Óásættanlegar kröfur frá Rússum á stuttum fundi Samúel Karl Ólason skrifar 16. maí 2025 13:42 Frá viðræðunum í Istanbúl í Tyrklandi í dag. AP/Ramil Sitdikov Viðræðunum milli úkraínskra og rússneskra erindreka í Istanbúl í Tyrklandi er lokið, innan við tveimur tímum eftir að þær hófust. Rússar eru sagðir hafa lagt fram mjög umfangsmiklar kröfur sem Úkraínumenn gætu ekki sætt sig við. Varnarmálaráðherra Úkraínu, sem stýrði úkraínsku sendinefndinni segir að samþykkt hafi verið að skiptast á stríðsföngum. Þúsund mönnum fyrir þúsund menn og var þar að auki talað um að halda viðræðum milli ríkjanna áfram. Hvenær og hvar nýr Væntingarnar fyrir fundinn voru litlar sem engar. Vladimír Pútín, forseti Rússlands, lagði viðræðurnar til þegar hann hafnaði kröfu Donalds Trump, forseta Bandaríkjanna, um almennt þrjátíu daga vopnahlé. Vólódímír Selenskí, forseti Úkraínu, lagði þá til að hann og Pútín myndu ræða málin en því neitaði Pútín og sendi þess í stað tiltölulega lágt setta embættismenn. Sjá einnig: Litlar væntingar til fyrstu beinu friðarviðræðnanna í meira en þrjú ár Litlar formlegar fregnir hafa borist af fundinum en blaðamenn ytra hafa þó eftir heimildarmönnum sínum að kröfur Rússa hafi verið miklar. Fyrir viðræðurnar sögðust Úkraínumenn vilja ræða almennt vopnahlé en Rússar eru sagðir hafa haft aðrar hugmyndir. Heimildarmaður Reuters í Úkraínu segir að mjög fljótt hafi komið í ljós að gjáin milli sendinefnda væri mjög breið. Hann segir kröfur Rússa hafa verið þess eðlis að ekki kæmi til greina að verða við þeim eða jafnvel ræða þær. Í rauninni hafi þær ekki verið í tenglsum við raunveruleikann. Meðal annars eru Rússar sagðir hafa krafist þess að Úkraínumenn hörfuðu frá fjórum héruðum landsins sem Rússar hafa reynt að hernema frá því innrás þeirra hófst í febrúar 2022. Fyrr væri ekki hægt að koma á vopnahléi. Yfirmaður umfjöllunar um heimsmálin hjá Wall Street Journal fer yfir hve umfangsmiklar kröfur Rússa voru. Russia demanded in Istanbul that Ukraine withdraw its troops from four regions — areas that Moscow has been trying to conquer but failed since 2022 — as a precondition for ceasefire. That’s an area twice the size of the country of Lebanon and home to more than a million…— Yaroslav Trofimov (@yarotrof) May 16, 2025 Þar er um að ræða Lúhansk, Dónetsk, Saporisjía og Kherson. Pútín lýsti árið 2022 yfir innlimun þeirra fjögurra héraða en Rússar stjórna þó engu þeirra að fullu. Rússnesku erindrekarnir eru einnig sagðir hafa hótað því að hernema Kharkív og Sumí í Úkraínu. Oliver Carroll, blaðamaður Economist sem vinnur í Úkraínu, hefur eftir heimildarmanni að Vladimír Medínskí, aðstoðarmaður Pútíns sem leiddi rússnesku sendinefndina, hafi sagt að Rússar vildu ekki stríð. Þeir væru þó tilbúnir til að berjast áfram, eins lengi og til þurfti. Hann mun hafa bent á að Rússar börðust við Svía í 21 ár á sínum tíma og spurði hversu lengi Úkraínumenn væru tilbúnir til að berjast. Carroll hefur fengið aðra tilvitnun í Medínskí: „Kannski munu einhverjir sem sitja hérna við borðið missa fleiri ástvini. Rússland er tilbúið til að berjast að eilífu.“ Medínskí segir samkvæmt rússneskum miðlum að Rússar séu tilbúnir til frekari viðræðna. Hann segir fundinn hfa verið jákvæðan og segir einnig að Úkraínumenn hafi farið fram á fund milli Selenskís og Pútíns. Hann sagði einnig að sendinefndirnar hefðu samþykkt að senda hvorri annarri tillögur að drögum að samningi um mögulegt vopnahlé. Meðlimir beggja nefnda eru sagðir á leið frá Tyrklandi. Ræddu við Pútín Eftir fundinn munu Selenskí, Emmanuel Macron, Friedrich Martin, Keir Starmer og Donald Tusk, leiðtogar Úkraínu, Frakklands, Þýskalands, Bretlands og Póllands, hafa hringt í Donald Trump og rætt við hann í síma. Fyrir fundinn kallaði Selenskí eftir hertum refsiaðgerðum gegn Rússum og sagði að aðgerðir þeirra og sendinefndin sýndi að Pútín hefði ekki áhuga á friði. Selenskí segir að hann og hinir þjóðarleiðtogarnir fjórir hafi rætt fundinn í Istanbúl við Trump. Úkraínumenn séu tilbúna til þess að ná raunverulegum friði og mikilvægt sé að heimurinn taki harða afstöðu í málinu. „Okkar afstaða - Ef Rússarnir hafna almennu vopnahléi og að binda endalok á drápin, verði harðar refsiaðgerðir að fylgja. Halda verður þrýstingi á Rússa þar til þeir eru tilbúnir til að binda enda á stríðið.