Þórdís sagði já við jólabónorði

Svava Marín Óskarsdóttir skrifar 27. desember 2023 08:23

Það er ekki laust við að það sé hjónasvipur með þeim Hermanni og Þórdísi.

Hermann Sigurðsson ljósmyndari og prentsmiður skellti sér á skeljarnar á aðfangadag og bað Þórdísar Valsdóttur útvarpskonu á Bylgjunni sem sagði já. Eftir þriggja ára samband þá líður að stóru stundinni.

Sannarlega eftirminnilegt aðfangadagskvöld.

Hermann og Þórdís skelltu sér í sumarbústað yfir jólin þar sem var lögð áhersla á útivist, bókalestur, spil og bónorð.

Þórdís sýndi fylgjendum sínum á samfélagsmiðlum hringinn um jólin og stóð ekki á hamingjuóskum.

Parið kynntist árið 2020 þegar Hermann ákvað að fylgja Þórdísi á Instagram.

Fljótt kom í ljós að þau áttu fjölmargt sameiginlegt. Hermann bauð Þórdísi í fjallgöngu og síðan ar ekki aftur snúið.

Hermann og Þórdís eiga samanlagt fimm börn úr fyrri samböndum.

Ástin og lífið Tímamót

Tengdar fréttir

Þórdís ráðin forstöðumaður útvarpsmiðla Sýnar

Þórdís Valsdóttir hefur verið ráðin forstöðumaður útvarpsmiðla Sýnar. Útvarpsstöðvarnar sem Þórdís mun stýra eru Bylgjan, FM957, X977, Gullbylgjan, Léttbylgjan og Íslenska bylgjan. Þetta kemur fram í tilkynningu frá Sýn.

22. maí 2023 12:02

Dreymdi systur sína nóttina áður en hún lést: „Hún kemur og kveður mig“

„Þegar ég hitti fólk sem er fætt sama ár og hún byrja ég að spegla hana í þeim. Ef allt hefði farið vel, hvar væri hún þá núna? Hún var bara 25 ára þegar hún lést og það var svo mikið framundan,“ segir dagskrárgerðakonan Þórdís Valsdóttir.

24. apríl 2023 11:25

„Flest stefnumótin okkar eru á fjöllum“

Árið 2020 var ár stórra breytinga í lífi Þórdísar Valsdóttur fjölmiðlakonu. Í lok árs kynntist hún ástinni sinni Hermanni Sigurðssyni ljósmyndara og prentsmið og er augljóst að sjá að hér fer ástfangið og hamingjusamt par.

3. júní 2021 20:01