Utan vallar: Sýnið þeim að tréklossarnir séu eini munurinn Sindri Sverrisson skrifar 5. september 2022 09:01 Íslenska liðið gæti mögulega fagnað sæti á HM annað kvöld. Mótið fer fram í Eyjaálfu næsta sumar. VÍSIR/HULDA MARGRÉT Núna er tækifærið. Ef að Ísland á einhvern tímann að komast á sjálft heimsmeistaramótið í knattspyrnu kvenna þá er vonin betri nú en nokkru sinni fyrr, þó að stórt ljón standi í veginum. Ef stelpunum okkar tekst að forðast tap hér í hollensku háskólaborginni Utrecht annað kvöld þá eru þær öruggar um sæti á HM. Ísland hefur vissulega komist á EM fjórum sinnum en það að komast á HM, þar sem öll bestu landslið heims spila, yrði einfaldlega stærsta afrek í sögu liðsins. Eftir þann gríðarlega uppgang sem verið hefur í knattspyrnu kvenna síðasta áratug hlýtur það jafnframt að teljast afar merkilegt afrek í íþróttasögu þjóðarinnar. En til að Ísland þurfi ekki að fara einhverja Krísuvíkurleið að HM þá þarf liðið að standa sig gegn Hollendingum annað kvöld. Það er hægara sagt en gert. Hafa má í huga að undir stjórn Þorsteins Halldórssonar þá hefur íslenska liðið ekki unnið sterkari andstæðing í mótsleik. Ísland hefur þó unnið lið á borð við Japan, Nýja-Sjáland og Írland í vináttulandsleikjum. Holland, sem vann EM 2017 og silfur á síðasta HM, er hins vegar enn hærra skrifað, í 6. sæti heimslistans, og svo sannarlega eitt besta landslið heims með nokkra stórkostlega leikmenn innanborðs. Ísland er í 14. sæti og hefur aldrei verið ofar. Glódís Perla Viggósdóttir kemur til með að þurfa að hafa góðar gætur á Vivianne Miedema á morgun. Miedema hefur skorað yfir 100 mörk fyrir Arsenal og nálgast 100 mörk fyrir Holland.VÍSIR/HULDA MARGRÉT Hollenska liðið hefur samt verið á niðurleið, á meðan að íslenska liðið er á uppleið. Kannski virðast Hollendingar einfaldlega standa hærra vegna þess að þeir eru í sínum þekktu tréklossum á meðan að stelpurnar okkar tipla á tám upp metorðastigann, með sína afar spennandi blöndu af ungum og reynslumiklum leikmönnum. Ráku góðan þjálfara Sjálfstraustið er ekki það sama og áður í hollenska liðinu, eftir misheppnað EM í sumar. Mark Parsons var rekinn eftir að hafa „aðeins“ skilað liðinu í 8-liða úrslit á mótinu, og ekki hjálpuðu úrslitin í undankeppni HM til en vegna tveggja jafntefla gegn Tékklandi eru Hollendingar fyrir neðan Ísland fyrir leikinn á morgun. Parsons er ekki lélegur þjálfari. Spyrjið bara Dagnýju Brynjarsdóttur, sem varð Bandaríkjameistari undir hans stjórn. Hann tók skellinn vegna frammistöðu liðs sem maður leyfir sér að vona að sé ekki eins svakalega gott og fyrir fáeinum árum. Nýr þjálfari, Andries Jonker, var ráðinn fyrir aðeins tólf dögum og hefur vonandi ekki náð að setja sig nægilega vel inn í hlutverkið fyrir leikinn. Markamaskínan Vivianne Miedema, sem þrátt fyrir mikla samkeppni er besti leikmaður Hollands, hefur líka verið að kvarta yfir eftirköstum af Covid en skoraði reyndar samt í 2-1 sigri á Skotum í vináttulandsleik á föstudaginn. Bakverði heimsins dreymir sjálfsagt martraðir um Sveindísi Jane Jónsdóttur.VÍSIR/HULDA MARGRÉT Hraði Sveindísar er umræðuefnið í dag Fleira fær mann til að trúa því að Ísland geti tryggt