Tónleikahöllin var nefnd sem mögulegt skotmark ISKP Samúel Karl Ólason skrifar 3. apríl 2024 13:00 Vladimír Pútín, forseti Rússlands. AP/Sergei Savostyanov Bandarískir embættismenn vöruðu rússneska kollega sína við því að tónleikahöllin í Crocus væri mögulegt skotmark vígamann Íslamska ríkisins í Khorasan, eða ISKP, rúmum tveimur vikum áður en fjórir menn myrtu þar minnst 144. Ráðamenn í Rússlandi hunsuðu viðvörunina og Vladimír Pútín, forseti, sagði nokkrum dögum fyrir árásina að Vesturlönd væru að reyna að kúga Rússland. Viðvöruninni hefði verið ætlað að „ógna“ rússnesku samfélagi og efla til deilna. Eftir árásina hafa Rússar haldið því fram að viðvörunin hafi verið almenn eðlis og hún hefði ekki dugað til að koma í veg fyrir árásina. Rússneskir ráðamenn og málpípur Kreml í ríkisreknum fjölmiðlum Rússlands hafa einnig haldið því fram að Úkraínumenn hafi staðið að baki árásinni og jafnvel Bandaríkjamenn og Bretar einnig. Samkvæmt heimildarmönnum Washington Post voru Bandaríkjamenn nokkuð vissir í sinni sök um upplýsingarnar sem þeir höfðu komið höndum yfir og var viðvörunin sem send var til Moskvu því ítarlegri en gengur og gerist. Degi eftir að viðvörunin var send til Rússlands, var opinber viðvörun birt af sendiráði Bandaríkjanna í Rússlandi. Það var þann 7. mars og var fólk varað við því að sækja tónleika eða aðra staði þar sem fjölmenni safnast saman næstu tvo sólarhringa. Þann sama dag lýstu forsvarsmenn öryggisstofnanna í Rússlandi því yfir að komið hefði verið í veg fyrir árás vígamanna Íslamska ríkisins á bænahús gyðinga í Moskvu. Sjá einnig: Voru sérstaklega varaðir við árás frá ISKP Reuters sagði einnig frá því í vikunni að yfirvöld í Íran hefðu varað Rússa við hættu á umfangsmikilli hryðjuverkaárás í Rússlandi. Fregnirnar vekja upp spurningar um það hvernig Rússum tókst ekki að koma í veg fyrir árásina mannskæðu. Rússar hafa áður fengið sambærilegar viðvarnir frá Bandaríkjunum og notað þær til að koma í veg fyrir árásir. Pútín þakkaði til að mynda Donald Trump, þáverandi forseta, fyrir upplýsingar sem eiga að hafa hjálpað Rússum að stöðva tvær hryðjuverkaárásir í Pétursborg, árið 2017 og árið 2019. Beina spjótum sínum að Úkraínu Þann 22. mars ruddust fjórir menn inn í Crocus-tónleikahöllina og hófu þar skothríð. Þeir eru taldir hafa hleypt af um fimm hundruð skotum, kveikt í húsinu og flúið á um þrettán mínútum. Íslamska ríkið lýsti fljótt yfir ábyrgð á árásinni og birti myndefni sem árásarmennirnir sjálfir tóku upp í tónleikahöllinni því til staðfestingar skömmu eftir að mennirnir flúðu. Þeir voru handteknir nokkrum klukkustundum síðar og sagðir á leið til Úkraínu. Pútín og aðrir hafa haldið því fram að Úkraínumenn hafi ætlað að mynda „glugga“ fyrir mennina á víggirtum landamærum Úkraínu og Rússlands. Mennirnir fjórir eru frá Tadsíkistan en störfuðu í Rússlandi. ISKP er angi Íslamska ríkisins sem er virkur í Mið-Asíu og þá helst í Afganistan. Eins og upprunalegu ISIS-samtökin er markmið ISKP að stofna kalífadæmi sem stýrt er með sjaríalögum. Nafn samtakanna, Khorasan, vísar til nafns svæðis sem inniheldur meðal annars hluta landsvæðis Íran, Afganistan, Túrkmenistan, Tadsíkistan og Úsbekistan. Þúsundir Rússa og annarra manna frá ríkjum Mið-Asíu sem mörg hver tilheyrðu Sovétríkjunum, gengu til liðs við Íslamska ríkið þegar kalífadæmið var stofnað í Írak og Sýrlandi árið 2014. Sergei Naryshkin, yfirmaður rússnesku leyniþjónustunnar SVR, sagði í samtali við fréttaveituna Interfax, sem rekin er af rússneska ríkinu, í gær að viðvörun Bandaríkjamanna hefði verið of almenn og ekki gert Rússum kleift að bera kennsl á þá sem gerðu árásina. Alexander Bortnikov, yfirmaður FSB (áður KGB), hafði áður slegið á svipaða strengi. Nikolaí Patrúsjev, formaður þjóðaröryggisráðs Rússlands og fyrrverandi yfirmaður FSB, sagði í morgun að hægt væri að rekja árásina til leyniþjónusta Úkraínu og að allir vissu að Úkraínumenn væru undir stjórn ráðamanna í Washington DC. Ráðamenn í Úkraínu, Bandaríkjunum og Bretlandi segja það þvælu að þeir hafi komið að árásinni með nokkrum hætti. Rússar hafa ekki sýnt fram á það með nokkrum hætti. Sagðir skrá sig í herinn í leit að hefnd Sérfræðingar í málefnum Rússlands segja yfirlýsingar ráðamanna þar um aðkomu Úkraínumanna að mestu ætlaðar rússnesku þjóðinni. Þeim sé ætlað að auka samstöðu þjóðarinnar um innrásina í Úkraínu, sem hefur nú staðið yfir í rúm tvö ár. Í yfirlýsingu frá varnarmálaráðuneyti Rússlands sem birt var í morgun er því haldið fram að mikil fjölgun hafi orðið á fjölda þeirra sem ganga til liðs við rússneska herinn í kjölfar árásarinnar. Í yfirlýsingunni segir að á þessu ári hafi rúmlega hundrað þúsund manns skráð sig í herinn og þar af um sextán þúsund á undanförnum tíu dögum. Þá segir í yfirlýsingunni að flestir sem skrái sig í herinn hafi lýst því yfir að þeir vilji hefna þeirra sem féllu í árásinni á tónleikahöllina. Það sé helsta ástæða þess að þeir skráðu sig. Rússland Vladimír Pútín Innrás Rússa í Úkraínu Bandaríkin Hryðjuverkaárás í Moskvu Úkraína Bretland Hernaður Tadsíkistan Afganistan Hryðjuverkastarfsemi Tengdar fréttir Bendla umdeilda rússneska sveit við Havana-heilkennið Á undanförnum árum hafa nokkrum sinnum átt sér stað atvik þar sem bandarískir og kanadískir embættismenn og erindrekar verða fyrir óútskýrðum heilbrigðisvandamálum. Heyrnartap, ógleði, svimi og miklir höfuðverkir eru meðal þess sem fólk hefur fundið fyrir en fyrstu tilfellin greindust í sendiráði Bandaríkjanna í Havana á Kúbu. 3. apríl 2024 08:01 Herkvaðningaraldurinn lækkaður úr 27 árum í 25 ár Vólódímír Selenskí Úkraínuforseti hefur undirritað lög sem kveða á um að herkvaðningaraldurinn verði lækkaður úr 27 ára í 25 ára. 3. apríl 2024 06:32 Rýnt í stöðuna í Úkraínu: Pútín sagður ætla að „taka til“ eftir kosningarnar Hægt hefur á sókn Rússa vestur af Avdívka, fyrstu borgina sem fallið hefur í hendur Rússa um langt skeið. Rússneskir hermenn gera þó áfram tiltölulega smáar árásir víðsvegar á víglínunni í austurhluta Rússlands, að virðist í leit að veikleikum á vörnum Úkraínumanna. 17. mars 2024 08:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Líkir Katrínu við „stalínista“ og skýtur á Vilhjálm Birgisson Innlent Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Trump lofar að útrýma mótmælum til stuðnings Palestínu Segir árásirnar í Rafah „hræðileg mistök“ Segja Frakka ætla að senda hermenn til Úkraínu Sautján ára „hermaður Hitlers” dæmdur í sjö ára fangelsi Töldu að enginn ætti að deyja í árásunum AfD náði ekki að sigra eftir hrinu hneykslismála Óttast að um 2.000 hafi látist í aurskriðum á föstudag Alríkislögreglan aðstoðar við leit að munum úr British Museum Átján látnir eftir mikið óveður í miðríkjum Bandaríkjanna Hart sótt að Sunak vegna hugmynda um herþjónustu fyrir 18 ára Hryllingur í Rafah eftir hefndaraðgerðir Átta á sjúkrahúsi eftir mikla ókyrrð 700 talin af vegna aurskriðu í Papúa Nýju-Gíneu Hamas skaut eldflaugum í átt að Tel Aviv Flytja hjálpargögn til Gasa í gegnum Kerem Shalom Sjá meira
Viðvöruninni hefði verið ætlað að „ógna“ rússnesku samfélagi og efla til deilna. Eftir árásina hafa Rússar haldið því fram að viðvörunin hafi verið almenn eðlis og hún hefði ekki dugað til að koma í veg fyrir árásina. Rússneskir ráðamenn og málpípur Kreml í ríkisreknum fjölmiðlum Rússlands hafa einnig haldið því fram að Úkraínumenn hafi staðið að baki árásinni og jafnvel Bandaríkjamenn og Bretar einnig. Samkvæmt heimildarmönnum Washington Post voru Bandaríkjamenn nokkuð vissir í sinni sök um upplýsingarnar sem þeir höfðu komið höndum yfir og var viðvörunin sem send var til Moskvu því ítarlegri en gengur og gerist. Degi eftir að viðvörunin var send til Rússlands, var opinber viðvörun birt af sendiráði Bandaríkjanna í Rússlandi. Það var þann 7. mars og var fólk varað við því að sækja tónleika eða aðra staði þar sem fjölmenni safnast saman næstu tvo sólarhringa. Þann sama dag lýstu forsvarsmenn öryggisstofnanna í Rússlandi því yfir að komið hefði verið í veg fyrir árás vígamanna Íslamska ríkisins á bænahús gyðinga í Moskvu. Sjá einnig: Voru sérstaklega varaðir við árás frá ISKP Reuters sagði einnig frá því í vikunni að yfirvöld í Íran hefðu varað Rússa við hættu á umfangsmikilli hryðjuverkaárás í Rússlandi. Fregnirnar vekja upp spurningar um það hvernig Rússum tókst ekki að koma í veg fyrir árásina mannskæðu. Rússar hafa áður fengið sambærilegar viðvarnir frá Bandaríkjunum og notað þær til að koma í veg fyrir árásir. Pútín þakkaði til að mynda Donald Trump, þáverandi forseta, fyrir upplýsingar sem eiga að hafa hjálpað Rússum að stöðva tvær hryðjuverkaárásir í Pétursborg, árið 2017 og árið 2019. Beina spjótum sínum að Úkraínu Þann 22. mars ruddust fjórir menn inn í Crocus-tónleikahöllina og hófu þar skothríð. Þeir eru taldir hafa hleypt af um fimm hundruð skotum, kveikt í húsinu og flúið á um þrettán mínútum. Íslamska ríkið lýsti fljótt yfir ábyrgð á árásinni og birti myndefni sem árásarmennirnir sjálfir tóku upp í tónleikahöllinni því til staðfestingar skömmu eftir að mennirnir flúðu. Þeir voru handteknir nokkrum klukkustundum síðar og sagðir á leið til Úkraínu. Pútín og aðrir hafa haldið því fram að Úkraínumenn hafi ætlað að mynda „glugga“ fyrir mennina á víggirtum landamærum Úkraínu og Rússlands. Mennirnir fjórir eru frá Tadsíkistan en störfuðu í Rússlandi. ISKP er angi Íslamska ríkisins sem er virkur í Mið-Asíu og þá helst í Afganistan. Eins og upprunalegu ISIS-samtökin er markmið ISKP að stofna kalífadæmi sem stýrt er með sjaríalögum. Nafn samtakanna, Khorasan, vísar til nafns svæðis sem inniheldur meðal annars hluta landsvæðis Íran, Afganistan, Túrkmenistan, Tadsíkistan og Úsbekistan. Þúsundir Rússa og annarra manna frá ríkjum Mið-Asíu sem mörg hver tilheyrðu Sovétríkjunum, gengu til liðs við Íslamska ríkið þegar kalífadæmið var stofnað í Írak og Sýrlandi árið 2014. Sergei Naryshkin, yfirmaður rússnesku leyniþjónustunnar SVR, sagði í samtali við fréttaveituna Interfax, sem rekin er af rússneska ríkinu, í gær að viðvörun Bandaríkjamanna hefði verið of almenn og ekki gert Rússum kleift að bera kennsl á þá sem gerðu árásina. Alexander Bortnikov, yfirmaður FSB (áður KGB), hafði áður slegið á svipaða strengi. Nikolaí Patrúsjev, formaður þjóðaröryggisráðs Rússlands og fyrrverandi yfirmaður FSB, sagði í morgun að hægt væri að rekja árásina til leyniþjónusta Úkraínu og að allir vissu að Úkraínumenn væru undir stjórn ráðamanna í Washington DC. Ráðamenn í Úkraínu, Bandaríkjunum og Bretlandi segja það þvælu að þeir hafi komið að árásinni með nokkrum hætti. Rússar hafa ekki sýnt fram á það með nokkrum hætti. Sagðir skrá sig í herinn í leit að hefnd Sérfræðingar í málefnum Rússlands segja yfirlýsingar ráðamanna þar um aðkomu Úkraínumanna að mestu ætlaðar rússnesku þjóðinni. Þeim sé ætlað að auka samstöðu þjóðarinnar um innrásina í Úkraínu, sem hefur nú staðið yfir í rúm tvö ár. Í yfirlýsingu frá varnarmálaráðuneyti Rússlands sem birt var í morgun er því haldið fram að mikil fjölgun hafi orðið á fjölda þeirra sem ganga til liðs við rússneska herinn í kjölfar árásarinnar. Í yfirlýsingunni segir að á þessu ári hafi rúmlega hundrað þúsund manns skráð sig í herinn og þar af um sextán þúsund á undanförnum tíu dögum. Þá segir í yfirlýsingunni að flestir sem skrái sig í herinn hafi lýst því yfir að þeir vilji hefna þeirra sem féllu í árásinni á tónleikahöllina. Það sé helsta ástæða þess að þeir skráðu sig.
