Marsspá Siggu Kling - Vatnsberinn

Það sem er það góða við líf þitt er að þú ert sífellt að breyta, bæta, skreyta og hreyfa eitthvað til. Hvort sem þú færð einhvern til að hjálpa þér við það eða gerir sjálfur, með þessu ertu að hreyfa til orkuna.

Þú ert svo huguð og og hrífandi persóna, en það eru ekki allir í kringum þig sem vilja að þér gangi vel. En þú skalt nú ekki hugsa um það eitt augnablik eða láta það slá þig út af laginu. Gerður bara það sem hjarta þitt segir þér að sé rétt. Og þegar þú finnur vellíðunartilfinningu fyrir því sem þú ert að gera, þá ertu að gera rétt. Þann 18., 19. og 20. mars eru dagar sem þú skalt allavega vera svolítið á verði. Að passa upp á að allt sé í lagi eins og þú mögulega getur, til þess að lenda ekki í veseni sem þú getur svo sagt að hafi „allt verið mér að kenna.“

Ef þú hefur lofað einhverju, stattu þá við það. En líka ef þú hefur lofað sjálfum þér einhverju, þér sem ert að sjálfsögðu aðalleikarinn í þinni bíómynd, og þá skaltu líka standa við það.

Taktu til í kringum þig, hafðu allt hreint og fínt, þá geturðu hugsað í friði og ró, því þú þolir ekki drasl þótt þú sért stundum svolítill draslari. Og þótt þér finnist þú vera á krossgötum á þessu tímabili þá skaltu vita að þú hefur fleiri möguleika en bara einn.

Ég dreg fyrir þig tvö spil og þar færðu töluna 19 ásamt allra besta spilinu af 76 möguleikum og það heitir ljósið. Það sýnir þér að allar þær litríku dyr sem þú vilt ganga í gegnum eru opnar, hvort sem þær eru veraldlegar, tilfiinningalegar, andlegar eða ástríðan. Þú þarft bara að taka ákvörðun um það. Hitt spilið táknar sannleikann, hvort sem það er eitthvað sem þú verður að vita eða þarft að segja öðrum, en í því er lausnin og hamingjan fólgin.

Knús og kossar, Sigga Kling