Daníel Leó lagði upp í jafntefli

Daníel var í byrjunarliði heimamanna og lék allan leikinn í hjarta varnarinnar. Það voru þó gestirnir sem tóku forystuna um miðjan fyrri hálfleikinn, áður en heimamenn í Slask Wroclaw jöfnuðu metin í uppbótartíma fyrri hálfleiks.

Heimamenn tóku svo forystuna eftir tæplega klukkutíma leik þegar Daníel lagði upp fyrir Piotr Samiec-Talar áður en gestirnir jöfnuðu metin átta mínútum síðar og niðurstaðan því 2-2 jafntefli.

Daníel og félagar sitja nú í 12. sæti deildarinnar með 17 stig eftir 14 leiki, einu stigi á eftir Jagiellonia sem situr í áttunda sæti.