Menning

Snorri Ásmundsson segist tilbúinn í hlutverkið besti málari Evrópu

Dóra Júlía Agnarsdóttir skrifar
Snorri Ásmundsson segist tilbúinn að taka við hlutverki besta málara Evrópu.
Snorri Ásmundsson segist tilbúinn að taka við hlutverki besta málara Evrópu. Aðsend

Snorri Ásmundsson er nýkominn heim úr ævintýralegri og vel heppnaðri gestavinnustofudvöl í Vínarborg þar sem hann hélt frægan píanó gjörning og einkasýningu. Blaðamaður tók púlsinn á Snorra sem hefur nú gefið út yfirlýsingu um það sem koma skal.

„Nafnið á einkasýningu minni í Vín var De Venus ist gelandet eða Venus er lentur, sem er nokkurs konar yfirlýsing. Gyðjan Venus er gyðja ástar, fegurðar, þrárinnar, kynorkunnar, frjóseminnar, velmegunar og sigurs.

Svo yfirlýsing sýningarinnar er að nú sé kynþokkafulli listamaðurinn og sendiboðinn lentur í Vín til að sá fræjum sínum yfir Vínarborg. 

Hún er líka yfirlýsing til mín að nú sé ég tilbúinn í hlutverkið besti málari Evrópu.“

Myndband af Snorra að spila á píanó í bústað sendiherra Íslands í Austurríki vakti mikla athygli í haust en það má sjá í spilaranum hér fyrir neðan.

„Ég er löngu búinn að sanna að ég sé besti píanóleikari Evrópu og víðar og ég var einmitt með píanó performance á sýningunni,“ 

segir Snorri og bætir við að dvölin í Vín hafi verið mjög góð. „Ég er afar ánægður með myndlistarsýninguna en hún fæddist í Vín þar sem ég hef verið gestalistamaður í vinnustofu Jakobs Veigars Sigurðssonar.

Hér er ég að koma út úr skápnum með alveg ný málverk sem urðu til hér í Vín út frá frá innblæstri sem ég hef orðið fyrir hér.“
Splunkuný málverkasería Snorra sækir innblástur í dvöl hans í Vínarborg.Aðsend

Eitt þessara málverka frá Snorra er nú til sýnis á árlegri samsýningu Portfólíó gallerí á Hverfisgötu 71. Sýningin stendur til 30. desember næstkomandi. 

Menning Myndlist Tónlist

Tengdar fréttir

„Ég er ekkert að grínast, það er algjör alvara í þessu“

Listamaðurinn og lífskúnstnerinn Snorri Ásmundsson er viðmælandi í nýjasta þætti af Kúnst. Þar ræðir hann um lífið, listsköpunina, húmorinn, alvarleika lífsins og mikilvægi þess að fólk stimpli hann ekki sem einhvern grínista.

„Líf mitt er meira og minna bara einn gjörningur“

Snorri Ásmundsson er viðmælandi í nýjasta þætti af Kúnst. Hann er listamaður sem takmarkar sig ekki við einn listmiðil, ber marga hatta og er meðal annars gjörningalistamaður, myndlistarmaður, lífskúnstner og frambjóðandi svo eitthvað sé nefnt.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.