Áslaug Arna og Kristófer Acox í trylltu stuði á Hax Svava Marín Óskarsdóttir skrifar 26. desember 2023 17:09 Brakandi ferskur ísskúlptúr í Garðabænum en öllu eldri skúlptúr í fjöllunum í Perú. Já, Íslendingar bralla ýmislegt þessi jólin. Áslaug Arna Sigurbjörnsdóttir ráðherra og körfuboltakappinn Kristófer Acox nýttu sér tækifærið að geta sofið út á dögunum og skelltu sér á næturklúbbinn Hax. Vala Kristín og Hilmir Snær skelltu sér í skötu hjá Jóa í Múlakaffi. Já, á öðrum degi jóla liggur margt átvaglið uppi í sófa með samviskubit eftir að hafa látið til sín taka í veisluhöldum jólanna. En hey, þetta eru jólin og þá má alveg njóta. Það gerðu Áslaug Arna Sigurbjörnsdóttir háskóla-, iðnaðar- og nýsköpunarráðherra sem sást í banastuði á næturklúbbnum Hax á föstudagskvöldið fyrir jól. Áslaug Arna er einhleyp eins og fleiri um jólin og þeirra á meðal er körfuboltafolinn Kristófer Acox. Skötustuð Þorláksmessu er dagur skötu og það vita leikararnir Hilmir Snær Guðnason og Benedikt Erlingsson sem brugðu undir sig betri fætinum og buðu betri helmingunum sínum í skötu hjá Jóa í Múlakaffi í Múlunum. Þeim Hilmi, Völu Kristínu, Benna og Tinnu bættist óvæntur liðsauki þegar Þórunn Sigurðardóttir leikstjóri og menningarfrömuður bættist í hópinn. Þau fimm höfðu um nóg að tala úr leikhúslífinu en Þórunn er sérstaklega góður sögumaður. Birta Líf úr Teboðinu lét sjá sig á Tres Locos í Hafnarstrætinu. Hún gerði vel við sig í mat og drykk eins og vinkonurnar Ástrós Trausta og Birgitta Líf Björnsdóttir sem sátu á öðru borði. Góður matur enda kostar hann skildinginn. Dúettinn Svavar og Svali litu við í GK í miðbænum á laugardaginn. Svali var með jólasveinahúfu á hausnum enda vandfundinn meiri jólasveinn. Hann stóð svo vaktina á Bylgjunni á aðfangadag þar sem jólalögin fengu eðli máls samkvæmt að hljóma. Ljósmyndari að elta Sögu Garðars Fleiri voru í gjafahugleiðingum á Þorláksmessu og þeirra á meðal Sindri Sindrason sjónvarpsþulur ásamt sínum heittelskaða Alberti. Skerfirðingarnir völdu Kringluna fram yfir miðborgina í leitinni að síðustu jólagjöfunum. Björn Ingi Hrafnsson fjölmiðlamaður var á vappinu í Kringlunni og var ekkert að stressa sig þar sem hann sat með dóttur sinni á kaffihúsi Kringlunnar. Saga Garðars uppistandari á von á barni. Hvort það hafi verið af því tilefni eða örðu að ljósmyndari elti hana hvert fótmál í miðbænum á Þorláksmessu þá tók fólk allavega eftir hinni glæsilegu Sögu með óléttubumbuna úti við jólaköttinn við Lækjartorg. Fjölmiðlakonan Inga Lind Karlsdóttir er í skýjunum með tengdason sinn Sigurð Hrannar Björnsson sem fagnar þrítugsafmæli um hátíðarnar. Matthildur Margrét dóttir Árna Haukssonar og Ingu Lindar er 23 ára en þau Sigurður Hrannar giftu sig sumarið 2022. Inga Lind segist á Instagram hafa unnið í tengdasonarlottóinu. Gekk Machu Pichu í Crocs Útvarpskonan Sunna Valgerðardóttir er meðal þeirra sem fagnar jólunum í sól og sumaryl á Tenerife. Þar hefur dauð rotta orðið á vegi hennar og sömuleiðis kaffihúsið Café París. Leikarahjónin Nína Dögg Filippusdóttir og Gísli Örn Garðarsson njóta áfram lífsins í Suður-Ameríku yfir hátíðarnar. Hjónin gengu með börnum sínum upp í Machu Picchu í Perú. Gísli fer sínar eigin leiðir og gekk í sjö klukkustundir í Crocs skóm. Snjónum kyngdi á höfuðborgarsvæðinu í dag og þá opnuðu sundlaugarnar aftur eftir jólafrí. Reyndar bara sumar laugar á höfuðborgarsvæðinu sem varð til þess að Vesturbæjarlaugin var algjörlega stöppuð. Meðal þeirra sem lét sjá sig í lauginni voru hjónin Sverrir Þór Sverrisson, Sveppi, og Íris Ösp Bergþórsdóttir leikkona. Sást Sverrir á tali við frænku sína Selmu Björnsdóttur söngkonu. Listamaðurinn Björn Thors Guðni og Birna hlaupagarpar. Margir nýttu snjóinn til að byggja snjóhús, renna sér á sleða eða hnoða sjóbolta. Björn Thors leikari nýtti snjóinn til að gera snjóskúlptúr í garðinum. Sem betur fer fyrir aðdáendur snjóskúlptúra náði Unnur Ösp Stefánsdóttir eiginkona hans listaverkinu á myndband. Birni sannarlega margt til lista lagt. Jón Arnór Stefánsson körfuboltakappi var meðal þeirra sem létu sér nægja að gera snjókarl með dóttur sinni, en sá var sannarlega glæsilegur. Kirkjuhlaupið á annan dag jóla er að ná að festa sig í sessi hjá hlaupagörpum á höfuðborgarsvæðinu. Meðal þeirra sem tók þátt var Guðni Th. Jóhannesson forseti Íslands og var Birna Bragadóttir hjá Elliðastöð Orkuveitu Reykjavíkur meðal þeirra sem hljóp og fékk sjálfu af sér með forsetanum. Guðni var aldrei þessu vant ekki með buff. Ástin og lífið Jól Mest lesið Svona er matseðillinn á Litla-Hrauni Lífið Rooney getur ekki farið til Bretlands af ótta við að verða handtekin Lífið Ævintýralegt frí Ómars og Evu Margrétar á Ítalíu Lífið Kærastinn skyndilega orðinn „pabbi“ Aldísar Lífið Skaut mink í eldhúsi í Garðabæ Lífið Klassískur ítalskur réttur sem allir elska Lífið Er Lína Langsokkur woke? Gagnrýni Allsgáður í sjö ár: „Mæli með“ Lífið Fór ein í eftirpartý með Drake en segir ekki meir Lífið Jói Fel ástfanginn, trúlofaður og fluttur í Hveragerði Lífið Fleiri fréttir Rooney getur ekki farið til Bretlands af ótta við að verða handtekin Svona er matseðillinn á Litla-Hrauni Klassískur ítalskur réttur sem allir elska Allsgáður í sjö ár: „Mæli með“ Skaut mink í eldhúsi í Garðabæ Íslandsmeistari í kokteilagerð selur slotið Ótrúlegt útsýni og erfiðar aðstæður á Skessuhorni Ævintýralegt frí Ómars og Evu Margrétar á Ítalíu Kynlífsmyndband í Ásmundarsal Þáttur Kimmel af sjónvarpsskjánum um óákveðinn tíma Hvernig getur kona sem er komin í tíðahvörf fundið neistann til að stunda kynlíf aftur? „Þú ert svo falleg“ Djúsí Ceasar vefja sem klikkar seint Bullandi boltastemning á árshátíð Sýnar Fjölgar mannkyninu enn frekar Berjamó með sjálfum Berjakarlinum Eiríkur og Alma selja smekklega hæð í Garðabæ Fór ein í eftirpartý með Drake en segir ekki meir „Erum við að falla úr efstu deild í Norður-Kóreu?“ Kærastinn skyndilega orðinn „pabbi“ Aldísar Borguðu norn fyrir gott veður á brúðkaupsdaginn Fjallar ekki um eiturlyf í dýrðarljóma „Án djóks besta kvöld lífs míns“ Robert Redford er látinn Norska konungsfjölskyldan krefst breytinga á heimildarmynd Netflix Fyrst „stóru fimm“ til að hóta sniðgöngu Keyptu vistvænt hús í Garðabæ af meðlimi Sigur Rósar Fögur hæð í frönskum stíl „Hann varð fyrir gríðarlega miklum árásum úr samfélaginu“ Mægðurnar Vanda Sig og Dísa sögðu fokk við ofbeldi Sjá meira
Já, á öðrum degi jóla liggur margt átvaglið uppi í sófa með samviskubit eftir að hafa látið til sín taka í veisluhöldum jólanna. En hey, þetta eru jólin og þá má alveg njóta. Það gerðu Áslaug Arna Sigurbjörnsdóttir háskóla-, iðnaðar- og nýsköpunarráðherra sem sást í banastuði á næturklúbbnum Hax á föstudagskvöldið fyrir jól. Áslaug Arna er einhleyp eins og fleiri um jólin og þeirra á meðal er körfuboltafolinn Kristófer Acox. Skötustuð Þorláksmessu er dagur skötu og það vita leikararnir Hilmir Snær Guðnason og Benedikt Erlingsson sem brugðu undir sig betri fætinum og buðu betri helmingunum sínum í skötu hjá Jóa í Múlakaffi í Múlunum. Þeim Hilmi, Völu Kristínu, Benna og Tinnu bættist óvæntur liðsauki þegar Þórunn Sigurðardóttir leikstjóri og menningarfrömuður bættist í hópinn. Þau fimm höfðu um nóg að tala úr leikhúslífinu en Þórunn er sérstaklega góður sögumaður. Birta Líf úr Teboðinu lét sjá sig á Tres Locos í Hafnarstrætinu. Hún gerði vel við sig í mat og drykk eins og vinkonurnar Ástrós Trausta og Birgitta Líf Björnsdóttir sem sátu á öðru borði. Góður matur enda kostar hann skildinginn. Dúettinn Svavar og Svali litu við í GK í miðbænum á laugardaginn. Svali var með jólasveinahúfu á hausnum enda vandfundinn meiri jólasveinn. Hann stóð svo vaktina á Bylgjunni á aðfangadag þar sem jólalögin fengu eðli máls samkvæmt að hljóma. Ljósmyndari að elta Sögu Garðars Fleiri voru í gjafahugleiðingum á Þorláksmessu og þeirra á meðal Sindri Sindrason sjónvarpsþulur ásamt sínum heittelskaða Alberti. Skerfirðingarnir völdu Kringluna fram yfir miðborgina í leitinni að síðustu jólagjöfunum. Björn Ingi Hrafnsson fjölmiðlamaður var á vappinu í Kringlunni og var ekkert að stressa sig þar sem hann sat með dóttur sinni á kaffihúsi Kringlunnar. Saga Garðars uppistandari á von á barni. Hvort það hafi verið af því tilefni eða örðu að ljósmyndari elti hana hvert fótmál í miðbænum á Þorláksmessu þá tók fólk allavega eftir hinni glæsilegu Sögu með óléttubumbuna úti við jólaköttinn við Lækjartorg. Fjölmiðlakonan Inga Lind Karlsdóttir er í skýjunum með tengdason sinn Sigurð Hrannar Björnsson sem fagnar þrítugsafmæli um hátíðarnar. Matthildur Margrét dóttir Árna Haukssonar og Ingu Lindar er 23 ára en þau Sigurður Hrannar giftu sig sumarið 2022. Inga Lind segist á Instagram hafa unnið í tengdasonarlottóinu. Gekk Machu Pichu í Crocs Útvarpskonan Sunna Valgerðardóttir er meðal þeirra sem fagnar jólunum í sól og sumaryl á Tenerife. Þar hefur dauð rotta orðið á vegi hennar og sömuleiðis kaffihúsið Café París. Leikarahjónin Nína Dögg Filippusdóttir og Gísli Örn Garðarsson njóta áfram lífsins í Suður-Ameríku yfir hátíðarnar. Hjónin gengu með börnum sínum upp í Machu Picchu í Perú. Gísli fer sínar eigin leiðir og gekk í sjö klukkustundir í Crocs skóm. Snjónum kyngdi á höfuðborgarsvæðinu í dag og