Innlent

Skýrsla tekin af frönsku konunni og búið að ræða við vitni

Jón Ísak Ragnarsson skrifar
Atvikið átti sér stað á hótelherbergi á Edition hótelinu í Reykjavík.
Atvikið átti sér stað á hótelherbergi á Edition hótelinu í Reykjavík. Vísir/Viktor Freyr

Búið er að taka skýrslu af frönsku konunni sem grunuð er um að hafa orðið eiginmanni sínum og dóttur að bana á hótelherbergi á Edition í Reykjavík í gær. Rætt hefur verið við vitni og rannsókn miðar þokkalega áfram.

Ævar Pálmi Pálmason, yfirmaður á miðlægri rannsóknardeild lögreglunnar á höfuðborgarsvæðinu, staðfestir þetta við fréttastofu.

Unnið sé að því að skýra atburðarásina fyrir og eftir að andlátin áttu sér stað. Rætt hafi verið við gesti og starfsfólk hótelsins. Rannsókn miði ágætlega áfram en ekki sé tímabært að veita frekari upplýsingar.

Konan var úrskurðuð í vikulangt gæsluvarðhald í gær á grundvelli rannsóknarhagsmuna. Hún var flutt af vettvangi með alvarlega stunguáverka, en ástand hennar var stöðugt.

Hún hefur stöðu sakbornings í málinu og er grunuð um að hafa banað eiginmanni sínum og dóttur með eggvopni á hótelherbergi. Konan og maður hennar voru á sextugsaldri en dóttirin um þrítugt.

Lögreglumál Hótel á Íslandi

Tengdar fréttir

Frönsk kona grunuð um að bana dóttur sinni og eiginmanni

Frönsk kona á sextugsaldri er með stöðu sakbornings grunuð um að hafa ráðið eiginmanni sínum og dóttur bana á hótelherbergi á Edition í Reykjavík. Konan var með alvarlega stunguáverka þegar lögreglu bar að garði. Hún er í haldi lögreglu.

Tveir ferðamenn fundust látnir á Edition

Tveir erlendir ferðamenn fundust látnir á Edition-hóteli í miðborg Reykjavíkur í morgun. Þriðji ferðamaðurinn var færður undir læknishendur.

Mest lesið


Fleiri fréttir

Sjá meira


×

Mest lesið