sig inn á HM á morgun. Heimurinn er löngu hættur að tala um hraðann hjá Shanice Van De Sanden, en Jonker ákvað þó að kalla þennan sigursæla leikmann Liverpool á ný inn í hollenska hópinn. Heimurinn er í dag hins vegar að tala um hraða Sveindísar Jane Jónsdóttur, sem var fljótasti leikmaður EM og Meistaradeildar Evrópu á síðustu leiktíð. Sveindís sýndi það í 2-0 tapinu gegn Hollandi á Laugardalsvelli í fyrra að það er einfaldlega ekkert lið sem líður þægilega á móti henni. Ég held að jafnvel Lucy Bronze yrði ringluð við að spila gegn Sveindísi sem er enn á uppleið á sínum ferli og var frábær í 6-0 sigrinum gegn Hvíta-Rússlandi á föstudaginn. Tapleysi líkt og á EM dugar Ísland er líka með þrjá leikmenn á miðjunni hjá sér sem myndu pluma sig í öllum bestu liðum heims. Kannski vantar það hjá Söru, Dagnýju og Gunnhildi Yrsu að líða eins vel með boltann á tánum og til dæmis Karólínu og Amöndu, en það munu öll lið lenda í vandræðum með að sækja gegn þessari miðju. Amanda átti mjög góða innkomu gegn Hvít-Rússum og vonandi að þær Áslaug Munda þrói áfram afar spennandi samstarf sitt á vinstri kanti íslenska liðsins. Þó að ég sjái ákveðna möguleika á að Ísland tryggi sér HM-sæti hér í Utrecht annað kvöld, og að fólk fari þá að spara fyrir flugi til Ástralíu næsta sumar, þá væri auðvitað ekkert óeðlilegt við að leikurinn tapaðist. Þá tæki við umspil í október þar sem Ísland ætti að eiga fína möguleika. En Ísland er nýbúið að fara taplaust í gegnum EM, meðal annars gegn liði Frakka sem sló út Hollendinga, og stóri kosturinn sem stelpurnar okkar hafa skapað sér er að tapleysi er nákvæmlega það sem myndi duga annað kvöld. Ísland og Holland mætast á þriðjudagskvöld í Utrecht í úrslitaleik um öruggt sæti á HM. Tapliðið fer í umspil. Vísir er á staðnum og flytur fréttir heim af stelpunum okkar. HM 2023 í Ástralíu og Nýja-Sjálandi Fótbolti Landslið kvenna í fótbolta Tengdar fréttir „Það væri draumur að rætast“ Íslenska kvennalandsliðið í fótbolta æfði við fínar aðstæður í sól og þægilegum hita nálægt borginni Utrecht í dag, í aðdraganda stórleiksins við Holland á þriðjudag sem ræður því hvort liðanna fær öruggan farseðil á HM næsta sumar. 4. september 2022 21:46 Stelpurnar okkar enn nær HM án þess að hreyfa legg eða lið Íslenska kvennalandsliðið í fótbolta er þessa stundina á leiðinni til Utrecht í Hollandi þar sem liðið mætir heimakonum á þriðjudagskvöld í úrslitaleik um öruggt sæti á HM. HM-draumurinn er orðinn mjög raunverulegur. 4. september 2022 11:00 Mest lesið Ákærður fyrir að slá barn sitt með blautu handklæði Sport Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Tók sinn tíma að jafna sig Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti Valsmenn spila fyrri leikinn á heimavelli Handbolti Fleiri fréttir Í beinni: Valur - Fram | Auka sprækir Framarar pressuna á Val? Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram „Nú verður Edda brjáluð þegar ég hitti hana næst“ Mikil virðing fyrir Orra: Hárið stundum flækt en alltaf bros á vör Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Sjá meira
