Nóvemberspá Siggu Kling - Ljónið

Og þú hristir bara hausinn því þú veist ekki hvað næsta blaðsíða hefur fram að færa. Staða himintunglanna og áhrif Sporðdrekaorkunnar hefur mikil áhrif inn á þína tíðni. Það er enginn millivegur sem þér býðst í raun og veru, þú þarft að vera með allt á hreinu, standa keikur og að vita að þú munir sigra. En ef þér finnst þú eigir að loka þig af, skríða ofan í moldina og láta helst engan sjá þig, þá er þessi mánuður alls ekki að vinna fyrir þig.

Það eru alls staðar að koma skilaboð úr Matrixinu til þín og þú þarft að læra að þekkja þau. Það hellist til dæmis niður hjá þér vatn aftur og aftur, síminn þinn bilar, tölvan eða hvað sem er. Þarna er verið að segja þér að þú eigir að vara þig, stoppa og hugsa, ég ætla ekki að vera í þessu flæði, ég ætla að vanda það sem ég segi og geri. Ef svona allskyns vesen er endurtekið þá þarftu að stoppa alveg og að friða hugann. Þá byrjar andinn að færa þér það fólk sem þú varst að hugsa um að þú þyrftir að hitta, þá hluti eða þau skilaboð sem þú vildir fá og þá ertu á réttri braut. Eftir því sem það færist nær þér þegar lítil kraftaverk gerast, þá ertu að sigla inn í svimandi skemmilegt hlutverk Ljónsins, og þá áttu sviðið.

Litlir hlutir eins og til dæmis hávaði, of bjart ljós eða fólk sem skiptir þig engu máli getur farið of mikið í taugarnar á þér og sá pirringur getur sett þig á erfiðan stað. Ég veit þetta virðist eins og eitthvað lítilvægt, en það er samansafn af litlum hlutum sem geta haft risastór áhrif í lífi þínu og hjarta. Á þessum magnaða mánuði getur þú og færð tækifæri til þess að henda í burtu þessum pirring og í staðinn finnurðu eins og þú sért að endurnýjast og að verða miklu heilli persóna. Og þá flýgurðu í hæstu hæðir eins og Fönixinn í nóvember.

Knús og kossar, Sigga Kling