Lífið

Nóvemberspá Siggu Kling - Fiskarnir

Sigga Kling skrifar

Elsku Fiskurinn minn, þú ert ljúfur, blíður og talar við flestalla. Þú ert kurteis en átt það til að spýta bleki til þess að hrista upp í lífskokkteilnum til þess að fá aðra til þess að hreyfast eða anda.

Ef það væri hægt að segja að þú hafir einhverja galla er það að þú hafir of marga kosti. Þér gæti dottið það í hug að verða kerfis eða viðskiptafræðingur, en þá gætirðu orðið hálf leiðinlegur og að vera leiðinlegur er dauðasynd sagði Oscar Wilde.

Þú þarft að finna þér leiðir til þess að vera sjálfstæður í lífi þínu, að ráða tíma þínum og að skemmta þér við það sem þú ert að gera hverju sinni. Það mun ekki henta þér að vera einhver meðalfiskur eða rækja og þér leiðist svo afskaplega að horfa á heilu seríurnar í sjónvarpinu og að týna tímanum þannig. Fólk, að skapa eða að vinna við eða með fólki í máli eða með því að tala, halda fyrirlestra eða eitthvað með fólki er þitt fag og náðargáfa.

Vegna þess að þú ert svo hugmyndaríkur þá geturðu séð það fyrir þér að allt gæti verið að fara til fjandans. Þetta er vegna þess að þegar þú varst barn gastu búið til heilu ævintýrin í huganum og með nákvæmlega sömu aðferð geturðu búið til svo skemmtilega veröld fyrir þig og fjölskyldu þína, því þú hefur ráð undir rifi hverju. En það er ekki gott þegar þú ferð í miskunnsama Samverjann eða að þú haldir að þú þurfir að bjarga öllum málum og hjá öllum. Þetta mun bara reyta af þér fjaðrirnar og lama þrótt þinn, því þú munt gefa meira af þér en þú hefur.

Annaðhvort safnarðu öllu mögulegu eða ert svakalegur snyrtipinni. Þú hefur sérstaka tilfinningu fyrir því hvernig hlutirnir eiga að raðast upp og þess vegna langar þig alltaf að breyta, færa til, laga eða að fá þér ný föt. Það eru miklar ástríður í kringum þig en þú skalt hafa það í huga að þú ættir bara að breyta því sem þú getur breytt og þér finnst vera þarft, en ef þú getur engu breytt, þá skaltu sleppa því úr huga þínum, allt er eins og það á að vera.

Knús og kossar, Sigga Kling


Tengdar fréttir

Nóvemberspá Siggu Kling - Vogin

Elsku Vogin mín, þú ert svo fylgin þér og þú leggur þig svo ofboðslega fram í því sem þú tekur að þér og þú nærð þar af leiðandi meiri árangri en margir.

Nóvemberspá Siggu Kling - Krabbinn

Elsku Krabbinn minn, það er alltaf svo gaman að vera í kringum týpur eins og þig. Þú hefur þann dásamlega hæfileika að vera sögumaður og hafa svo heillandi nærveru.

Nóvemberspá Siggu Kling - Vatnsberinn

Elsku Vatnsberinn minn, þitt blíða hressandi hjartalag getur átt dálítið erfitt þegar að Veröldin hristist og þótt að ekki allt hafi gengið nákvæmlega upp eins og þú vildir þá er samt mikill meirihluti atvika að ganga þér í hag.

Nóvemberspá Siggu Kling - Sporðdrekinn

Elsku Sporðdrekinn minn, þú ert að fara inn í tímabil sem er svo magnað. Afstaða tunglanna er kannski ekki öllum í hag, en þú færð aukakraft til þess að leiðrétta það sem hefur verið gert rangt gagnvart þér.

Nóvemberspá Siggu Kling - Ljónið

Elsku Ljónið mitt, það hafa hreinlega verið allskonar stuttmyndir, bæði hryllings og ástar svo það hefur verið einskonar vísindaskáldsaga.

Nóvemberspá Siggu Kling - Nautið

Elsku Nautið mitt, þinn eiginleiki er að vera sterkt. Þú þarft að vita það og virkja þann eiginleika. Því það gerist endrum og eins að þú nennir ekki að virkja kraftinn þinn.

Nóvemberspá Siggu Kling - Meyjan

Elsku Meyjan mín, þó það hafi raðast yfir andann þinn allskonar lægðir og hæðir, allt verður svo stórkostlegt eða alls ekki.

Nóvemberspá Siggu Kling - Steingeitin

Elsku Steingeitin mín, það er eins og þú finnir það á lyktinni að það sé eitthvað spennandi og gott að mæta þér og í þá átt liggur svo sannarlega þín leið.

Nóvemberspá Siggu Kling - Tvíburi

Elsku Tvíburinn minn þú verður að athuga það að þú hefur fengið það að gjöf að geta notað fleiri en einn karakter í lífi þínu, það er líka þín gjöf að þú getur breytt málum á ljóshraða.

Nóvemberspá Siggu Kling - Hrúturinn

Elsku Hrúturinn minn, það hafa verið litlir jarðskjálftar í kringum lífið þitt undanfarið og margt lítið gerir eitt stórt. 

Nóvemberspá Siggu Kling - Bogmaðurinn

Elsku Bogmaðurinn minn, lífið á það til að vera ótrúlegra en bíómynd og þú ert staddur á sérkennilegum kafla í myndinni þar sem er einskonar draugagangur.






Fleiri fréttir

Sjá meira


×