Slot á skilið annað tæki­færi og KR fær lík­lega á baukinn

Strákarnir í Besta stúdíóinu voru lengi vel á persónulegu nótunum enda að koma undan góðri Hvítasunnuhelgi.

Svo var spólað í enska boltann. Þar var aðallega pælt í framhaldinu. Lifir Slot sumarið af? Hvernig vegnar City án Pep og getur Arsenal varið titilinn?

Aron Pálmarsson er sagður vera að taka við FH. Mikill viðsnúningur hjá einum af bestu handboltamönnum í sögu Íslands.

Umræða um Steraleikana var á sínum stað sú tilraun virðist hafa misheppnast hrapallega enda ekki vakið neina sérstaka athygli.

Svo er hitað upp fyrir stórleikina í Bestu deild karla í kvöld. Stjarnan tekur á móti Víkingi og Valur heimsækir KR. Valsmenn eiga harma að hefna.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.