Eldgos í Fagradalsfjalli hófst að nýju 3. ágúst síðastliðinn.Vísir/Vilhelm
Eldgosið í Fagradalsfjalli er enn í dvala og óróinn liggur sömuleiðis niðri eftir að hafa farið niður í gærmorgun.
Þetta segir Lovísa Mjöll Guðmundsdóttir, náttúruvársérfræðingur hjá Veðurstofunni, í samtali við Vísi.
„Við höldum áfram að fylgjast með en það gerðist í síðasta gosi að það liðu stundum nokkrir dagar milli þess að óróinn fór niður og að hann tók sig aftur upp að nýju. Þannig að við fylgjumst áfram með,“ segir Lovísa.
Hún segir of snemmt að lýsa yfir einhverjum goslokum, enda sé þar vanalega miðað við þrjá mánuði frá því að slokkni á gosóróa.
Eldgos í Meradölum við Fagradalsfjall hófst þann 3. ágúst síðastliðinn.
Bráð úr hrauninu sem rann úr eldgosinu við Fagradalsfjall í fyrra hefur kreist út um hraunið vegna þunga nýja hraunsins sem rennur úr eldgosinu í Meradölum. Þessir kraftar gera það að verkum að enn varasamara getur verið að ganga á gamla hrauninu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
