Körfubolti

„Er bara að leika mér til að gera fólk á inter­netinu brjálað“

Runólfur Trausti Þórhallsson skrifar
Skegglaus Jimmy Butler.
Skegglaus Jimmy Butler. NBA

Jimmy Butler, leikmaður Miami Heat í NBA-deildinni í körfubolta, skartaði vægast sagt áhugaverðri hárgreiðslu þegar leikmenn liðsins ræddu við fjölmiðla fyrir komandi tímabil.

Hinn 33 ára gamli Butler hefur verið með betri mönnum NBA-deildarinnar undanfarin ár og í raun allt síðan hann gekk í raðir Miami árið 2019. Margir leikmenn deildarinnar vekja reglulega athygli fyrir eftirtektarverðan klæðaburð sem og hárgreiðslur. Jimmy er ekki beint í þeim flokki, það er fyrr en nú.

Jimmy skartaði þessari líka fínu hárgreiðslu þegar hann ræddi við fjölmiðla fyrr í dag, mánudag. „Ég er ekki með neinar hárlengingar, ég veit ekki hvað þú ert að tala um,“ sagði Jimmy þegar hann var spurður út í „nýja“ hárið og uppspark mikinn hlátur viðstaddra.

„Það er enn óákveðið hvort ég haldi hárinu eins og það er, hver veit. Ég er að prófa mig áfram hvað varðar útlit. Hvernig lýst ykkur á „barnslegi launmorðinginn“ útlitið mitt, frekar sætt er það ekki?“ spurði Jimmy blaðamenn og nuddaði skegglaust andlitið. 

„Ég er bara að leika mér til að gera fólk á internetinu brjálað. Það var markmiðið mitt í sumar og það virkaði,“ sagði Jimmy Butler að endingu um nýja hárgreiðslu sína.

Butler og félagar verða á sínum stað á Stöð 2 Sport þegar NBA deildin fer af stað á nýjan leik þann 18. október næstkomandi.




Fleiri fréttir

Sjá meira


×