Rússland Vladimír Pútín Innrás Rússa í Úkraínu Bandaríkin Hryðjuverkaárás í Moskvu Úkraína Bretland Hernaður Tadsíkistan Afganistan Hryðjuverkastarfsemi Tengdar fréttir Bendla umdeilda rússneska sveit við Havana-heilkennið Á undanförnum árum hafa nokkrum sinnum átt sér stað atvik þar sem bandarískir og kanadískir embættismenn og erindrekar verða fyrir óútskýrðum heilbrigðisvandamálum. Heyrnartap, ógleði, svimi og miklir höfuðverkir eru meðal þess sem fólk hefur fundið fyrir en fyrstu tilfellin greindust í sendiráði Bandaríkjanna í Havana á Kúbu. 3. apríl 2024 08:01 Herkvaðningaraldurinn lækkaður úr 27 árum í 25 ár Vólódímír Selenskí Úkraínuforseti hefur undirritað lög sem kveða á um að herkvaðningaraldurinn verði lækkaður úr 27 ára í 25 ára. 3. apríl 2024 06:32 Rýnt í stöðuna í Úkraínu: Pútín sagður ætla að „taka til“ eftir kosningarnar Hægt hefur á sókn Rússa vestur af Avdívka, fyrstu borgina sem fallið hefur í hendur Rússa um langt skeið. Rússneskir hermenn gera þó áfram tiltölulega smáar árásir víðsvegar á víglínunni í austurhluta Rússlands, að virðist í leit að veikleikum á vörnum Úkraínumanna. 17. mars 2024 08:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Líkir Katrínu við „stalínista“ og skýtur á Vilhjálm Birgisson Innlent Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Trump lofar að útrýma mótmælum til stuðnings Palestínu Segir árásirnar í Rafah „hræðileg mistök“ Segja Frakka ætla að senda hermenn til Úkraínu Sautján ára „hermaður Hitlers” dæmdur í sjö ára fangelsi Töldu að enginn ætti að deyja í árásunum AfD náði ekki að sigra eftir hrinu hneykslismála Óttast að um 2.000 hafi látist í aurskriðum á föstudag Alríkislögreglan aðstoðar við leit að munum úr British Museum Átján látnir eftir mikið óveður í miðríkjum Bandaríkjanna Hart sótt að Sunak vegna hugmynda um herþjónustu fyrir 18 ára Hryllingur í Rafah eftir hefndaraðgerðir Átta á sjúkrahúsi eftir mikla ókyrrð 700 talin af vegna aurskriðu í Papúa Nýju-Gíneu Hamas skaut eldflaugum í átt að Tel Aviv Flytja hjálpargögn til Gasa í gegnum Kerem Shalom Sjá meira
Bendla umdeilda rússneska sveit við Havana-heilkennið Á undanförnum árum hafa nokkrum sinnum átt sér stað atvik þar sem bandarískir og kanadískir embættismenn og erindrekar verða fyrir óútskýrðum heilbrigðisvandamálum. Heyrnartap, ógleði, svimi og miklir höfuðverkir eru meðal þess sem fólk hefur fundið fyrir en fyrstu tilfellin greindust í sendiráði Bandaríkjanna í Havana á Kúbu. 3. apríl 2024 08:01
Herkvaðningaraldurinn lækkaður úr 27 árum í 25 ár Vólódímír Selenskí Úkraínuforseti hefur undirritað lög sem kveða á um að herkvaðningaraldurinn verði lækkaður úr 27 ára í 25 ára. 3. apríl 2024 06:32
Rýnt í stöðuna í Úkraínu: Pútín sagður ætla að „taka til“ eftir kosningarnar Hægt hefur á sókn Rússa vestur af Avdívka, fyrstu borgina sem fallið hefur í hendur Rússa um langt skeið. Rússneskir hermenn gera þó áfram tiltölulega smáar árásir víðsvegar á víglínunni í austurhluta Rússlands, að virðist í leit að veikleikum á vörnum Úkraínumanna. 17. mars 2024 08:00
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins