Innlent

Vara börn við hættu­legum leik á Sauð­á

Jón Þór Stefánsson skrifar
„Nauðsynlegt er að ræða við börn um hættuna sem stafar af slíkum leik.“
„Nauðsynlegt er að ræða við börn um hættuna sem stafar af slíkum leik.“ Aðsend

Sauðá á Sauðárkróki er hættuleg um þessar mundir og börn eru vöruð við að leika sér á henni.

Mikill kuldi hefur verið síðustu daga og vikur og þar af leiðandi hefur verið mikil klakamyndun og ísing á ám og lækjum.

Þetta kemur fram í tilkynningu á vef Skagafjarðar. Þar kemur jafnframt fram að talsvert sé af vatni sem sé farið að renna ofan á ísinn.

Þar er biðlað til foreldra og forráðamanna að brýna fyrir börnum að leika sér ekki á ísnum á Sauðá, né í kringum ána.

„Nauðsynlegt er að ræða við börn um hættuna sem stafar af slíkum leik,“ segir í tilkynningunni.

Mikil klakamyndun og ísing hefur orðið á ám og lækjum fyrir norðan.Aðsend
Veður Skagafjörður Börn og uppeldi Slysavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið