Einn dyggasti sonur ÍBV semur við Val

Sigurður Arnar, sem fæddur er árið 1999, er uppalinn Eyjamaður og hefur leikið allan sinn feril með ÍBV. Sigurður lék sinn fyrsta leik í efstu deild einmitt gegn Val árið 2016 og á að baki 234 leiki í meistaraflokki, auk þess sem hann hefur leikið Evrópuleiki og fyrir U21 landslið Íslands. Hann hefur leikið 122 leiki fyrir ÍBV í efstu deild.

Eyjamenn féllu úr Bestu deild karla á dögunum en liðið hafði spilað undanfarin tvö tímabil í efstu deild. Sigurður Arnar tekur nú þá ákvörðun að halda áfram í Bestu deildinni í stað þess að spila í Lengjudeildinni næsta sumar.

„Sigurður Arnar er flottur karakter, gríðarlega duglegur og vinnusamur. Hann kemur með mikla reynslu inn í hópinn og er hugsaður sem lykilmaður í vörn Vals næstu árin. Það er mikill fengur fyrir félagið að fá hann til liðs við okkur,“ segir í frétt á miðlum Vals í kvöld.

Halldór Árnason er nú tekinn við sem þjálfari Vals og er farinn að setja saman sinn leikmannahóp fyrir næsta sumar.