Menning

KÚNST: „Við erum alltaf í stöðugri glímu“

Dóra Júlía Agnarsdóttir skrifar
Listamaðurinn Sigurður Sævar bauð í heimsókn í glænýtt stúdíó sitt í nýjasta þætti af Kúnst.
Listamaðurinn Sigurður Sævar bauð í heimsókn í glænýtt stúdíó sitt í nýjasta þætti af Kúnst. Vísir/Einar Árnason

Íslenska glíman heillaði listamanninn Sigurð Sævar Magnúsarson sem ákvað að mála gífurlega stórt verk í fjórum hlutum af glímuköppum. Verkið var hluti af sýningu úti í Hollandi þar sem Sigurður Sævar leggur stund á myndlistarnám við Konunglegu akademíuna í Den Haag. Sigurður Sævar er viðmælandi í nýjasta þætti af Kúnst.

Hér má sjá þáttinn:

„Þannig var að ég var að skoða gamlar myndir í ljósmynda archive-inu í Hollandi, var að skoða gamlar myndir og þá rakst ég á þessar myndir frá Íslandi af íslenskum glímuköppum vera að glíma fyrir utan Menntaskólann í Reykjavík.“

Ljósmyndirnar náðu strax til hans.

„Ég fór að horfa á þessar myndir og hvernig mennirnir mótuðu þessi dásamlegu form með líkömum sínum. Sumir voru einhvern veginn algjörlega í meira eins og abstrakt formi heldur en nokkurn tíma bara tveir menn.“

Gríðarstórt verk

„Ég gerði stóra mynd sem var 2,5 metrar sinnum 90 cm í fjórum hlutum, þar sem ég var í ákveðinni glímu sjálfur á þessum tíma. Ég var búinn að finna drauma stúdíóið sem við erum hér inn í í dag og ég var svona að reyna að sparsla saman hvernig ég í ósköpunum ég gæti náð að ganga frá þessu, að eignast þetta hús,“ segir Sigurður Sævar og á við gamla Argentínu húsið á Barónsstíg sem hann festi kaup á í sumar.

Hann bætir við að eflaust geti verið erfitt fyrir erlenda gesti að tengja við íslensku glímuna en þegar fólk áttar sig á viðfangsefninu kemst það líklega að ákveðinni niðurstöðu.

„Þá vita þau náttúrulega að við erum alltaf í stöðugri glímu.“

Þættirnir KÚNST með Dóru Júlíu rannsaka hinar ýmsu víddir listsköpunar, ólíka listmiðla og sköpunargleði hjá íslenskum samtíma listamönnum ásamt því að fá að skyggnast bak við tjöldin og heyra um persónulegt líf þeirra.


Tengdar fréttir

KÚNST: Ákvað að verða myndlistarmaður þegar hann var tíu ára

Sigurður Sævar Magnúsarson er listamaður sem segir listina hafa fylgt sér nánast allt sitt líf. Hann festi nýverið kaup á gamla Argentínuhúsinu á Barónsstíg þar sem hann hyggst setja upp ýmsa menningar- og listviðburði á næstu árum. Sigurður Sævar er viðmælandi vikunnar í nýjasta þætti af KÚNST.

KÚNST: „Við erum öll í grunninn nakin“

Fjöllistakonan Júlíanna Ósk Hafberg er hugfangin af mjúkri, berskjaldaðri og kvenlægri orku en vinnustofa hennar og verk endurspegla það með sanni. Júlíanna Ósk notast við fjölbreytta miðla í listsköpun sinni, smíðar sína eigin ramma, opnaði vinnustofu í miðbænum og lætur ekkert stoppa sig en hún er viðmælandi í nýjasta þætti af Kúnst.

Listasýningar með ömmu í æsku kveiktu á sköpunargleðinni

Lágmyndir hafa heillað listamanninn Pétur Geir Magnússon frá ungum aldri og í dag hefur hann fært þær inn í nútímalegt form í listsköpun sinni. Pétur Geir, sem er búsettur og starfræktur í Stokkhólmi, er með bakgrunn í grafískri hönnun en kallar sig hagnýtan myndlistarmann og nálgast listaverk sín á einstakan hátt. Pétur Geir er viðmælandi í nýjasta þætti af KÚNST, sem er jafnframt fyrsti þáttur í seríu tvö.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.