Þróttur og Stjarnan skiptu stigunum á milli sín

Liðin leika í riðli 2 í A-deild Lengjubikarsins og voru bæði lið án stiga eftir fyrstu umferð. Stjarnan mátti þola 2-1 tap gegn Víkingi og Þróttur steinlá á heimavelli gegn FH, 5-2.

Liðin sóttu hins vegar bæði sitt fyrsta stig í leik kvöldsins. Freyja Karín Þorvarðardóttir kom Þrótturum yfir á 56. mínútu áður en Fanney Lísa Jóhannesdóttir jafnaði metin fyrir Stjörnuna tuttugu mínútum síðar og þar við sat.

Niðurstaðan því 1-1 jafntefli og bæði lið með eitt stig í fjórða og fimmta sæti riðilsins.