Ævintýrasmíð bestu vinkvenna með sama barnsföður Auður Ösp Guðmundsdóttir skrifar 10. febrúar 2024 08:00 Agnes Helga og fjölskyldan vita ekki hvað framtíðin ber í skauti sér. Þegar um fjórða stigs, ólæknandi krabbamein er að ræða er ómögulegt að segja til með vissu hverjar horfurnar eru. Samsett Agnes Helga María Ferro er 35 ára móðir sem glímir við langvinnt krabbamein og gengst nú undir stífa og erfiða lyfjameðferð. Agnes lætur þó ekki deigan síga og fer nýstárlega leið til safna í sérstakan ævintýrasjóð fyrir sig og þrettán ára soninn Alexander. „Staðan er þannig núna að við getum ekki gert nein plön fram í tímann. Það eina sem við getum gert er að taka einn dag í einu,“ segir Díana Íris Guðmundsdóttir í samtali við Vísi. Agnes er barnsmóðir unnusta Díönu, og jafnframt hennar besta vinkona. Díana á tvö börn, sjö ára og fjögurra ára, og er sambandið á milli þeirra og Agnesar einstakt. Agnes Helga og Díana Íris eru samstíga í uppeldinu á börnunum sínum og eru bestu vinkonur.Aðsend „Þau eru henni afar kær, og þau eru afskaplega hænd að henni. Fyrir þeim er hún mamma tvö. Og þetta eru börnin okkar saman. Þannig hefur þetta verið frá fyrsta degi. Fólk grínast oft með þetta og við gerum það líka, en við myndum ekki vilja hafa þetta neitt öðrvísi.“ Framtíðin er óljós Í nóvember árið 2017 greindist Agnes með brjóstakrabbamein, þá einungis 28 ára gömul. „Og í kjölfarið tók við lyfjameðferð, svo brjóstnám og að lokum geislameðferð á herjum degi í fimm vikur. Hún var svo á andhormónatöflum í fimm ár. Læknarnir töldu að það væri búið að vinna bug á meininu. En svo gerist það árið 2022 að hún fer að finna fyrir einkennum sem hún tengdi ekki við krabbamein í fyrstu. Í ágúst fann hún hnúð á hálsinum og vegna fyrri sögu var ákveðið að taka ástungu.“ Svo kom skellurinn. Agnes var greind með krabbamein á fjórða stigi. Í ljós kom að meinið hafði dreift sér víða um líkamann; í lungun, bein og lifur. Í kjölfarið gekkst Agnes aftur undir lyfjameðferð. Á dögunum kom í ljós að ástandið á lifrinni hefur versnað og töldu læknar ráðlegt að senda Agnesi í þriðju lyfjameðferðina, sem hófst í síðustu viku. Um er að ræða stífa og krefjandi lyfjameðferð sem tekur sinn toll, líkamlega og andlega. Agnes Helga heldur ótrauð áfram og er staðráðin í að skapa fallegar minningar með fjölskyldunni.Aðsend Agnes og fjölskyldan vita ekki hvað framtíðin ber í skauti sér. Þegar um fjórða stigs, langvinnt krabbamein er að ræða er ómögulegt að segja til með vissu hverjar horfurnar eru. Undanfarnar vikur hafa myndatökur og frekari greiningar sett litlu fjölskylduna í enn eina rússíbanareiðina og undirstrikað mikilvægi þess njóta lífsins með sínu besta fólki. „En við erum öll í þessu saman. Og við tökumst á við þetta saman,“ segir Díana. Ævintýrasjóður Agnesar og Alexanders Alexander, 13 ára sonur Agnesar, mun fermast núna í vor. Í seinasta mánuði kviknaði sú hugmynd hjá Agnesi að stofna sjóð. Ævintýrasjóð fyrir sig og Alexander. Þau vilja safna peningum í sjóðinn og gera sér þannig kleift að skapa saman fallegar og ógleymanlegar minningar. Líkt og Díana bendir á þá er það í aðstæðum eins og þessum sem það verður enn ljósara að lífið er hverful, og lífið er núna. Agnes sækir nú vikulega lyfjameðferð sem mun eiga sér stað næstu mánuði en samhliða meðferðunum ætla mæðginin að halda áfram að safna í ævintýrasjóðinn sinn svo að þau geti notið alls þess besta á meðan heilsa Agnesar leyfir. Mæðginin Alexander og Agnes hyggjast nota ævintýrasjóðinn til að fjármagna skemmtilegar upplifanir á næstu misserum.Aðsend Á dögunum ákvað Agnes að heyra í vinum og vandamönnum og sjá hvort þau ættu föt, skó og smávöru aflögu sem hún mætti selja á markaði heima í stofu. Viðbrögðin létu ekki á sér standa og um seinustu helgi fór síðan fram fyrsti fatamarkaður mæðginanna. Á morgun