Erlent

Mikið fann­fergi veldur vand­ræðum í Þýska­landi

Rafn Ágúst Ragnarsson skrifar
Snjórinn hefur lamað flug- og lestarsamgöngur í Bæjaralandi.
Snjórinn hefur lamað flug- og lestarsamgöngur í Bæjaralandi.

Mikið fannfergi hefur valdið vandræðum í suðurhluta Þýskalands. Flug- og lestarsamgöngur liggja niðri í München.

Flugvellinum í Munchen var lokað klukkan ellefu í morgun og hafa flugvallaryfirvöld gefið út að hann muni vera lokaður að minnsta kosti til klukkan sex í fyrramálið. Samkvæmt Guardian hefur 760 áætluðum flugum verið aflýst eða frestað þar sem meira en fjörutíu sentímetrar af snjó féll á borgina aðfararnótt laugardags.

Yfirvöld í Bæjaralandi hafa ráðlagt fólki að halda sig heima af öryggisástæðum. Veðrið hefur einnig haft áhrif á lestarsamgöngur og Deutsche Bahn tilkynnt að engar lestir muni gera sér leið til München.

Ferðafólki er sagt að gera ráð fyrir töfum og aflýsingum í Bæjaralandi og úrvalsdeildarleik Bayern München og Union Berlin var einnig aflýst í ljósi aðstæðna.

Lögregluyfirvöld í Neðra-Bæjaralandi hafa sinnt yfir 350 útköllum vegna veðurs og fimm hafa slasast í umferðarslysum vegna hálkunnar.

Þýskaland Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið