Gyökeres tryggði Sví­þjóð HM sæti með dramatísku sigurmarki

Svíþjóð tryggði sér í kvöld sæti á HM í fótbolta í sumar með dramatískum sigri á Póllandi hreinum úrslitaleik um HM sæti. Viktor Gyökeres, tryggði Svíum sigur með marki undir lok leiks. Lokatölur 3-2.

Svíþjóð tryggði sér í kvöld sæti á HM í fótbolta í sumar með dramatískum sigri á Póllandi hreinum úrslitaleik um HM sæti. Viktor Gyökeres, tryggði Svíum sigur með marki undir lok leiks. Lokatölur 3-2.

Það var hart barist í leik kvöldsins enda mikið undir. Anthony Elanga kom Svíum yfir með marki á 20.mínútu áður en að Nicola Zalewski jafnaði metin fyrir Pólverja skömmu síðar. 

Skömmu fyrir lok fyrri hálfleiks dró svo aftur til tíðinda þegar að Gustaf Lagerbielke kom Svíum aftur í forystuna með skallamarki eftir stoðsendingu frá Benjamin Nygren. 2-1. 

Aftur jöfnuðu Pólverjar þó. Nú með marki frá Karol Swiderski á 55.mínútu. 2-2.

Það virtist allt vera stefna í framlengingu þegar skammt var eftir af venjulegum leiktíma en á 88.mínútu tók Viktor Gyökeres, framherji sænska landsliðsins og Arsneal, málin í sínar hendur og tryggði Svíum sigur og HM sæti með dramatísku sigurmarki eftir stoðsendingu rá Besfort Zeneli. 

Lokatölur 3-2 sigur Svía sem munu leika í F-riðli á HM í sumar með Hollandi, Japan og Túnis.

Tyrkir tryggðu sér einnig sæti á HM í kvöld með eins marks sigri á Kósóvó sem hefur átt ævintýralegu gengi að fagna upp á síðkastið. Kerem Akturkoglu skoraði markið sem tryggði Tyrkjum sæti á HM á 53.mínútu í leik kvöldsins. Tyrkir spila í D-riðli HM í sumar með Bandaríkjunum, Paragvæ og Ástralíu.