Britney á­kærð fyrir ölvunar­akstur

Í apríl tilkynnti hin 44 ára Spears að hún hefði ákveðið að fara í meðferð eftir að hafa verið handtekin í mánuðinum áður vegna gruns um að keyra undir áhrifum áfengis og annarra vímuefna.

Samkvæmt ákæru á Spears yfir höfði sér ákæru vegna meints ölvunaraksturs hinn 4. mars, þegar hún var handtekin fyrir að aka reikult á miklum hraða, að því er fram kemru í frétt BBC. Talsmenn hennar hafa kallað atvikið algjörlega óforsvaranlegt.

Málið er á dagskrá dómstóla næsta mánudag, en óvíst er hvort hún mæti í eigin persónu.

„Hvort frú Spears muni mæta við fyrirtökuna verður ákvörðun sem tekin verður af henni og lögmanni hennar,“ sagði í ákærunni, sem var lögð fram á fimmtudag af hálfu saksóknaraembættisins í Ventura-sýslu í Kaliforníu.

Þetta var ekki í fyrsta skipti sem Britney fór í meðferð. Mikið var fjallað um það þegar hún gerði það síðast árið 2007 eftir að hafa fengið hálfgert taugaáfall og rakað af sér allt hárið.

Sjá einnig: Fréttir af Britney Spears

Síðustu tuttugu ár hafa verið Britney erfið. Faðir söngkonunnar, Jamie Spears, var með forræði yfir dóttur sinni í þrettán ár, þangað til 2021, eftir að dómstóll í Los Angeles felldi niður forræði annarra yfir Spears og skipaði sérfræðing til að halda utan um líf hennar. Britney á tvo syni, Sean Preston og Jayden James, með fyrrverandi eiginmanni sínum, Kevin Federline, og hefur hún reynt að efla sambandið við strákana síðustu ár.

Á sama tíma hefur Britney valdið aðdáendum sínum og ástvinum miklum áhyggjum vegna undarlegrar hegðunar á samfélagsmiðlum, skrítinna dansmyndbanda og furðulegra yfirlýsinga.