Innlent

Af­henti gjör­gæslu 1,4 milljónir sem söfnuðust í Reykja­víkur­mara­þoninu

Hallgerður Kolbrún E. Jónsdóttir skrifar
(f.v.t.h.) Anna, Árni bróðir hennar, Aðalheiður kona hans, Árni deildarstjóri gjörgæslunnar á Hringbraut og Sigurbergur yfirlæknir.
(f.v.t.h.) Anna, Árni bróðir hennar, Aðalheiður kona hans, Árni deildarstjóri gjörgæslunnar á Hringbraut og Sigurbergur yfirlæknir. Landspítalinn

Anna Gunnlaugsdóttir, sem hljóp hálfmaraþon í Reykjavíkurmaraþoninu í ágúst til styrktar gjörgæslu Landspítalans, hefur afhent deildinni 1,4 milljónir króna sem hún safnaði. Féð verður nýtt til að efla tækjakost. 

Frá þessu greinir á Facebook-síðu Landspítalans. Segir þar að Anna hafi hlaupið fyrir gjörgæsluna vegna þess að í mars síðastliðnum hafi Árni bróðir hennar lent í alvarlegu slysi og legið á gjörgæslu í átta vikur. Þar af hafi honum verið haldið sofandi í sjö þeirra. 

„Anna vildi með þessu þakka fyrir umhyggju og velvild sem hún segir að starfsfólk deildarinnar hafi sýnt bróður sínum. Anna, Árni bróðir hennar og Aðalheiður eiginkona hans, komu í heimsókn á deildina nýlega. Þar hittu þau starfsfólk deildarinnar og afhentu söfnunarféð sem verður nýtt til að efla tækjakost,“ segir í færslunni. 

Anna safnaði fjórðu hæstu upphæðinni af hlaupurum í Reykjavíkurmaraþoninu en markmið hennar voru þrjú hundruð þúsund krónur. Markmiðinu var sannarlega náð og margfalt það en samtals söfnuðust 1.422.000 króna.

„Gjörgæslan á Hringbraut þakkar kærlega fyrir gjöfina og velvild í hennar garð.“

Reykjavíkurmaraþon Landspítalinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið