Palestínumenn flýja í massavís áður en innrás Ísraela hefst Magnús Jochum Pálsson skrifar 14. október 2023 00:11 Palestínumenn flúðu í massavís úr norðurhluta Gasastrandar til suðurhlutans eftir að ísraelski herinn gaf frá sér fordæmalausa rýmingarskipan fyrir yfirvofandi innrás hans inn í Gasasvæðið. AP/Hatem Moussa Palestínumenn hafa flúið í massavís frá norðurhluta Gasastrandar í dag eftir að Ísrael sagði rúmlega milljón íbúum svæðisins að rýma það áður en innrás ísraelska hersins hefst í fyrramálið. Loftárásum hefur rignt yfir Gasaströndina í dag á meðan íbúar flúðu í trukkum, bílum og vögnum eftir aðalveginum út úr Gasaborg. Sjötíu voru drepnir þegar loftárásir Ísraela hæfðu þrjár bílalestir fullar af Palestínumönnum. NEW: 70 killed after Israeli strikes hit three convoys of evacuees trying to leave northern Gaza. pic.twitter.com/HOVXZxfIAJ— MSNBC (@MSNBC) October 13, 2023 Hamas hefur sagt Palestínumönnum að hunsa rýmingarskipan Ísraela og halda kyrru fyrir. Almennir borgarar sem flýja eru auðvitað ekki tryggðir með öruggt skjól, hvorki á leiðinni né á suðurhluta Gasastrandarinnar. Útlitið er því ansi svart fyrir Palestínumenn. Fordæma kröfu Ísraela um rýmingu Fjöldi stofnana og alþjóðasamtaka hafa fordæmt fyrirmæli Ísraela til Palestínumanna um að rýma svæðið. Sameinuðu þjóðirnar hvöttu Ísraela til að hætta við skipanir sínar og vöruðu við því að slíkur fjöldaflótti geti haft hörmulegar afleiðingar. The order to evacuate 1.1 million people from northern Gaza defies the rules of war and basic humanity. pic.twitter.com/8WlNTKtfaF— Martin Griffiths (@UNReliefChief) October 13, 2023 Alþjóðaráð Rauða krossins sendi frá sér neyðarkall vegna fyrirmæla Ísraels sem ráðið segir ekki samræmast alþjóðlegum mannúðarlögum. Sólarhringur væri ekki nægur tími til að rýma alla íbúa svæðisins, þar á meðal fólk með fötlun, aldraða, sjúklinga og veika og særða einstaklinga á sjúkrahúsum. Íbúar hefðu sömuleiðis engan öruggan stað til að fara á vegna þess að allt svæðið er umsetið. Heilbrigðisstarfsmenn á Gasaströndinni hafa jafnframt neitað að yfirgefa sjúklinga sína og þar með svæðið. Læknar án landamæra fordæmdu rýmingarkröfu Ísraela og sögðu að fresturinn sem starfsfólki Al Awda-spítalans var gefinn hafi verið alltof stuttur. Eftir yfirlýsingar stofnunarinnar fengu starfsmenn hennar frekari frest þar til í fyrramálið. „Gleymdu mat, gleymdu rafmagni, gleymdu eldsneyti. Einu áhyggjurnar núnar eru hvort þú hefur það af, hvort þú lifir,“ sagði Nebal Farsakh, talskona Palestínska rauða hálfmánans á Gasaströndinni. Frá því átökin hófust fyrir um viku síðan hafa um það bil 1.900 Palestínumenn verið drepnir á svæðinu, samkvæmt heilbrigðisráðuneyti Gasastrandar. Ísraelska ríkisstjórnin segir að Hamas-liðar hafi drepið meira en 1.300 Ísraela í árásinni á laugardag og að ísraelski herinn hafi drepið um 1.500 Hamas-liða. Innrásin „aðeins upphafið“ og ætlar að útrýma Hamas Auk þess að hafa skrúfað fyrir rafmagn, vatn og lokað á matarsendingar til Gasastrandar hafa Ísraelar jafnað heilu hverfin við jörðu í loftárásum undanfarna viku. Benjamín Netanjahú, forsætisráðherra Ísraels, ætlar að útrýma Hamas.AP/Abir Sultan Benjamín Netanjahú, forsætisráðherra Ísrael, lofaði að útrýma Hamas í sjónvarpsræðu á föstudag. Þá sagði hann að yfirvofandi innrás ísraelska hersins væri „aðeins upphafið“ og að Ísrael myndi ráðast á óvini sína með „fordæmalausum krafti“. Netanjahú sagðist einnig hafa talað við Joe Biden og aðra þjóðarleiðtoga og hann hefði aflað gríðarlegs alþjóðlegs stuðnings fyrir Ísrael. Ísraelski herinn greindi frá því að hann hefði gert smærri árásir inn í Gasaströndina til að berjast við vígamenn Hamas og leita að þeim 150 sem var rænt í skyndiárás Hamas í síðustu viku. Yoav Gallant, varnarmálaráðherra Ísrael, segir að varnarsveitir Ísraela muni taka Hamas „út úr Gasa og af jörðu brott“ með innrás sem muni valda „varanlegri breytingu“ á palestínska svæðinu. Ísraelskir skriðdrekar á leið til Gasastrandar.AP/Ariel Schalit Utanríkisráðherra Íslands tjáir sig um ástandið Þórdís Kolbrún Reykfjörð Gylfadóttir, utanríkisráðherra Íslands, gaf frá sér yfirlýsingu á Twitter/X fyrr í kvöld um ástandið á Gasasvæðinu. Hún sagðist þar hafa þungar áhyggjur vegna þess harmleiks sem er að eiga sér stað í Ísrael og Gaza og vegna hættunar á frekar stigmögnun. Þá sagði hún að Ísland hefði fordæmt barbarískar gjörðir Hamas og að það væri aldrei hægt að réttlæta hryðjuverk. We are deeply concerned as we watch the great tragedy unfolding in Israel and Gaza, and the risk for further escalation. Iceland has condemned in the strongest terms the barbaric acts committed by Hamas. Terrorism can never be justified. Israel has a clear right to defend — Þórdís Kolbrún Reykfjörð Gylfadóttir (@thordiskolbrun) October 13, 2023 „Ísrael hefur skýran rétt á því að vernda sig innan marka alþjóðalaga,“ sagði hún í færslunni. Hún sagði að vernda þyrfti almenna borgara og innviði bæði í Ísrael og á Gasaströndinni í samræmi við alþjóðleg mannúðarlög. Alþjóðalög færðu ríkjum bæði réttindi og skuldbindingar og hvort tveggja væri heilagt. Ísrael Átök í Ísrael og Palestínu Palestína Sameinuðu þjóðirnar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Hrokafull afstaða“ að skilyrða stuðning við Úkraínu Erlent Stúkan óviðgerðarhæf og jafnvel hættuleg Innlent Engir ytri áverkar sem skýra andlátin Innlent Sá fyrsti til að greinast með H5N2 lést af völdum veirunnar Erlent „Vonum að þetta skili jafn góðum árangri á Íslandi“ Innlent Vænir stangveiðimenn um dýraníð og utanvegaakstur Innlent Grímur segir tímabært að Vg biðji kjósendur sína afsökunar Innlent Hafa ekki lokið afgreiðslu á kæru í þrjú ár Innlent Göngugarpur uppljóstrar að hæsti foss Kína er buna úr röri Erlent Baðaði sig í Reynisfjöru Innlent Fleiri fréttir Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Tvær ákærur bætast við í máli Rex Heuermann Leit Trump að varaforsetaefni að komast á skrið „Hrokafull afstaða“ að skilyrða stuðning við Úkraínu Fjórir létust í lestarslysi í Tékklandi Trump líklega sviptur byssuleyfinu í kjölfar dómsins Áttatíu ár frá innrásinni í Normandí Sá fyrsti til að greinast með H5N2 lést af völdum veirunnar Hótar því að sjá öðrum fyrir vopnum til að gera árásir á Vesturlönd Að minnsta kosti 30 látnir og tugir særðir í árásum á skóla Segir stjórnarandstöðuna hafa kynt undir hatri árásarmannsins Biden herðir tökin á landamærum í aðdraganda kosninga Konunglegri heimsókn frestað vegna verkfallsins Búa sig undir holskeflu upplýsingafals í kringum Evrópukosningar Amanda Knox dæmd fyrir meiðyrði þrettán árum eftir sýknu Þekktur sænskur rappari skotinn til bana Stunguárás á fulltrúa þýsks fjarhægriflokks Sunak og Starmer tókust á um skatta, útlendingamál og NHS Ráðleggja gegn samþykkt MDMA sem meðferð við áfallastreituröskun Hillur að verða tómar í Færeyjum og ekkert samkomulag í augsýn Narendra Modi lýsir yfir sigri á Indlandi Þúsundir heimilislausra fluttir frá París í aðdraganda Ólympíuleika Réttarhöld yfir syni Biden hafin Fékk mjólkurhristing í andlitið við upphaf kosningabaráttunnar Skotin nítján sinnum stuttu eftir kosningar Kona forsætisráðherra kölluð til skýrslutöku í spillingarrannsókn Sjá meira
Loftárásum hefur rignt yfir Gasaströndina í dag á meðan íbúar flúðu í trukkum, bílum og vögnum eftir aðalveginum út úr Gasaborg. Sjötíu voru drepnir þegar loftárásir Ísraela hæfðu þrjár bílalestir fullar af Palestínumönnum. NEW: 70 killed after Israeli strikes hit three convoys of evacuees trying to leave northern Gaza. pic.twitter.com/HOVXZxfIAJ— MSNBC (@MSNBC) October 13, 2023 Hamas hefur sagt Palestínumönnum að hunsa rýmingarskipan Ísraela og halda kyrru fyrir. Almennir borgarar sem flýja eru auðvitað ekki tryggðir með öruggt skjól, hvorki á leiðinni né á suðurhluta Gasastrandarinnar. Útlitið er því ansi svart fyrir Palestínumenn. Fordæma kröfu Ísraela um rýmingu Fjöldi stofnana og alþjóðasamtaka hafa fordæmt fyrirmæli Ísraela til Palestínumanna um að rýma svæðið. Sameinuðu þjóðirnar hvöttu Ísraela til að hætta við skipanir sínar og vöruðu við því að slíkur fjöldaflótti geti haft hörmulegar afleiðingar. The order to evacuate 1.1 million people from northern Gaza defies the rules of war and basic humanity. pic.twitter.com/8WlNTKtfaF— Martin Griffiths (@UNReliefChief) October 13, 2023 Alþjóðaráð Rauða krossins sendi frá sér neyðarkall vegna fyrirmæla Ísraels sem ráðið segir ekki samræmast alþjóðlegum mannúðarlögum. Sólarhringur væri ekki nægur tími til að rýma alla íbúa svæðisins, þar á meðal fólk með fötlun, aldraða, sjúklinga og veika og særða einstaklinga á sjúkrahúsum. Íbúar hefðu sömuleiðis engan öruggan stað til að fara á vegna þess að allt svæðið er umsetið. Heilbrigðisstarfsmenn á Gasaströndinni hafa jafnframt neitað að yfirgefa sjúklinga sína og þar með svæðið. Læknar án landamæra fordæmdu rýmingarkröfu Ísraela og sögðu að fresturinn sem starfsfólki Al Awda-spítalans var gefinn hafi verið alltof stuttur. Eftir yfirlýsingar stofnunarinnar fengu starfsmenn hennar frekari frest þar til í fyrramálið. „Gleymdu mat, gleymdu rafmagni, gleymdu eldsneyti. Einu áhyggjurnar núnar eru hvort þú hefur það af, hvort þú lifir,“ sagði Nebal Farsakh, talskona Palestínska rauða hálfmánans á Gasaströndinni. Frá því átökin hófust fyrir um viku síðan hafa um það bil 1.900 Palestínumenn verið drepnir á svæðinu, samkvæmt heilbrigðisráðuneyti Gasastrandar. Ísraelska ríkisstjórnin segir að Hamas-liðar hafi drepið meira en 1.300 Ísraela í árásinni á laugardag og að ísraelski herinn hafi drepið um 1.500 Hamas-liða. Innrásin „aðeins upphafið“ og ætlar að útrýma Hamas Auk þess að hafa skrúfað fyrir rafmagn, vatn og lokað á matarsendingar til Gasastrandar hafa Ísraelar jafnað heilu hverfin við jörðu í loftárásum undanfarna viku. Benjamín Netanjahú, forsætisráðherra Ísraels, ætlar að útrýma Hamas.AP/Abir Sultan Benjamín Netanjahú, forsætisráðherra Ísrael, lofaði að útrýma Hamas í sjónvarpsræðu á föstudag. Þá sagði hann að yfirvofandi innrás ísraelska hersins væri „aðeins upphafið“ og að Ísrael myndi ráðast á óvini sína með „fordæmalausum krafti“. Netanjahú sagðist einnig hafa talað við Joe Biden og aðra þjóðarleiðtoga og hann hefði aflað gríðarlegs alþjóðlegs stuðnings fyrir Ísrael. Ísraelski herinn greindi frá því að hann hefði gert smærri árásir inn í Gasaströndina til að berjast við vígamenn Hamas og leita að þeim 150 sem var rænt í skyndiárás Hamas í síðustu viku. Yoav Gallant, varnarmálaráðherra Ísrael, segir að varnarsveitir Ísraela muni taka Hamas „út úr Gasa og af jörðu brott“ með innrás sem muni valda „varanlegri breytingu“ á palestínska svæðinu. Ísraelskir skriðdrekar á leið til Gasastrandar.AP/Ariel Schalit Utanríkisráðherra Íslands tjáir sig um ástandið Þórdís Kolbrún Reykfjörð Gylfadóttir, utanríkisráðherra Íslands, gaf frá sér yfirlýsingu á Twitter/X fyrr í kvöld um ástandið á Gasasvæðinu. Hún sagðist þar hafa þungar áhyggjur vegna þess harmleiks sem er að eiga sér stað í Ísrael og Gaza og vegna hættunar á frekar stigmögnun. Þá sagði hún að Ísland hefði fordæmt barbarískar gjörðir Hamas og að það væri aldrei hægt að réttlæta hryðjuverk. We are deeply concerned as we watch the great tragedy unfolding in Israel and Gaza, and the risk for further escalation. Iceland has condemned in the strongest terms the barbaric acts committed by Hamas. Terrorism can never be justified. Israel has a clear right to defend — Þórdís Kolbrún Reykfjörð Gylfadóttir (@thordiskolbrun) October 13, 2023 „Ísrael hefur skýran rétt á því að vernda sig innan marka alþjóðalaga,“ sagði hún í færslunni. Hún sagði að vernda þyrfti almenna borgara og innviði bæði í Ísrael og á Gasaströndinni í samræmi við alþjóðleg mannúðarlög. Alþjóðalög færðu ríkjum bæði réttindi og skuldbindingar og hvort tveggja væri heilagt.
Ísrael Átök í Ísrael og Palestínu Palestína Sameinuðu þjóðirnar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Hrokafull afstaða“ að skilyrða stuðning við Úkraínu Erlent Stúkan óviðgerðarhæf og jafnvel hættuleg Innlent Engir ytri áverkar sem skýra andlátin Innlent Sá fyrsti til að greinast með H5N2 lést af völdum veirunnar Erlent „Vonum að þetta skili jafn góðum árangri á Íslandi“ Innlent Vænir stangveiðimenn um dýraníð og utanvegaakstur Innlent Grímur segir tímabært að Vg biðji kjósendur sína afsökunar Innlent Hafa ekki lokið afgreiðslu á kæru í þrjú ár Innlent Göngugarpur uppljóstrar að hæsti foss Kína er buna úr röri Erlent Baðaði sig í Reynisfjöru Innlent Fleiri fréttir Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Tvær ákærur bætast við í máli Rex Heuermann Leit Trump að varaforsetaefni að komast á skrið „Hrokafull afstaða“ að skilyrða stuðning við Úkraínu Fjórir létust í lestarslysi í Tékklandi Trump líklega sviptur byssuleyfinu í kjölfar dómsins Áttatíu ár frá innrásinni í Normandí Sá fyrsti til að greinast með H5N2 lést af völdum veirunnar Hótar því að sjá öðrum fyrir vopnum til að gera árásir á Vesturlönd Að minnsta kosti 30 látnir og tugir særðir í árásum á skóla Segir stjórnarandstöðuna hafa kynt undir hatri árásarmannsins Biden herðir tökin á landamærum í aðdraganda kosninga Konunglegri heimsókn frestað vegna verkfallsins Búa sig undir holskeflu upplýsingafals í kringum Evrópukosningar Amanda Knox dæmd fyrir meiðyrði þrettán árum eftir sýknu Þekktur sænskur rappari skotinn til bana Stunguárás á fulltrúa þýsks fjarhægriflokks Sunak og Starmer tókust á um skatta, útlendingamál og NHS Ráðleggja gegn samþykkt MDMA sem meðferð við áfallastreituröskun Hillur að verða tómar í Færeyjum og ekkert samkomulag í augsýn Narendra Modi lýsir yfir sigri á Indlandi Þúsundir heimilislausra fluttir frá París í aðdraganda Ólympíuleika Réttarhöld yfir syni Biden hafin Fékk mjólkurhristing í andlitið við upphaf kosningabaráttunnar Skotin nítján sinnum stuttu eftir kosningar Kona forsætisráðherra kölluð til skýrslutöku í spillingarrannsókn Sjá meira