Sjáðu Blikana nýta sér hjálp Skagamanna og ná í skottið á toppliði Víkings

Það var mikil dramatík í lokin þegar FH og Valur gerðu 2-2 jafntefli í Kaplakrika. Bæði lið skoruðu í uppbótatímanum.

Tryggvi Hrafn Haraldsson kom Val yfir í fyrri hálfleik en Sigurður Bjartur Hallsson jafnaði metin á 88. mínútu. Kristinn Freyr Sigurðsson kom Val aftur yfir á fjórðu mínútu í uppbótatíma en Björn Daníel Sverrisson tryggði FH stig með því að jafna metin á sjöundu mínútu viðbótartímans.

Blikar náðu Víkingum að stigum á toppnum með 3-1 heimasigri á Fram. Damir Muminovic kom Breiðablik yfir en Magnús Þórðarson jafnaði metin fyrir hálfleik. Ísak Snær Þorvaldsson og Patrik Johannesen tryggðu Blikum sigurinn í seinni hálfleiknum.

Skagamenn sóttu þrjú stig í Víkinga með 2-1 sigri á toppliðinu. Valdimar Þór Ingimundarson kom Víkingi yfir í upphafi leiks en mörk frá Inga Þór Sigurðssyni og Viktori Jónssyni snéru leiknum fyrir hálfleik og það urðu lokatölurnar.

Blikar eru með fjörutíu stig eins og Víkingar en markatala Víkings er enn örlítið betri. Skagamenn eru aftur á móti aðeins einu stigi frá þriðja sætinu þar sem Valsmenn sitja.

Mörkin úr leikjunum þremur eru hér fyrir ofan og neðan.