Erlent

Zelen­sky kallaði eftir 121 milljarðs króna inn­viða­fjár­festingu

Ellen Geirsdóttir Håkansson skrifar
Zelensky ávarpaði ráðstefnuna í dag í gegnum fjarfundarbúnað.
Zelensky ávarpaði ráðstefnuna í dag í gegnum fjarfundarbúnað. EPA-EFE/LUDOVIC MARIN / POOL MAXPPP OUT

Á ráðstefnu í París sem haldin var í dag til stuðnings úkraínsku þjóðinni óskaði forseti Úkraínu, Volodymyr Zelensky eftir 840 milljónum Bandaríkjadala eða 121,1 milljarði íslenskra króna í fjárhagslegan stuðning fyrir úkraínsku þjóðina.

Zelensky mætti á ráðstefnuna í gegnum fjarfundarbúnað og sagði fjárfestinguna kosta minna en algjört rafmagnsleysi. Hann kallaði eftir upphæðinni til þess að tryggja mætti rafmagn og hita fyrir þann erfiða vetur sem nú er fram undan í Úkraínu. Þjóðin þyrfti á umbótum á rafmagnsinnviðum að halda ásamt rafmagnssendingum frá Evrópuþjóðum til þess að komast í gegnum veturinn. Þessu greinir CNN frá. 

Framkvæmdastjórn Evrópusambandsins sögðu 800 rafala þegar á til Úkraínu til þess að tryggja megi rafmagn, til dæmis fyrir þrjá tugi sjúkrahúsa víðsvegar um Úkraínu.

Evrópu- og utanríkisráðherra Frakklands tilkynnti  að fulltrúar þeirra 46 ríkja og 24 samtaka sem sóttu ráðstefnuna í París hafi heitið því að veita Úkraínu meira en einn milljarð Bandaríkjadala í fjárhagsaðstoð fyrir veturinn. Peningurinn mun meðal annars fara í uppbyggingu orkuinnviða og sköpun matvæla- og vatnsöryggis.

Evrópusambandið Innrás Rússa í Úkraínu Úkraína Frakkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið