Erlent

Breta­konungur berst við bólginn blöðru­háls­kirtil

Magnús Jochum Pálsson skrifar
Karl konungur þarf að fara í aðgerð vegna góðkynja stækkunar á blöðruhálskirtli.
Karl konungur þarf að fara í aðgerð vegna góðkynja stækkunar á blöðruhálskirtli. EPA

Karl III Bretakonungur leggst undir hnífinn í næstu viku vegna góðkynja stækkunar á  blöðruhálskirtli.

Þetta kemur fram í tilkynningu frá Buckingham-höll. Þar segir að þrátt fyrir að stækkunin sé góðkynja muni Karl fara í aðgerð til „leiðréttingar“.

„Líkt og þúsundir manna árlega hefur konungurinn leitað sér meðferðar vegna stækkaðs blöðruhálskirtils,“ segir í tilkynningunni. 

Opinberum skyldustörfum konungsins verður frestað á meðan hann jafnar sig en ekki kemur fram í tilkynningunni hvað það muni taka langan tíma. Góðkynja stækkun blöðruhálskirtils er ekki óalgeng hjá karlmönnum eldri yfir fimmtugu en Karl er 75 ára.

Það sem er þó nokkuð óvenjulegt er að tilkynningin um aðgerð Karls berst aðeins nokkrum klukkutímum eftir að greint var frá því að Kate Middleton, prinsessa af Wales, hefði farið í aðgerð á maga í síðustu viku. Heilsan er greinilega eitthvað að plaga bresku konungsfjölskyldunni þessa dagana.

Karl III Bretakonungur Bretland Kóngafólk

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið