Hand­tekinn á Húsa­vík með tölvert magn fíkni­efna

Lögreglan hafði afskipti af manninum rétt eftir hádegi í gær vegna gruns um fíkniefnamisferli er segir í tilkynningu frá Lögreglunni á Norðurlandi eystra á Facebook.

Afskiptin leiddu af sér handtöku einstaklingsins, leit á honum og húsleit. Við húsleitina „fannst töluvert magn meintra ólöglegra fíkniefna.“

Að sögn Jóns Valdimarssonar, aðalvarðstjóra hjá lögreglunni á Akureyri, var farið með manninn upp á lögreglustöð í yfirheyrslu. Honum var sleppt að skýrslutökunni lokinni og öll efnin tekin af honum.

Samkvæmt tilkynningu lögreglunnar er málið enn í rannsókn.