Skrif á milli leiðtogafunda

„Við erum búin að vera vinir lengi og ég sá alltaf í augunum á henni að hana langaði að skrifa glæpasögu, þótt hún hafi aldrei sagt það,“ segir Ragnar. Hann ákvað því að bera hugmyndina undir hana. 

„Í byrjun árs 2020 vorum við að fá okkur hádegismat saman eins og við gerum stundum og þá stakk ég bara upp á því að við myndum gera þessa bók saman. Ótrúlegt en satt þá samþykkti hún það en það er búið að taka svolítinn tíma að fá hana til að finna tíma í þetta, því hún er mjög upptekin. 

En hún hefur náð að skrifa þetta á milli leiðtogafunda með þjóðarleiðtogum heimsins.“

Vináttan hefur reynst þeim vel í skrifunum.

„Þetta er búið að vera frábært samstarf, hún er algjör snillingur að vinna með.“

Hluti af erfðaefninu

Aðspurð hvað kom henni mest á óvart við skrifin segir Katrín:

„Ég hef náttúrulega lesið glæpasögur frá því ég byrjaði að lesa þannig að það er smá eins og þetta sé orðinn hluti af erfðaefninu, að vera í þessum glæpasagnaheimi.“

Þrátt fyrir að vera ekki örugg um viðbrögð lesenda var ferlið skemmtilegt að hennar sögn.

„Svo kannski er þetta ekkert voðalega góð bók þannig ég veit ekkert hvernig niðurstaðan er en mér fannst mjög gaman að skrifa þetta, það kom mér á óvart,“ segir Katrín brosandi.

„Auðvitað tekur þetta smá tíma og allt það. Aðrir fara bara til dæmis í golf eða veiða lax en ég var bara í þessum heimi í tvö ár og mér fannst þrælgaman að hafa að einhverju að hverfa.“

Hér fyrir neðan má sjá nokkrar vel valdar myndir frá útgáfuhófinu.