Innlent

Bíllinn valt þrjár veltur á Reykja­nes­braut

Árni Sæberg skrifar
Fjórir voru fluttir á sjúkrahús til aðhlynningar.
Fjórir voru fluttir á sjúkrahús til aðhlynningar. Vísir/Vilhelm

Bíllinn sem valt á Reykjanesbraut við Sprengisand á níunda tímanum í kvöld valt minnst þrjár veltur. Fjórir voru fluttir á sjúkrahús til aðhlynningar en ekki er talið að þeir hafi slasast alvarlega.

Bíllinn valt eftir árekstur við annan bíl og voru báðir bílar fluttir af vettvangi með dráttarbílum. Bíllinn sem valt er altjónaður að sögn Jónasar Árnason, varðstjóra hjá Slökkviliði höfuðborgarsvæðisins.

Hann segir að aðgerðir slökkviliðs og lögreglu hafi tekið drjúga stund og að slökkviliðsmenn hafi verið á vettvangi til um klukkan 21:40.

Jónas segir að frumrannsókn á vettvangi bendi til þess að bíllinn hafi oltið minnst þrjár veltur og að ekki sé útilokað að þær hafi verið fjórar. Slíkt gerist ekki ef bílum er ekið á sextíu kílómetra hraða en ekkert sé hægt að fullyrða um ökuhraða.

Sem áður segir voru fjórir fluttir til aðhlynningar en að sögn Jónasar voru engir sjáanlegir áverkar á þeim.

Reykjavík Slökkvilið Sjúkraflutningar

Tengdar fréttir

Bíll valt við Sprengisand

Tilkynnt var um bílveltu við Sprengisand í Reykjavík á níunda tímanum í kvöld. Þegar sjúkraliðar komu á vettvang voru allir komnir út úr bílnum og voru á fótum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið