Innlent

Hörður Sigur­bjarnar­son er látinn

Atli Ísleifsson skrifar
Hörður Sigurbjarnarson stofnaði Norðursiglingu árið 1995.
Hörður Sigurbjarnarson stofnaði Norðursiglingu árið 1995. Norðursigling

Hörður Sigurbjarnarson, stofnandi Norðursiglingar á Húsavík, er látinn, 71 árs að aldri. Hann varð bráðkvaddur á heimili sínu í Mývatnssveit aðfararnótt síðasta sunnudags.

Greint er frá andlátinu í Morgunblaðinu í morgun. Hörður stofnaði fjölskyldufyrirtækið Norðursiglingu árið 1995 og hefur fyrirtækið verið með heimahöfn á Húsavík og um árabil boðið upp á hvalaskoðun og ævintýrasiglingar.

Norðursigling á einnig veitingastaðinn Gamla Bauk á Húsavík og tók þátt í uppbyggingu á sjóböðunum á Húsavík sem opnuðu árið 2018.

Í Morgunblaðinu kemur fram að Hörður hafi fæðst á Húsavík 9. september 1952, sonur Hildar Jónsdóttur frá Yztafelli og Sigurbjarnar Sörenssonar frá Voladal á Tjörnesi. Þau lifa bæði Hörð.

Hörður var menntaður vélstjóri og frumkvöðull í íslenskri ferðaþjónustu en Norðursigling var fyrsta fyrirtæki sinnar tegundar á landinu við stofnun.

Eftirlifandi eiginkona Harðar er Sigríður Þ. Einarsdóttir, en þau eignuðust þrjú börn.

Andlát Norðurþing Ferðamennska á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið