ESB

Tony Blair, forsætisráðherra Bretlands, sagði í gær að það yrði erfitt að leysa þann ágreining sem ríkir milli ráðamanna Evrópusambandsríkjanna um fjárhagsramma sambandsins næstu árin. Blair átti viðræður við Jacques Chirac, forseta Frakklands, í París í gær og dró enga dul á að ágreiningurinn væri djúpstæður.

Írakar handteknir í Þýskalandi

Yfirvöld í Þýskalandi greindu frá því í vikunni að þrír Írakar búsettir í landinu hefðu verið handteknir, grunaðir um stuðning við starfsemi Ansar al-Islam, samtaka herskárra múslima sem talin eru tengjast al Qaida-hryðjuverkanetinu.

Ný gögn sögð íþyngja Annan

Aðilar að rannsókninni á framkvæmd hinnar svonefndu olíu-fyrir-mat áætlun Sameinuðu þjóðanna í Írak sögðu í gær að þeir væru að skoða með hraði ný gögn sem fram væru komin um málið og kunna að vera íþyngjandi fyrir Kofi Annan, framkvæmdastjóra samtakanna.

Ekki Halldórs að leiðrétta?

Halldór Ásgrímsson forsætisráðherra taldi það ekki sitt hlutverk að leiðrétta rangar upplýsingar sem einkavæðingarnefnd fékk. Þessar röngu upplýsingar gerðu það að verkum að hvergi kom fram í gögnum nefndarinnar að möguleiki væri á hagsmunaárekstri ríkis og ráðherra.

Varaforseti Suður-Afríku rekinn

Thabo Mbeki, forseti Suður-Afríku, rak varaforsetann Jacob Zuma í gær eftir að sá síðarnefndi varð uppvís að því að vera flæktur í spillingarhneyksli. Með brottrekstrinum skapast mikil óvissa um hver sé líklegastur til að verða arftaki Mbekis á forsetastólnum.

Glæpapar framselt til Íslands

Par af erlendum uppruna sem komst af landi brott á stolnum bílaleigubíl með tvær milljónir af sviknu fé í vasanum, eftir að hafa framselt falsaða tékka í banka og tekið peningana út í erlendum gjaldmiðli, var handtekið í Danmörku á laugardag. Parið verður framselt til Íslands á næstunni.

Lýðræði og frelsi bannorð í Kína

Kínverskir bloggarar fá skammir frá ritskoðurum ef þeir skrifa inn orð eins og „lýðræði“, „frelsi“ eða „mannréttindi“. Þeim er sagt að slíkt orðbragð sé bannað.