“ Spoke with @POTUS together with President Macron, Federal Chancellor Merz, Prime Ministers Starmer and Tusk. We discussed the meeting in Istanbul.Ukraine is ready to take the fastest possible steps to bring real peace, and it is important that the world holds a strong stance.… pic.twitter.com/CG3pAnN5Ip— Volodymyr Zelenskyy / Володимир Зеленський (@ZelenskyyUa) May 16, 2025 Bæði Rússar og Úkraínumenn eru í raun að reyna að sýna Trump að þeir séu tilbúnir til friðarviðræðna en andstæðingar þeirra séu það ekki. Trump og hans ráðgjafar hafa gefið til kynna að þeir séu tilbúnir til að stíga frá samningaborðinu og hafa einnig gefið til kynna að þeir gætu hætt stuðningi við Úkraínu, sem yrði mikill sigur fyrir Pútín. Fréttin hefur verið uppfærð. Úkraína Innrás Rússa í Úkraínu Rússland Vladimír Pútín Tyrkland Hernaður Tengdar fréttir Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Friðarviðleitni Donalds Trump, forseta Bandaríkjanna, og erindreka hans virðist ekki ætla að bera árangur. Trump virðist þreyttur á að reyna að stilla til friðar og hefur hann sakað Úkraínumenn og Vólódímír Selenskí, forseta Úkraínu, um að standa í vegi friðar með því að vilja ekki verða við umfangsmiklum kröfum Rússa og þá sérstaklega fyrir það að vilja ekki viðurkenna tilkall Rússa til Krímskaga. 30. apríl 2025 07:31 Mest lesið Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Stórhættulegur framúrakstur við Ingólfsfjall Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Nýi brennsluofn göngugarpsins mættur á Sólheima Innlent Níu sviptir leyfi meðan á annað hundrað kvartana hafa borist Innlent Fleiri fréttir Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Hondúras og Úganda samþykkja að taka við hælisleitendum Segist vilja komast til himna Ísraelar taki ekki annað í mál en lausn allra gísla Sjá meira
Varnarmálaráðherra Úkraínu, sem stýrði úkraínsku sendinefndinni segir að samþykkt hafi verið að skiptast á stríðsföngum. Þúsund mönnum fyrir þúsund menn og var þar að auki talað um að halda viðræðum milli ríkjanna áfram. Hvenær og hvar nýr Væntingarnar fyrir fundinn voru litlar sem engar. Vladimír Pútín, forseti Rússlands, lagði viðræðurnar til þegar hann hafnaði kröfu Donalds Trump, forseta Bandaríkjanna, um almennt þrjátíu daga vopnahlé. Vólódímír Selenskí, forseti Úkraínu, lagði þá til að hann og Pútín myndu ræða málin en því neitaði Pútín og sendi þess í stað tiltölulega lágt setta embættismenn. Sjá einnig: Litlar væntingar til fyrstu beinu friðarviðræðnanna í meira en þrjú ár Litlar formlegar fregnir hafa borist af fundinum en blaðamenn ytra hafa þó eftir heimildarmönnum sínum að kröfur Rússa hafi verið miklar. Fyrir viðræðurnar sögðust Úkraínumenn vilja ræða almennt vopnahlé en Rússar eru sagðir hafa haft aðrar hugmyndir. Heimildarmaður Reuters í Úkraínu segir að mjög fljótt hafi komið í ljós að gjáin milli sendinefnda væri mjög breið. Hann segir kröfur Rússa hafa verið þess eðlis að ekki kæmi til greina að verða við þeim eða jafnvel ræða þær. Í rauninni hafi þær ekki verið í tenglsum við raunveruleikann. Meðal annars eru Rússar sagðir hafa krafist þess að Úkraínumenn hörfuðu frá fjórum héruðum landsins sem Rússar hafa reynt að hernema frá því innrás þeirra hófst í febrúar 2022. Fyrr væri ekki hægt að koma á vopnahléi. Yfirmaður umfjöllunar um heimsmálin hjá Wall Street Journal fer yfir hve umfangsmiklar kröfur Rússa voru. Russia demanded in Istanbul that Ukraine withdraw its troops from four regions — areas that Moscow has been trying to conquer but failed since 2022 — as a precondition for ceasefire. That’s an area twice the size of the country of Lebanon and home to more than a million…— Yaroslav Trofimov (@yarotrof) May 16, 2025 Þar er um að ræða Lúhansk, Dónetsk, Saporisjía og Kherson. Pútín lýsti árið 2022 yfir innlimun þeirra fjögurra héraða en Rússar stjórna þó engu þeirra að fullu. Rússnesku erindrekarnir eru einnig sagðir hafa hótað því að hernema Kharkív og Sumí í Úkraínu. Oliver Carroll, blaðamaður Economist sem vinnur í Úkraínu, hefur eftir heimildarmanni að Vladimír Medínskí, aðstoðarmaður Pútíns sem leiddi rússnesku sendinefndina, hafi sagt að Rússar vildu ekki stríð. Þeir væru þó tilbúnir til að berjast áfram, eins lengi og til þurfti. Hann mun hafa bent á að Rússar börðust við Svía í 21 ár á sínum tíma og spurði hversu lengi Úkraínumenn væru tilbúnir til að berjast. Carroll hefur fengið aðra tilvitnun í Medínskí: „Kannski munu einhverjir sem sitja hérna við borðið missa fleiri ástvini. Rússland er tilbúið til að berjast að eilífu.