Lífið

Nóvemberspá Siggu Kling - Meyjan

Sigga Kling skrifar

Elsku Meyjan mín, þó það hafi raðast yfir andann þinn allskonar lægðir og hæðir, allt verður svo stórkostlegt eða alls ekki.

Þá er hinn fallegi friðarspúandi Alheimur að gefa þér sterka sýn um það hvernig þú getir unnið með skipulagshæfni þína gagnvart öðrum og hjá sjálfri þér. Þú kemur til með að njóta hlutanna á einfaldari hátt, það er eins og þú sért að reikna út hvað er þess virði að hlaupa eftir og líka að sjá hvert virði þitt er. Það verður mikið um faðmlög og það eflast tengingar innan fjölskyldu; annaðhvort hefur eitthvað gerst til þess að þetta komi til, eða er yfirvofandi.

Það er eins og sólin og tunglið haldist í hendur, svo að bæði hið erfiða og hið góða verður fallegt í þínum huga því að þú finnur að þú getur þakkað fyrir svo margt sem þú hélst einhvern tímann að myndi ganga frá þér. Svo það þarf að vera aldeilis mikið og stórt verkefni sem mun hrinda þér niður. Ástin gefur þér tilefni til þess að endurskoða hvernig þú vilt hafa hana, svo þú skalt vera með það á hreinu hvernig þú vilt hafa ástina án þess að breyta öðrum, því það er ekki hægt.

Ef þú hefur verið í löngu sambandi og finnst að öll ljós séu slökkt, þá skaltu muna að ef ljósin voru einhvern tímann kveikt og tilfinningar til þá geturðu náð í þá líðan aftur. Vegna þess að ekkert eyðist sem einhvern tímann hefur verið sett út í Veröldina. Ef þú spyrð þig hvað er ást, þá skynjar enginn það eins, en að setja einhverja aðra sál í forgang fram yfir þig, það mín skilgreining á ást.

Það er mikil frjósemi hjá þér, bæði í sambandi við viðskipti, að stofna eitthvað sem er þitt eigið, eða að fara að koma barni í heiminn, svo öflugur er þinn kjarni.

Knús og kossar, Sigga Kling


Tengdar fréttir

Nóvemberspá Siggu Kling - Vogin

Elsku Vogin mín, þú ert svo fylgin þér og þú leggur þig svo ofboðslega fram í því sem þú tekur að þér og þú nærð þar af leiðandi meiri árangri en margir.

Nóvemberspá Siggu Kling - Krabbinn

Elsku Krabbinn minn, það er alltaf svo gaman að vera í kringum týpur eins og þig. Þú hefur þann dásamlega hæfileika að vera sögumaður og hafa svo heillandi nærveru.

Nóvemberspá Siggu Kling - Vatnsberinn

Elsku Vatnsberinn minn, þitt blíða hressandi hjartalag getur átt dálítið erfitt þegar að Veröldin hristist og þótt að ekki allt hafi gengið nákvæmlega upp eins og þú vildir þá er samt mikill meirihluti atvika að ganga þér í hag.

Nóvemberspá Siggu Kling - Fiskarnir

Elsku Fiskurinn minn, þú ert ljúfur, blíður og talar við flestalla. Þú ert kurteis en átt það til að spýta bleki til þess að hrista upp í lífskokkteilnum til þess að fá aðra til þess að hreyfast eða anda.

Nóvemberspá Siggu Kling - Sporðdrekinn

Elsku Sporðdrekinn minn, þú ert að fara inn í tímabil sem er svo magnað. Afstaða tunglanna er kannski ekki öllum í hag, en þú færð aukakraft til þess að leiðrétta það sem hefur verið gert rangt gagnvart þér.

Nóvemberspá Siggu Kling - Ljónið

Elsku Ljónið mitt, það hafa hreinlega verið allskonar stuttmyndir, bæði hryllings og ástar svo það hefur verið einskonar vísindaskáldsaga.

Nóvemberspá Siggu Kling - Nautið

Elsku Nautið mitt, þú þarft að vita það að það að vera sterkur er þinn eiginleiki. En það koma þeir tímar að þú nennir ekki að virkja kraftinn þinn.

Nóvemberspá Siggu Kling - Steingeitin

Elsku Steingeitin mín, það er eins og þú finnir það á lyktinni að það sé eitthvað spennandi og gott að mæta þér og í þá átt liggur svo sannarlega þín leið.

Nóvemberspá Siggu Kling - Tvíburi

Elsku Tvíburinn minn þú verður að athuga það að þú hefur fengið það að gjöf að geta notað fleiri en einn karakter í lífi þínu, það er líka þín gjöf að þú getur breytt málum á ljóshraða.

Nóvemberspá Siggu Kling - Hrúturinn

Elsku Hrúturinn minn, það hafa verið litlir jarðskjálftar í kringum lífið þitt undanfarið og margt lítið gerir eitt stórt. 

Nóvemberspá Siggu Kling - Bogmaðurinn

Elsku Bogmaðurinn minn, lífið á það til að vera ótrúlegra en bíómynd og þú ert staddur á sérkennilegum kafla í myndinni þar sem er einskonar draugagangur.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.