Ef stelpunum okkar tekst að forðast tap hér í hollensku háskólaborginni Utrecht annað kvöld þá eru þær öruggar um sæti á HM. Ísland hefur vissulega komist á EM fjórum sinnum en það að komast á HM, þar sem öll bestu landslið heims spila, yrði einfaldlega stærsta afrek í sögu liðsins. Eftir þann gríðarlega uppgang sem verið hefur í knattspyrnu kvenna síðasta áratug hlýtur það jafnframt að teljast afar merkilegt afrek í íþróttasögu þjóðarinnar. En til að Ísland þurfi ekki að fara einhverja Krísuvíkurleið að HM þá þarf liðið að standa sig gegn Hollendingum annað kvöld. Það er hægara sagt en gert. Hafa má í huga að undir stjórn Þorsteins Halldórssonar þá hefur íslenska liðið ekki unnið sterkari andstæðing í mótsleik. Ísland hefur þó unnið lið á borð við Japan, Nýja-Sjáland og Írland í vináttulandsleikjum. Holland, sem vann EM 2017 og silfur á síðasta HM, er hins vegar enn hærra skrifað, í 6. sæti heimslistans, og svo sannarlega eitt besta landslið heims með nokkra stórkostlega leikmenn innanborðs. Ísland er í 14. sæti og hefur aldrei verið ofar. Glódís Perla Viggósdóttir kemur til með að þurfa að hafa góðar gætur á Vivianne Miedema á morgun. Miedema hefur skorað yfir 100 mörk fyrir Arsenal og nálgast 100 mörk fyrir Holland.VÍSIR/HULDA MARGRÉT Hollenska liðið hefur samt verið á niðurleið, á meðan að íslenska liðið er á uppleið. Kannski virðast Hollendingar einfaldlega standa hærra vegna þess að þeir eru í sínum þekktu tréklossum á meðan að stelpurnar okkar tipla á tám upp metorðastigann, með sína afar spennandi blöndu af ungum og reynslumiklum leikmönnum. Ráku góðan þjálfara Sjálfstraustið er ekki það sama og áður í hollenska liðinu, eftir misheppnað EM í sumar. Mark Parsons var rekinn eftir að hafa „aðeins“ skilað liðinu í 8-liða úrslit á mótinu, og ekki hjálpuðu úrslitin í undankeppni HM til en vegna tveggja jafntefla gegn Tékklandi eru Hollendingar fyrir neðan Ísland fyrir leikinn á morgun. Parsons er ekki lélegur þjálfari. Spyrjið bara Dagnýju Brynjarsdóttur, sem varð Bandaríkjameistari undir hans stjórn. Hann tók skellinn vegna frammistöðu liðs sem maður leyfir sér að vona að sé ekki eins svakalega gott og fyrir fáeinum árum. Nýr þjálfari, Andries Jonker, var ráðinn fyrir aðeins tólf dögum og hefur vonandi ekki náð að setja sig nægilega vel inn í hlutverkið fyrir leikinn. Markamaskínan Vivianne Miedema, sem þrátt fyrir mikla samkeppni er besti leikmaður Hollands, hefur líka verið að kvarta yfir eftirköstum af Covid en skoraði reyndar samt í 2-1 sigri á Skotum í vináttulandsleik á föstudaginn. Bakverði heimsins dreymir sjálfsagt martraðir um Sveindísi Jane Jónsdóttur.VÍSIR/HULDA MARGRÉT Hraði Sveindísar er umræðuefnið í dag Fleira fær mann til að trúa því að Ísland geti tryggt sig inn á HM á morgun. Heimurinn er löngu hættur að tala um hraðann hjá Shanice Van De Sanden, en Jonker ákvað þó að kalla þennan sigursæla leikmann Liverpool á ný inn í hollenska hópinn. Heimurinn er í dag hins vegar að tala um hraða Sveindísar Jane Jónsdóttur, sem var fljótasti leikmaður EM og Meistaradeildar Evrópu á síðustu leiktíð. Sveindís sýndi það í 2-0 tapinu gegn Hollandi á Laugardalsvelli í fyrra að það er einfaldlega ekkert lið sem líður þægilega á móti henni. Ég held að jafnvel