Dánar­or­sök Ozzy Osbourne ljós

Frá þessu greinir bandaríski fréttamiðillinn New York Times, sem hefur dánarvottorð tónlistarmannsins undir höndum. Þar segir að hjartaáfall, brátt hjartadrep auk kransæðasjúkdómsins og Parkinsonsjúkdómsins hafi dregið hann til dauða. 

Osbourne var 76 ára þegar hann lést í faðmi fjölskyldu sinnar í Bretlandi í síðasta mánuði. 

Tugþúsundir komu saman í síðustu viku til að votta rokkaranum virðingu og fjölskyldu hans samúð í Birmingham í Bretlandi, á æskuslóðum Osbourne. Útför hans fór fram í kyrrþey daginn eftir.

Osbourne var hvað þekktastur sem aðalsprautan í þungarokkhljómsveitinni Black Sabbath. Sveitin var stofnuð árið 1968 og var Osbourne söngvari hennar frá stofnun til ársins 1979. Hann hlaut viðurnefnið myrkraprinsinn á rokkferli sínum. 

Blaðamaður Vísis tók saman feril Osbourne og þrettán bestu lög hans á dögunum, sjá hér að neðan.