Upp­bótartíminn: „Þetta tók níu sekúndur“

Að venju fór Uppbótartíminn þannig fram að Guðmundur Benediktsson, þáttastjórnandi, spurði sérfræðinga þáttarins spurninga sem sérfræðingarnir þurftu að svara á innan við 60 sekúndum. Að þessu sinni voru sérfræðingar þáttarins þeir Baldur Sigurðsson og Bjarni Guðjónsson.

„Hvaða leikmaður í Val, Víking og Breiðablik gætu liðin ekki verið án,“ spurði Gummi Ben og Bjarni svaraði um hæl.

„Þetta tók níu sekúndur,“ sagði Gummi agndofa eftir svar Bjarna. Í kjölfarið tók Baldur sér örlítið lengri tíma í að svara en vildi þó ekki nefna sömu leikmenn.

Aðrar spurningar í Uppbótartímanum að þessu sinni voru:

• Hvaða tvö lið munu falla?
• Hvers vegna fór Birnir í KA?

Uppbótartímann má sjá í heild sinni í spilaranum ofar í fréttinni.