Þjálfari Juventus pirraður á fagnandi Alberti

Albert hefur verið að glíma við meiðsli undanfarið og kom því inn af varamannabekknum í dag, um miðjan seinni hálfleik. Staðan var þá 1-0 eftir mark Cher Ndour og Rolando Mandrago átti eftir að skora markið sem tryggði Fiorentina 2-0 sigur.

Mesta fjörið í kringum Albert var í uppbótartímanum og eftir leik. Hann fékk gult spjald fyrir að tefja í uppbótartíma og í miðjum fagnaðarlátum eftir leik átti hann í orðaskiptum við Luciano Spalletti, þjálfara Juventus.

„Ekki snerta mig,“ á þjálfarinn að hafa hreytt út úr sér þegar Albert lagði hönd á öxl hans.

Með þessu tapi, og samtíma sigrum AC Milan og Roma, eru vonir Juventus um Meistaradeildina á næsta tímabili nánast horfnar en hlutirnir gætu óvænt snúist í lokaumferðinni.

AC Milan vann 2-1 sigur gegn Genoa, liði Mikaels Egils Ellertssonar. Sigurinn fer langt með að skila liðinu Meistaradeildarsæti og kom þökk sé mörkum Christopher Nkunku og Zachary Athekame.

Johan Vazquez minnkaði muninn fyrir Genoa undir lok leiks en Mikael Egill var utan hóps.