Banda­ríkin sprengja í höfuð­borg Venesúela

Skömmu fyrir klukkan 2 að staðartíma (kl. 6 GMT) í morgun heyrðust sprengingar víða, að því er El País greinir frá. 

Sjónarvottar segjast hafa heyrt í flugvélum á himni og séð reyk rísa upp úr herstöðvum víða um, þar á meðal í herstöðinni La Carlota og við bækistöðvar flughersins í Tiega Fierta, stærstu herstöð landsins sem sást í ljósum logum.

CBS, Fox og Reuters hafa eftir heimildarmönnum sínum í Hvíta húsinu að Donald Trump hafi fyrirskipað árásirnar en fulltrúar Hvíta hússins hafa aftur á móti neitað að tjá sig um málið opinberlega.

Nicolas Maduro, forseti Venesúela, sagði í ávarpi að Bandaríkin stæðu að baki árásunum og lýsti yfir neyðarástandi í landinu.

Spenna hefur aukist milli Bandaríkjanna og Venesúela undanfarið, einkum eftir að Donald Trump Bandaríkjaforseti og ríkisstjórn hans hófu að fyrirskipa loftárásir á venesúelska báta úti á hafi.  Trump sendi nýlega eitt stærsta herskip Bandaríkjanna að ströndum Venesúela en hann er sagður vilja skipta út Maduro.

„Þeir eru að sprengja Caracas,“ skrifar Gustavo Petro, forseti Kólumbíu, á samfélagsmiðla. „Látið heiminn allan vita að þeir hafa ráðist á Venesúela. Þeir eru að sprengja með loftskeytum.“

Trump hefur haldið því fram að þrýstingurinn sem þau beita Venesúela sé til að koma í veg fyrir eiturlyfjasmygl frá Venesúela. Maduro og Trump ræddu síðast 12. nóvember en í gær sagðist Maduro vera reiðubúinn í að ræða samkomulag til að berjast gegn eiturlyfjasmygli.

Maduro vill meina að Bandaríkin hafi framkvæmt árásirnar til að komast í olíubirgðir Venesúelabúa.

Samkvæmt upplýsingum fra

Fréttin hefur verið uppfærð.