Lucy Bronze yrði ringluð við að spila gegn Sveindísi sem er enn á uppleið á sínum ferli og var frábær í 6-0 sigrinum gegn Hvíta-Rússlandi á föstudaginn. Tapleysi líkt og á EM dugar Ísland er líka með þrjá leikmenn á miðjunni hjá sér sem myndu pluma sig í öllum bestu liðum heims. Kannski vantar það hjá Söru, Dagnýju og Gunnhildi Yrsu að líða eins vel með boltann á tánum og til dæmis Karólínu og Amöndu, en það munu öll lið lenda í vandræðum með að sækja gegn þessari miðju. Amanda átti mjög góða innkomu gegn Hvít-Rússum og vonandi að þær Áslaug Munda þrói áfram afar spennandi samstarf sitt á vinstri kanti íslenska liðsins. Þó að ég sjái ákveðna möguleika á að Ísland tryggi sér HM-sæti hér í Utrecht annað kvöld, og að fólk fari þá að spara fyrir flugi til Ástralíu næsta sumar, þá væri auðvitað ekkert óeðlilegt við að leikurinn tapaðist. Þá tæki við umspil í október þar sem Ísland ætti að eiga fína möguleika. En Ísland er nýbúið að fara taplaust í gegnum EM, meðal annars gegn liði Frakka sem sló út Hollendinga, og stóri kosturinn sem stelpurnar okkar hafa skapað sér er að tapleysi er nákvæmlega það sem myndi duga annað kvöld. Ísland og Holland mætast á þriðjudagskvöld í Utrecht í úrslitaleik um öruggt sæti á HM. Tapliðið fer í umspil. Vísir er á staðnum og flytur fréttir heim af stelpunum okkar.
HM 2023 í Ástralíu og Nýja-Sjálandi Fótbolti Landslið kvenna í fótbolta Tengdar fréttir „Það væri draumur að rætast“ Íslenska kvennalandsliðið í fótbolta æfði við fínar aðstæður í sól og þægilegum hita nálægt borginni Utrecht í dag, í aðdraganda stórleiksins við Holland á þriðjudag sem ræður því hvort liðanna fær öruggan farseðil á HM næsta sumar. 4. september 2022 21:46 Stelpurnar okkar enn nær HM án þess að hreyfa legg eða lið Íslenska kvennalandsliðið í fótbolta er þessa stundina á leiðinni til Utrecht í Hollandi þar sem liðið mætir heimakonum á þriðjudagskvöld í úrslitaleik um öruggt sæti á HM. HM-draumurinn er orðinn mjög raunverulegur. 4. september 2022 11:00 Mest lesið Ákærður fyrir að slá barn sitt með blautu handklæði Sport Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Tók sinn tíma að jafna sig Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti Valsmenn spila fyrri leikinn á heimavelli Handbolti Fleiri fréttir Í beinni: Valur - Fram | Auka sprækir Framarar pressuna á Val? Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram „Nú verður Edda brjáluð þegar ég hitti hana næst“ Mikil virðing fyrir Orra: Hárið stundum flækt en alltaf bros á vör Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Sjá meira
„Það væri draumur að rætast“ Íslenska kvennalandsliðið í fótbolta æfði við fínar aðstæður í sól og þægilegum hita nálægt borginni Utrecht í dag, í aðdraganda stórleiksins við Holland á þriðjudag sem ræður því hvort liðanna fær öruggan farseðil á HM næsta sumar. 4. september 2022 21:46
Stelpurnar okkar enn nær HM án þess að hreyfa legg eða lið Íslenska kvennalandsliðið í fótbolta er þessa stundina á leiðinni til Utrecht í Hollandi þar sem liðið mætir heimakonum á þriðjudagskvöld í úrslitaleik um öruggt sæti á HM. HM-draumurinn er orðinn mjög raunverulegur. 4. september 2022 11:00