Erlent

Tveir skotnir til bana við skemmti­stað hin­segin fólks í Bratislava

Atli Ísleifsson skrifar
Árásin átti sér stað fyrir utan skemmtistaðinn Teplaren á Zamockastræti í Bratislava í gærkvöldi.
Árásin átti sér stað fyrir utan skemmtistaðinn Teplaren á Zamockastræti í Bratislava í gærkvöldi. AP

Tveir eru látnir eftir skotárás fyrir utan skemmtistað hinsegin fólks í slóvakísku höfuðborginni Bratislava í gærkvöldi.

BBC segir frá því að einn til viðbótar hafi særst í árásinni sem gerð var við skemmtistaðinn Teplaren í útjaðri miðborgar Bratislava um klukkan 19 að staðartíma.

Lögregla í Slóvakíu segir að grunaður árásarmaður hafi fundist látinn í morgun.

Lögregla hefur enn ekki gefið upp hvort eitthvað liggi fyrir um ástæður árásarinnar. Fjölmiðlar í Slóvakíu hafa þó sagt frá því að grunaður árásarmaður hafi birt færslur á samfélagsmiðlum sem sýndu að hann væri á móti bæði hinsegin fólki og gyðingum. Er hann sagður hafa verið sonur frambjóðanda úr röðum slóvakísks hægriöfgaflokks.

Slóvakíski forsætisráðherrann Eduard Heger fordæmdi í morgun árásina og sagði öll ofbeldisverk vera óásættanleg. Þá biðlaði forsetinn Zuzana Caputova til stjórnmálamanna að hætta allri hatursorðræðu.

Slóvakía Hinsegin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið