Börnin heima þegar brotist var inn á heimili Sergio Ramos

Ramos býr í Bollullos de la Mitación sem er tuttugu kílómetrum fyrir utan miðbæ Sevilla. Atvikið varð 20. september síðastliðinn en spænskir fjölmiðlar komust á snoðir um málið í dag.

Ramos var á sama tíma að spila með Sevilla á Sanchez Pizjuan leikvanginum í Meistaradeildarleik á móti Lens.

Konan hans, Pilar Rubio, var einnig fjarverandi en fjögur börn þeirra voru heima á samt barnapíum þeirra.

Sem betur fer meiddist enginn en þetta var ekki skemmtileg reynsla fyrir börnin eða fyrir foreldranna að frétta af þessu. 

Ramos kom aftur heim til Sevilla í sumar þrátt fyrir að fá betri peningatilboð annars staðar frá. Hann yfirgaf félagið fyrir átján árum og fór þá til Real Madrid þar sem hann vann 22 titla á sextán árum.

Ramos spilaði allan leikinn á móti Lens en missti af leik Sevilla í spænsku deildinni um síðustu helgi.