Körfubolti

Keflavíkurkonur áfram með fullt hús stiga

Arnar Geir Halldórsson skrifar
Keflavík og Valur unnu leiki sína í kvöld.
Keflavík og Valur unnu leiki sína í kvöld.

Grindavík tókst ekki að stöðva sigurgöngu Keflavíkur í Subway deildinni í körfubolta í kvöld.

Liðin áttust við í Keflavík og unnu heimakonur að lokum tíu stiga sigur, 84-74.

Jafnræði var með liðunum framan af leik og leiddu gestirnir í leikhléi, 39-40. Í þriðja leikhluta sneri Keflavíkurliðið taflinu sér í vil og unnu að lokum nokkuð öruggan sigur.

Birna Valgerður Benónýsdóttir var stigahæst í liði Keflavíkur með 24 stig á meðan Danielle Victoria Rodriguez var atkvæðamest gestanna með 25 stig.

Á sama tíma unnu Valskonur sjö stiga sigur á Fjölni, 62-55, í hörkuleik að Hlíðarenda en heimakonur höfðu frumkvæðið stærstan hluta leiksins.

Kiana Johnson var atkvæðamest Valskvenna með fimmtán stig og ellefu fráköst en Dagný Lísa Davíðsdóttir var öflug í liði Fjölnis með sextán stig og níu fráköst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.