Tíska og hönnun

Tískudrottingin Iris Apfel látin

Sólrún Dögg Jósefsdóttir skrifar
Apfel lýsti sjálfri sér sem heimsins elsta ungling á Instagram síðu sinni. 
Apfel lýsti sjálfri sér sem heimsins elsta ungling á Instagram síðu sinni.  AP

Bandaríski innanhússhönnuðurinn og tískugoðsögnin Iris Apfel er látin. Hún var 102 ára.

Hún lést á heimili sínu í Palm Beach í Flórída-ríki Bandaríkjanna í gær, samkvæmt upplýsingum frá talsmanni hennar.

Apfel átti að baki sér glæstan feril í fata-og innanhússhönnun þrátt fyrir að hafa ekki náð frægðum fyrr en á níræðisaldri, þegar sýning á fatasafni hennar var haldin í Metropolitan safninu í New York árið 2005.

Sýningin vakti heimsathygli og í kjölfarið hefur verið gerð heimildarmynd um Apfel, auk þess sem hún hefur komið fram í auglýsingum H&M, eBay og Citroën. Þá hefur verið gerð Barbie dúkka til heiðurs henni. 

Apfel var þekkt fyrir skrautlegt og einkennandi útlit sitt, hvítt stutt hár, stór kringlótt gleraugu og umfangsmikla skartgripi. Fimm ár eru síðan Apfel skrifaði undir samning hjá módelskrifstofunni IMG Models, en ofurfyrirsæturnar Gigi Hadid og Karlie Kloss eru meðal fulltrúa skrifstofunnar.

Andlát Tíska og hönnun Bandaríkin

Tengdar fréttir

Iris Apfel í litríku samstarfi við H&M

Tískugyðjan og hönnuðurinn Iris Apfel er nýjasti samstarfsfélagi H&M og verður línan litrík og skrautleg eins og hún sjálf. Á síðasta ári fagnaði hún 100 ára afmælinu sínu og hélt veislu með tískurisanum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.