Leik­dagur í Munchen: Gummi Ben og Kjartan hita upp fyrir stærsta leik ársins

Mikil spenna ríkir fyrir úr­slita­leiknum í kvöld og í inn­slagi frá Alli­anz Arena, sem sjá má hér fyrir neðan hita Gummi og Kjartan Henry ræki­lega upp fyrir þennan stærsta leik fót­bolta­leik ársins.

Á leið sinni að úr­slita­leiknum hefur Paris Saint-Germain lagt stór­lið af velli á borð við Liver­pool, Aston Villa og Arsenal á meðan að Inter Milan fór í gegnum Feyenoord, FC Bayern og Barcelona í útsláttar­keppninni.

Frakk­lands­meistararnir frá Paris hafa aldrei unnið Meistara­deild Evrópu en komust nálægt því fyrir fimm árum síðan en töpuðu þá í úr­slita­leik keppninnar.

Tvö ár hafa liðið síðan að Inter Milan keppti síðast til úr­slita í Meistara­deildinni, þá lá liðið í valnum gegn Manchester City. Fimmtán ár hafa liðið síðan að Inter vann síðast Meistara­deild Evrópu.

„Þessi lið eru vel að þessu komin, leikirnir sem þau buðu bæði upp á voru þvílík skemmtun, maður er enn þá að hugsa um þessa leiki. Allir byrjuðu trúa á að hoppa á PSG vagninn þegar að þeir hentu Liver­pool á sann­færandi máta úr leik. Svo þetta Inter lið. Ég veit ekki hversu oft menn voru búnir að gefa þá upp á bátinn en þeir komu til baka. Við sáum nú þjálfara liðsins og leik­menn áðan, þetta eru ekkert eðli­lega svalir gæjar.

Það ber engum að halda að þetta verði eitt­hvað auðvelt öðru hvoru megin. Fyrst og fremst eru þarna tvö mjög ólík lið að mætast. Annað liðið mjög strúktúrerað og allir vita nákvæm­lega hvað þeir eiga að gera á meðan hitt liðið er villtara, maður á mann lið sem spilar 4-3-3 með unga stráka innan­borðs sem eru hrika­lega fljótir fram á við. Það gerir leikinn svo spennandi hvað þetta eru ólík lið.“

Úr­slita­leikur Paris Saint-Germain og Inter Milan í Meistara­deild Evrópu í fót­bolta sem fram fer á Alli­anz Arena í Munchen hefst klukkan sjö í kvöld og verður sýndur í beinni út­sendingu á Stöð 2 Sport 2. Upp­hitun fyrir leik með sér­fræðingum Stöðvar 2 Sport hefst fimmtíu mínútum áður, nánar til­tekið klukkan tíu mínútur yfir sex.