Reikna með hviðum að 55 metrum á sekúndu

Atli Ísleifsson skrifar 30. janúar 2023 08:05

Seint í dag verður ekkert ferðaveður á sunnan- og vestanverðu landinu. Vísir/Vilhelm

Veður fer hratt versnandi á Suðurlandi upp úr hádegi. Í Mýrdal og undir Eyjafjöllum verður ofsaveður og má reikna með hviðum, 40 til 55 metrum á sekúndu, milli klukkan 14 og 18 í dag og litlu síðar í Öræfum.

Þetta kemur fram í tilkynningu frá veðurfræðingi Vegagerðarinnar en ört dýpkandi lægð nálgast nú landið.

Á Hellisheiði, Þrengslum og Mosfells- og Lyngdalsheiði má reikna með hríðarveðri og litlu skyggni eftir klukkan 14. Reiknað er með að óveðrið standi fram á nótt.

Á vef Veðurstofunnar segir seint í dag verði ekkert ferðaveður á sunnan- og vestanverðu landinu.

Frost verður á bilinu núll til tíu stig, en það gæti hlánað við suðurströndina um tíma kvöld.

#Veður: Á Suðurlandi fer hratt versnandi upp úr hádegi. Í Mýrdal og undir Eyjafjöllum ofsaveður og hviður 40-55 m/s frá kl. 14 til 18. Litlu síðar í Öræfum. Á Hellisheiði, Þrengslum,Mosfells- og Lyngdalsheiði hríðarveður og lítið skyggni eftir kl. 14. Stendur fram á nótt.#færðin
— Vegagerðin | Iceland Roads (@Vegagerdin) January 30, 2023

Veður

Tengdar fréttir

Djúp lægð skellur á landið eftir hádegið

Ört dýpkandi lægð nálgast nú landið úr suðvestri og má því reikna með vaxandi austanátt, 18 til 25 metrum á sekúndu síðdegis og víða snjókoma. Hvassara verður syðst á landinu fram á kvöld með talsverðri ofankomu.

30. janúar 2023 07:34

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.