þá opnuðu sundlaugarnar aftur eftir jólafrí. Reyndar bara sumar laugar á höfuðborgarsvæðinu sem varð til þess að Vesturbæjarlaugin var algjörlega stöppuð. Meðal þeirra sem lét sjá sig í lauginni voru hjónin Sverrir Þór Sverrisson, Sveppi, og Íris Ösp Bergþórsdóttir leikkona. Sást Sverrir á tali við frænku sína Selmu Björnsdóttur söngkonu. Listamaðurinn Björn Thors Guðni og Birna hlaupagarpar. Margir nýttu snjóinn til að byggja snjóhús, renna sér á sleða eða hnoða sjóbolta. Björn Thors leikari nýtti snjóinn til að gera snjóskúlptúr í garðinum. Sem betur fer fyrir aðdáendur snjóskúlptúra náði Unnur Ösp Stefánsdóttir eiginkona hans listaverkinu á myndband. Birni sannarlega margt til lista lagt. Jón Arnór Stefánsson körfuboltakappi var meðal þeirra sem létu sér nægja að gera snjókarl með dóttur sinni, en sá var sannarlega glæsilegur. Kirkjuhlaupið á annan dag jóla er að ná að festa sig í sessi hjá hlaupagörpum á höfuðborgarsvæðinu. Meðal þeirra sem tók þátt var Guðni Th. Jóhannesson forseti Íslands og var Birna Bragadóttir hjá Elliðastöð Orkuveitu Reykjavíkur meðal þeirra sem hljóp og fékk sjálfu af sér með forsetanum. Guðni var aldrei þessu vant ekki með buff.
Ástin og lífið Jól Mest lesið Svona er matseðillinn á Litla-Hrauni Lífið Rooney getur ekki farið til Bretlands af ótta við að verða handtekin Lífið Ævintýralegt frí Ómars og Evu Margrétar á Ítalíu Lífið Kærastinn skyndilega orðinn „pabbi“ Aldísar Lífið Skaut mink í eldhúsi í Garðabæ Lífið Klassískur ítalskur réttur sem allir elska Lífið Er Lína Langsokkur woke? Gagnrýni Allsgáður í sjö ár: „Mæli með“ Lífið Fór ein í eftirpartý með Drake en segir ekki meir Lífið Jói Fel ástfanginn, trúlofaður og fluttur í Hveragerði Lífið Fleiri fréttir Rooney getur ekki farið til Bretlands af ótta við að verða handtekin Svona er matseðillinn á Litla-Hrauni Klassískur ítalskur réttur sem allir elska Allsgáður í sjö ár: „Mæli með“ Skaut mink í eldhúsi í Garðabæ Íslandsmeistari í kokteilagerð selur slotið Ótrúlegt útsýni og erfiðar aðstæður á Skessuhorni Ævintýralegt frí Ómars og Evu Margrétar á Ítalíu Kynlífsmyndband í Ásmundarsal Þáttur Kimmel af sjónvarpsskjánum um óákveðinn tíma Hvernig getur kona sem er komin í tíðahvörf fundið neistann til að stunda kynlíf aftur? „Þú ert svo falleg“ Djúsí Ceasar vefja sem klikkar seint Bullandi boltastemning á árshátíð Sýnar Fjölgar mannkyninu enn frekar Berjamó með sjálfum Berjakarlinum Eiríkur og Alma selja smekklega hæð í Garðabæ Fór ein í eftirpartý með Drake en segir ekki meir „Erum við að falla úr efstu deild í Norður-Kóreu?“ Kærastinn skyndilega orðinn „pabbi“ Aldísar Borguðu norn fyrir gott veður á brúðkaupsdaginn Fjallar ekki um eiturlyf í dýrðarljóma „Án djóks besta kvöld lífs míns“ Robert Redford er látinn Norska konungsfjölskyldan krefst breytinga á heimildarmynd Netflix Fyrst „stóru fimm“ til að hóta sniðgöngu Keyptu vistvænt hús í Garðabæ af meðlimi Sigur Rósar Fögur hæð í frönskum stíl „Hann varð fyrir gríðarlega miklum árásum úr samfélaginu“ Mægðurnar Vanda Sig og Dísa sögðu fokk við ofbeldi Sjá meira