Rannsaka hvernig Saltkallinn komst inn á völlinn

Einhverra hluta vegna var Salt Bae mættur út á grasið á Lusail leikvanginum eftir leikinn á sunnudaginn. Hann hélt á og kyssti heimsmeistarastyttuna og lét mynda sig með argentínsku heimsmeisturunum.

Salt Bae braut mjög strangar reglur FIFA þegar hann handlék heimsmeistarastyttuna. Fyrir utan sigurliðið mega aðeins fyrrverandi sigurvegarar HM, háttsettir embættismenn innan FIFA og þjóðhöfðingjar koma við styttuna.

FIFA sendi frá sér yfirlýsingu í gær þess efnis að sambandið ætli að rannsaka hvernig Salt Bae og aðrir einstaklingar komust inn á völlinn eftir verðlaunaafhendinguna.

Líklegt þykir að Salt Bae hafi verið á úrslitaleiknum í boði Giannis Infantino, forseta FIFA, en þeir eru miklir vinir.