ætla þau að endurtaka leikinn. „Agnes sagði við mig á dögunum að hún væri núna byrjuð að finna kraftinn; kraftinn til að sigra þetta. Það er ótrúlega gott í svona aðstæðum að hafa eitthvað að stefna að. Hafa eitthvað til að hlakka til og til að dreifa huganum,“ segir Díana. Þeir sem vilja styrkja Ævintýrasjóð Agnesar og Alexanders er bent á meðfylgjandi reikningsupplýsingar: Kennitala 151088-3849 Reikningsnúmer 0702-15-022813 Aur: 690-8874 Heilbrigðismál Ástin og lífið Krabbamein Helgarviðtal Mest lesið Margbraut á sér ökklann á Snæfellsjökli Lífið Langar að berjast við OnlyFans-stelpur Lífið Söngkonan Jill Sobule lést í húsbruna Lífið Biðin langa: Rúmt ár í herlegheitin Leikjavísir Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Aldrei verið eins einfalt að bóka tíma Lífið samstarf 50+: Tómleikatilfinningin þegar börnin fljúga úr hreiðrinu Áskorun Dóttir De Niro kemur út sem trans Lífið Tork gaur: BMW neglir fallegan framenda Lífið samstarf Fleiri fréttir Menningarlegt heimili með stórbrotnu útsýni Stærsta tímahylki Íslandssögunnar Langar að berjast við OnlyFans-stelpur Margbraut á sér ökklann á Snæfellsjökli Söngkonan Jill Sobule lést í húsbruna Dóttir De Niro kemur út sem trans Rapphljómsveit til rannsóknar hjá hryðjuverkadeildinni Segist hafa gert merka uppgötvun nú þegar hann „nálgast endalok lífs“ síns „Þetta er lúmskt skrímsli“ Michael Bolton með ólæknandi krabbamein Forsalan sögð slá öll fyrri met „Burtu með fordóma“ tónleikar á Selfossi 1. maí Hafa náð að auka ráðstöfunartekjur sínar um 37 prósent Ofsakláði grípur Spaugstofumenn Segir netheima kexruglaðra hafa gert sig að mennskum boxpúða Hver myndi vinna í slag, hundrað gaurar eða ein górilla? Með flygil Halldórs Laxness inni í stofu Gerði samning við Apple: „Þetta er ótrúleg viðurkenning“ Jamie XX, De La Soul og Joy Anonymous á nýrri tónlistarhátíð í Laugardal Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Jón Gnarr birtir sönnunargagn A um ADHD Sveppi og Auddi í fallhlífarstökki yfir Dúbaí Nýtur lífsins í viktorísku koti í London Snorri og Nadine eignuðust son Íris Svava og Arnþór selja fallega íbúð á besta stað Harry Potter stjarna tveggja barna faðir Sjá meira
„Staðan er þannig núna að við getum ekki gert nein plön fram í tímann. Það eina sem við getum gert er að taka einn dag í einu,“ segir Díana Íris Guðmundsdóttir í samtali við Vísi. Agnes er barnsmóðir unnusta Díönu, og jafnframt hennar besta vinkona. Díana á tvö börn, sjö ára og fjögurra ára, og er sambandið á milli þeirra og Agnesar einstakt. Agnes Helga og Díana Íris eru samstíga í uppeldinu á börnunum sínum og eru bestu vinkonur.Aðsend „Þau eru henni afar kær, og þau eru afskaplega hænd að henni. Fyrir þeim er hún mamma tvö. Og þetta eru börnin okkar saman. Þannig hefur þetta verið frá fyrsta degi. Fólk grínast oft með þetta og við gerum það líka, en við myndum ekki vilja hafa þetta neitt öðrvísi.“ Framtíðin er óljós Í nóvember árið 2017 greindist Agnes með brjóstakrabbamein, þá einungis 28 ára gömul. „Og í kjölfarið tók við lyfjameðferð, svo brjóstnám og að lokum geislameðferð á herjum degi í fimm vikur. Hún var svo á andhormónatöflum í fimm ár. Læknarnir töldu að það væri búið að vinna bug á meininu. En svo gerist það árið 2022 að hún fer að finna fyrir einkennum sem hún tengdi ekki við krabbamein í fyrstu. Í ágúst fann hún hnúð á hálsinum og vegna fyrri sögu var ákveðið að taka ástungu.“ Svo kom skellurinn. Agnes var greind með krabbamein á fjórða stigi. Í ljós kom að meinið hafði dreift sér víða um líkamann; í lungun, bein og lifur. Í kjölfarið gekkst Agnes aftur undir lyfjameðferð. Á dögunum kom í ljós að ástandið á lifrinni hefur versnað og töldu læknar ráðlegt að senda Agnesi í þriðju lyfjameðferðina, sem hófst í síðustu viku. Um er að ræða stífa og krefjandi lyfjameðferð sem tekur sinn toll, líkamlega og andlega. Agnes Helga heldur ótrauð áfram og er staðráðin í að skapa fallegar minningar með fjölskyldunni.Aðsend Agnes og fjölskyldan vita ekki hvað framtíðin ber í skauti sér. Þegar um fjórða stigs, langvinnt krabbamein er að ræða er ómögulegt að segja til með vissu hverjar horfurnar eru. Undanfarnar vikur hafa myndatökur og frekari greiningar sett litlu fjölskylduna í enn eina rússíbanareiðina og undirstrikað mikilvægi þess njóta lífsins með sínu besta fólki. „En við erum öll í þessu saman. Og við tökumst á við þetta saman,“ segir Díana. Ævintýrasjóður Agnesar og Alexanders Alexander, 13 ára sonur Agnesar, mun fermast núna í vor. Í seinasta mánuði kviknaði sú hugmynd hjá Agnesi að stofna sjóð. Ævintýrasjóð fyrir sig og Alexander. Þau vilja safna peningum í sjóðinn og gera sér þannig kleift að skapa saman fallegar og ógleymanlegar minningar. Líkt og Díana bendir á þá er það í aðstæðum eins og þessum sem það verður enn ljósara að lífið er hverful, og lífið er núna. Agnes sækir nú vikulega lyfjameðferð sem mun eiga sér stað næstu mánuði en samhliða meðferðunum ætla mæðginin að halda áfram að safna í ævintýrasjóðinn sinn svo að þau geti notið alls þess besta á meðan heilsa Agnesar leyfir. Mæðginin Alexander og Agnes hyggjast nota ævintýrasjóðinn til að fjármagna skemmtilegar upplifanir á næstu misserum.Aðsend Á dögunum ákvað Agnes að heyra í vinum og vandamönnum og sjá hvort þau ættu föt, skó og smávöru aflögu sem hún mætti selja á markaði heima í stofu. Viðbrögðin létu ekki á sér standa og um seinustu helgi fór síðan fram fyrsti fatamarkaður mæðginanna. Á morgun ætla þau að endurtaka leikinn. „Agnes sagði við mig á dögunum að hún væri núna byrjuð að finna kraftinn; kraftinn til að sigra þetta. Það er ótrúlega gott í svona aðstæðum að hafa eitthvað að stefna að. Hafa eitthvað til að hlakka til og til að dreifa huganum,“ segir Díana. Þeir sem vilja styrkja Ævintýrasjóð Agnesar og Alexanders er bent á meðfylgjandi reikningsupplýsingar: Kennitala 151088-3849 Reikningsnúmer 0702-15-022813 Aur: 690-8874
Heilbrigðismál Ástin og lífið Krabbamein Helgarviðtal Mest lesið Margbraut á sér ökklann á Snæfellsjökli Lífið Langar að berjast við OnlyFans-stelpur Lífið Söngkonan Jill Sobule lést í húsbruna Lífið Biðin langa: Rúmt ár í herlegheitin Leikjavísir Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Aldrei verið eins einfalt að bóka tíma Lífið samstarf 50+: Tómleikatilfinningin þegar börnin fljúga úr hreiðrinu Áskorun Dóttir De Niro kemur út sem trans Lífið Tork gaur: BMW neglir fallegan framenda Lífið samstarf Fleiri fréttir Menningarlegt heimili með stórbrotnu útsýni Stærsta tímahylki Íslandssögunnar Langar að berjast við OnlyFans-stelpur Margbraut á sér ökklann á Snæfellsjökli Söngkonan Jill Sobule lést í húsbruna Dóttir De Niro kemur út sem trans Rapphljómsveit til rannsóknar hjá hryðjuverkadeildinni Segist hafa gert merka uppgötvun nú þegar hann „nálgast endalok lífs“ síns „Þetta er lúmskt skrímsli“ Michael Bolton með ólæknandi krabbamein Forsalan sögð slá öll fyrri met „Burtu með fordóma“ tónleikar á Selfossi 1. maí Hafa náð að auka ráðstöfunartekjur sínar um 37 prósent Ofsakláði grípur Spaugstofumenn Segir netheima kexruglaðra hafa gert sig að mennskum boxpúða Hver myndi vinna í slag, hundrað gaurar eða ein górilla? Með flygil Halldórs Laxness inni í stofu Gerði samning við Apple: „Þetta er ótrúleg viðurkenning“ Jamie XX, De La Soul og Joy Anonymous á nýrri tónlistarhátíð í Laugardal Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Jón Gnarr birtir sönnunargagn A um ADHD Sveppi og Auddi í fallhlífarstökki yfir Dúbaí Nýtur lífsins í viktorísku koti í London Snorri og Nadine eignuðust son Íris Svava og Arnþór selja fallega íbúð á besta stað Harry Potter stjarna tveggja barna faðir Sjá meira