Ronaldo með tvennu í lokaleiknum fyrir EM

Joao Felix tók forystuna fyrir Portúgal snemma leiks.

Cristiano Ronaldo skoraði glæsilegt mark á 50. mínútu. Fékk boltann úti á hægri kanti eftir skiptingu Ruben Neves, tók tvö skæri og smurði hann svo í vinkilinn með vinstri fæti.

Ronaldo var svo aftur á ferðinni á tíu mínútur síðar. Diogo Jota vann boltann af varnarmönnum Írlands og sendi milli varnarmann á Ronaldo sem var snöggur að fóta sig og þruma boltanum framhjá Caomhin Kelleher í markinu.

Írar fengu tækifæri til að minnka muninn þegar há sending rataði fyrir fætur Thomas Cannon, hann reyndi að setja boltann í nærhornið en sleikti hliðarnetið.

Þetta var síðasti leikur Portúgals fyrir EM í Þýskalandi. Írland fer ekki á mótið.

Portúgalir eru í F-riðli og hefja leik gegn Tékklandi áður en leikið verður gegn Tyrklandi og Georgíu.