Sigurður Ingi brenndi jakka­fötin á tíma­mótum

Sigurður er fæddur 20. apríl 1962 og deilir því afmælisdegi með engum öðrum en Adolf Hitler og ýmsum öðrum. Sigurður Ingi greindi frá þessum tímamótum á Facebook-síðu sinni fyrr í dag.

„Undanfarnir mánuðir hafa verið tími breytinga - í gær náði ég þeim merka áfanga að verða 64. Bítlarnir gerðu þennan aldur frægan í - When I'm 64 - Á þeirra tíma var sá aldur einhver endalok. Nú um stundir er heill kafli framundan,“ skrifaði Sigurður Ingi í færslunni.

Honum fannst því mikilvægt að kveðja fortíðina með táknrænum hætti og bjóða nýja tíma velkomna.

„Eldurinn getur verið hreinsunareldur og upphaf. Brenndi þess vegna gömul jakkaföt og náttúran tók vel undir með fallegum norðurljósum,“ skrifaði hann jafnframt í færslunni.

Loks þakkaði Sigurður fólki fyrir allar afmæliskveðjurnar sem höfðu borist með ýmsum leiðum, gegnum samfélagsmiðla, síma, sms og raunheima.