„Okkur er al­veg sama núna“

„Ég veit að ég snerti hann, svo leit ég upp og sá hann í netinu. Algjörlega ólýsanleg tilfinning.“

Hann segir slakan árangur liðsins á tímabilinu ekki skipta neinu máli núna.

„Að enda í sautjánda sæti er alls ekki nógu gott, en við áttum ótrúlegt Evrópuævintýri og stuðningsmennirnir hafa flykkst á bakvið okkur þar. Þeir voru með mun meiri læti en stuðningsmenn United í kvöld, sem hjálpaði okkur mikið í leiknum.“

Johnson var tekinn af velli í seinni hálfleik, sem hann segir hafa verið mjög erfitt, að sitja á bekknum meðan liðið varði forystuna af öllum mætti. Johnson hrósaði þjálfara sínum síðan í hástert.

„Hann hefur skilað sínu. Ef einhvern tíminn var tími fyrir að sleppa míkrafóninum (e. mic drop), er það núna. Ég hlakka til næsta viðtals við hann. Ég get ekki þakkað þjálfaranum nóg, fyrir allt sem hann hefur gert og traustið sem hann hefur sýnt okkur. Sérstaklega í Evrópudeildinni. Hann hafði sérstakt lag á því að koma okkur í gírinn fyrir þá leiki og það skilaði sér“ sagði Johnson að lokum.