“ Medínskí segir samkvæmt rússneskum miðlum að Rússar séu tilbúnir til frekari viðræðna. Hann segir fundinn hfa verið jákvæðan og segir einnig að Úkraínumenn hafi farið fram á fund milli Selenskís og Pútíns. Hann sagði einnig að sendinefndirnar hefðu samþykkt að senda hvorri annarri tillögur að drögum að samningi um mögulegt vopnahlé. Meðlimir beggja nefnda eru sagðir á leið frá Tyrklandi. Ræddu við Pútín Eftir fundinn munu Selenskí, Emmanuel Macron, Friedrich Martin, Keir Starmer og Donald Tusk, leiðtogar Úkraínu, Frakklands, Þýskalands, Bretlands og Póllands, hafa hringt í Donald Trump og rætt við hann í síma. Fyrir fundinn kallaði Selenskí eftir hertum refsiaðgerðum gegn Rússum og sagði að aðgerðir þeirra og sendinefndin sýndi að Pútín hefði ekki áhuga á friði. Selenskí segir að hann og hinir þjóðarleiðtogarnir fjórir hafi rætt fundinn í Istanbúl við Trump. Úkraínumenn séu tilbúna til þess að ná raunverulegum friði og mikilvægt sé að heimurinn taki harða afstöðu í málinu. „Okkar afstaða - Ef Rússarnir hafna almennu vopnahléi og að binda endalok á drápin, verði harðar refsiaðgerðir að fylgja. Halda verður þrýstingi á Rússa þar til þeir eru tilbúnir til að binda enda á stríðið.“ Spoke with @POTUS together with President Macron, Federal Chancellor Merz, Prime Ministers Starmer and Tusk. We discussed the meeting in Istanbul.Ukraine is ready to take the fastest possible steps to bring real peace, and it is important that the world holds a strong stance.… pic.twitter.com/CG3pAnN5Ip— Volodymyr Zelenskyy / Володимир Зеленський (@ZelenskyyUa) May 16, 2025 Bæði Rússar og Úkraínumenn eru í raun að reyna að sýna Trump að þeir séu tilbúnir til friðarviðræðna en andstæðingar þeirra séu það ekki. Trump og hans ráðgjafar hafa gefið til kynna að þeir séu tilbúnir til að stíga frá samningaborðinu og hafa einnig gefið til kynna að þeir gætu hætt stuðningi við Úkraínu, sem yrði mikill sigur fyrir Pútín. Fréttin hefur verið uppfærð.
Úkraína Innrás Rússa í Úkraínu Rússland Vladimír Pútín Tyrkland Hernaður Tengdar fréttir Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Friðarviðleitni Donalds Trump, forseta Bandaríkjanna, og erindreka hans virðist ekki ætla að bera árangur. Trump virðist þreyttur á að reyna að stilla til friðar og hefur hann sakað Úkraínumenn og Vólódímír Selenskí, forseta Úkraínu, um að standa í vegi friðar með því að vilja ekki verða við umfangsmiklum kröfum Rússa og þá sérstaklega fyrir það að vilja ekki viðurkenna tilkall Rússa til Krímskaga. 30. apríl 2025 07:31 Mest lesið Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Stórhættulegur framúrakstur við Ingólfsfjall Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Lést við tökur á Emily in Paris Erlent Nýi brennsluofn göngugarpsins mættur á Sólheima Innlent Níu sviptir leyfi meðan á annað hundrað kvartana hafa borist Innlent Fleiri fréttir Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Hondúras og Úganda samþykkja að taka við hælisleitendum Segist vilja komast til himna Ísraelar taki ekki annað í mál en lausn allra gísla Sjá meira
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Friðarviðleitni Donalds Trump, forseta Bandaríkjanna, og erindreka hans virðist ekki ætla að bera árangur. Trump virðist þreyttur á að reyna að stilla til friðar og hefur hann sakað Úkraínumenn og Vólódímír Selenskí, forseta Úkraínu, um að standa í vegi friðar með því að vilja ekki verða við umfangsmiklum kröfum Rússa og þá sérstaklega fyrir það að vilja ekki viðurkenna tilkall Rússa til Krímskaga. 30. apríl 2025 07:31